राघवेन्द्रपादुकापूजाविधानम् Shri Raghavendra Padukapujavidhanam

श्रीगुरोः पादुकापूजाविधानं गृहधर्मिणाम् ।कृष्णावधूतो वक्ष्येऽहं गुरोरभिमतं यथा ॥ १॥

śrīguroḥ pādukāpūjāvidhānaṃ gṛhadharmiṇām |kṛṣṇāvadhūto vakṣye'haṃ gurorabhimataṃ yathā || 1||

ध्यानमावाहनं पश्चादासनं स्नानमक्षताः ।गन्धपुष्पाणि नैवेद्यं धूपो दीपो निराजनम् ।पुष्पाञ्जलिर्द्वादशैव पादुकापूजने क्रमे ॥ २॥

dhyānamāvāhanaṃ paścādāsanaṃ snānamakṣatāḥ |gandhapuṣpāṇi naivedyaṃ dhūpo dīpo nirājanam |puṣpāñjalirdvādaśaiva pādukāpūjane krame || 2||

अथ पादुका पूजाविधिः ।सायङ्काले गृहे स्नात्वा कृत्वा सन्ध्याजपादिकम् ।हरिं वायुं च सम्पूज्य पादुके पूजयेद्गुरोः ॥ ३॥

atha pādukā pūjāvidhiḥ |sāyaṅkāle gṛhe snātvā kṛtvā sandhyājapādikam |hariṃ vāyuṃ ca sampūjya pāduke pūjayedguroḥ || 3||

अथ ध्यानम् ।पादुके गुरुराजस्याऽपादिके सर्वसम्पदाम् ।बाधिके सर्वबाधानां साधिके भवतां मुदे ॥ ४॥ इति ध्यानम् ।

atha dhyānam |pāduke gururājasyā'pādike sarvasampadām |bādhike sarvabādhānāṃ sādhike bhavatāṃ mude || 4|| iti dhyānam |

पादौ पादुकयोरत्रावाहयामि महागुरोः ।अत्र सन्निहितौ भूत्वा कामदौ भवतं मम ॥ ५॥ इत्यावाहनम् ।

pādau pādukayoratrāvāhayāmi mahāguroḥ |atra sannihitau bhūtvā kāmadau bhavataṃ mama || 5|| ityāvāhanam |

इदमासनमास्तीर्णं तिष्ठतामत्र पादुके ।कुरु त्वं गुरुराजस्य कृपा मे स्याद्यथा तथा ॥ ६॥ इत्यासनम् ।

idamāsanamāstīrṇaṃ tiṣṭhatāmatra pāduke |kuru tvaṃ gururājasya kṛpā me syādyathā tathā || 6|| ityāsanam |

शुद्धैः सुगन्धिभिः शीतैः सलिलैः स्नपयामि वाम् ।राघवेन्द्रगुरोः पादौ तापं मे हरतां सदा ॥ ७॥ इति स्नानम् ।

śuddhaiḥ sugandhibhiḥ śītaiḥ salilaiḥ snapayāmi vām |rāghavendraguroḥ pādau tāpaṃ me haratāṃ sadā || 7|| iti snānam |

फलैः क्षीरैः शर्कराद्यैः स्नानं चेत् पूर्वमाचरेत् ।गुरुराजपदाम्भोजन्यासप्रयत पादुके ॥ ८॥

phalaiḥ kṣīraiḥ śarkarādyaiḥ snānaṃ cet pūrvamācaret |gururājapadāmbhojanyāsaprayata pāduke || 8||

अक्षतान् वां प्रदास्यामि कुरुतं मामिहाक्षतम् । इति अक्षतान् ।गुरुपादरजोगन्धलिप्ताङ्गे पादुके युवाम् ॥ ९॥

akṣatān vāṃ pradāsyāmi kurutaṃ māmihākṣatam | iti akṣatān |gurupādarajogandhaliptāṅge pāduke yuvām || 9||

गृहीत्वा सुरभिं गन्धं वर्तेयथां सुरद्रुमौ ॥ १०॥ इति गन्धम् ।

gṛhītvā surabhiṃ gandhaṃ varteyathāṃ suradrumau || 10|| iti gandham |

मल्लिकादि सुपुष्पाणां माला श्रीगुरुपादुके ।असितानि च पुष्पाणि गृहीत्वाऽवतमेव माम् ॥ ११॥ इति पुष्पम् ।

mallikādi supuṣpāṇāṃ mālā śrīgurupāduke |asitāni ca puṣpāṇi gṛhītvā'vatameva mām || 11|| iti puṣpam |

यथाशक्ति यथाकालं भक्त्याऽऽनीतं फलादिकम् ।स्वीकृत्य सफलं मां च कुरुतं गुरुपादुके ॥ १२॥ इति नैवेद्यम् ।

yathāśakti yathākālaṃ bhaktyā''nītaṃ phalādikam |svīkṛtya saphalaṃ māṃ ca kurutaṃ gurupāduke || 12|| iti naivedyam |

श्रीराघवेन्द्र राजेन्द्रमुनीन्द्रपदसङ्गते ।पादुके वां प्रदास्यामि धूपं सर्वमनोहरम् ॥ १३॥ इति धूपम् ।

śrīrāghavendra rājendramunīndrapadasaṅgate |pāduke vāṃ pradāsyāmi dhūpaṃ sarvamanoharam || 13|| iti dhūpam |

अन्धकारहरं चक्षुःसफलीकरणे पटुम् ।दर्शनार्थं च वां दीपं दर्शये गुरुपादुके ।श्रीराघवेन्द्राय नमः दीपं दर्शयामि ॥ १४॥ इति दीपम् ।

andhakāraharaṃ cakṣuḥsaphalīkaraṇe paṭum |darśanārthaṃ ca vāṃ dīpaṃ darśaye gurupāduke |śrīrāghavendrāya namaḥ dīpaṃ darśayāmi || 14|| iti dīpam |

नीराजनत्रयं कार्यमधिकं विभवो यथा ॥ १५॥

nīrājanatrayaṃ kāryamadhikaṃ vibhavo yathā || 15||

जयतु जयतु पादूः पातकध्वंसकर्त्रीजयतु जयतु बन्धुर्बन्धनिर्नाशयित्री ।जयतु जयतु मित्रं मातृवद् रक्षयित्रीजयतु जयतु राजद्राघवेन्द्राङ्घ्रिधात्री ॥ १६॥

jayatu jayatu pādūḥ pātakadhvaṃsakartrījayatu jayatu bandhurbandhanirnāśayitrī |jayatu jayatu mitraṃ mātṛvad rakṣayitrījayatu jayatu rājadrāghavendrāṅghridhātrī || 16||

श्रीमत्सद्गुरुपादसङ्गविभवे श्रीपादुके पादुकेपाटीरामलगन्धबन्धुरतनू श्रीपादुके पादुके ।नानालोकशिरोभिलालितमहा श्रीपादुके पादुकेदेहि त्वं मम मङ्गलं तव भजे श्रीपादुके पादुके ॥ १७॥

śrīmatsadgurupādasaṅgavibhave śrīpāduke pādukepāṭīrāmalagandhabandhuratanū śrīpāduke pāduke |nānālokaśirobhilālitamahā śrīpāduke pādukedehi tvaṃ mama maṅgalaṃ tava bhaje śrīpāduke pāduke || 17||

गुरुवरपदपद्मपूतदेहे मम मुखमस्त्विति पादुके श्रये त्वाम् ।मयि सदयमनास्त्वदेकभक्ते मृदुलतनूदरि सुन्दरि प्रसीद ॥ १८॥ इति नीराजनम् ।

guruvarapadapadmapūtadehe mama mukhamastviti pāduke śraye tvām |mayi sadayamanāstvadekabhakte mṛdulatanūdari sundari prasīda || 18|| iti nīrājanam |

वन्दे त्वां देवि देवव्रतियतिपतिपद्धूलिकालिप्रलिप्तेभूयो भूयो दया मे भवतु वृतवरे मानयानस्य दिव्ये ।मानं ज्ञानं धनं मे दिश दिश दशधा पादुके दुष्टदुःखात्पाहीतो हीनहीनात् सखसखि सुखिनं मां तनूत प्रतप्तम् ॥ १९॥

vande tvāṃ devi devavratiyatipatipaddhūlikālipraliptebhūyo bhūyo dayā me bhavatu vṛtavare mānayānasya divye |mānaṃ jñānaṃ dhanaṃ me diśa diśa daśadhā pāduke duṣṭaduḥkhātpāhīto hīnahīnāt sakhasakhi sukhinaṃ māṃ tanūta prataptam || 19||

कामदात्री सकामानामन्यैकामृतदायिका ।काले कालेऽघकार्मासं दह्यात् काप्यार्यपादुका ॥ २०॥

kāmadātrī sakāmānāmanyaikāmṛtadāyikā |kāle kāle'ghakārmāsaṃ dahyāt kāpyāryapādukā || 20||

सतरलां नलिनेन तवाङ्गके प्रणिदधामि गुरूत्तम पादुके ॥ २१॥

sataralāṃ nalinena tavāṅgake praṇidadhāmi gurūttama pāduke || 21||

श्रीराघवेन्द्र गुरुराजपदारविन्दसंसर्गलब्धसुगुणैः जगति प्रपूज्य ।श्रीपादुके सुमुखि सुन्दरि सूक्ष्ममध्येपुष्पाञ्जलिं वृणु विधेहि सुमङ्गलं मे ॥ २२॥

śrīrāghavendra gururājapadāravindasaṃsargalabdhasuguṇaiḥ jagati prapūjya |śrīpāduke sumukhi sundari sūkṣmamadhyepuṣpāñjaliṃ vṛṇu vidhehi sumaṅgalaṃ me || 22||

प्रदक्षिणनमस्कारौ करिष्ये पादुके तव ।मामुद्धर कृपापूर्णे भवदुःखाम्बुधेर्द्रुतम् ॥ २३॥

pradakṣiṇanamaskārau kariṣye pāduke tava |māmuddhara kṛpāpūrṇe bhavaduḥkhāmbudherdrutam || 23||

अनेकधा यथायोग्यमुपचारान् समर्पयेत् ।कृत्वाऽऽभीष्टप्रार्थनां च सर्वतन्त्रे समर्पयेत् ॥ २४॥

anekadhā yathāyogyamupacārān samarpayet |kṛtvā''bhīṣṭaprārthanāṃ ca sarvatantre samarpayet || 24||

श्रीगुरोश्चरणपङ्कजसङ्गान्मोदमानहृदये मृदुलाङ्गि ।इष्टपूर्तिरधुना मम भूयाः शिष्टशीर्षपरिपालितमूर्ते ॥ २५॥

śrīguroścaraṇapaṅkajasaṅgānmodamānahṛdaye mṛdulāṅgi |iṣṭapūrtiradhunā mama bhūyāḥ śiṣṭaśīrṣaparipālitamūrte || 25||

पाहि मां सुमुख वत्सलभावाद्वाहिका त्वमसि भक्तभरस्य ।या हि मे विपद उच्छितसर्पाः ता हिनस्ति नमनं तव पादू ॥ २६॥

pāhi māṃ sumukha vatsalabhāvādvāhikā tvamasi bhaktabharasya |yā hi me vipada ucchitasarpāḥ tā hinasti namanaṃ tava pādū || 26||

पायाः मां श्रीगुरुराघवेन्द्रचरणापायापहारोद्यतेमायापाशविनाशिनि प्रभजतां हेयाखिलारोज्झिते ।दायादेऽमरपादपस्य च परीधूयाखिलं पातकंजायापुत्रगृहादि संसृतिषु मे भूयाः मुदे पादुके ॥ २७॥

pāyāḥ māṃ śrīgururāghavendracaraṇāpāyāpahārodyatemāyāpāśavināśini prabhajatāṃ heyākhilārojjhite |dāyāde'marapādapasya ca parīdhūyākhilaṃ pātakaṃjāyāputragṛhādi saṃsṛtiṣu me bhūyāḥ mude pāduke || 27||

इति श्रीमत्कृष्णावधूतपण्डितकृतौ श्रीराघवेन्द्रतन्त्रेत्रयोदशपटले पादुकापूजाविधानं सम्पूर्णम् ।

iti śrīmatkṛṣṇāvadhūtapaṇḍitakṛtau śrīrāghavendratantretrayodaśapaṭale pādukāpūjāvidhānaṃ sampūrṇam |