राघवेन्द्ररक्षाकवचम् Shri Raghavendra Raksha Kavacham

अथ श्रीराघवेन्द्रार्यरक्षाकवचमद्भुतम् ।वक्ष्यामि दंशितो येन क्षेमवान् विजयी भवेत् ॥ १॥

atha śrīrāghavendrāryarakṣākavacamadbhutam |vakṣyāmi daṃśito yena kṣemavān vijayī bhavet || 1||

गुरुराजप्रेमपुत्रः तत्प्रसादपुरस्कृतः ।कृष्णावधूतनामाऽहं तस्य सन्निधिकारकम् ॥ २॥

gururājapremaputraḥ tatprasādapuraskṛtaḥ |kṛṣṇāvadhūtanāmā'haṃ tasya sannidhikārakam || 2||

छन्दः त्रिष्टुप् समाख्यातं देवता गुरुराट् स्मृतः ।मन्त्रन्यासः प्रकर्तव्यो ध्यानं वक्ष्यामि सद्गुरोः ॥ ३॥

chandaḥ triṣṭup samākhyātaṃ devatā gururāṭ smṛtaḥ |mantranyāsaḥ prakartavyo dhyānaṃ vakṣyāmi sadguroḥ || 3||

करधृतलगुढं धृताक्षमालं दरविवृतेक्षणमम्बुजासनस्थम् ।दरचलदधरं गुरुं दधानं वरमभयप्रणतेष्टदं स्मरामि ॥ ४॥

karadhṛtalaguḍhaṃ dhṛtākṣamālaṃ daravivṛtekṣaṇamambujāsanastham |daracaladadharaṃ guruṃ dadhānaṃ varamabhayapraṇateṣṭadaṃ smarāmi || 4||

ॐ पूर्वेऽत्र मां रक्षतु राघवेन्द्रोमां दक्षिणेऽव्याद्घनपापहन्ता ।अव्यात्प्रतीच्यामभयप्रदातापातूत्तरस्यां दिशि शान्तिकर्ता ॥ ५॥

oṃ pūrve'tra māṃ rakṣatu rāghavendromāṃ dakṣiṇe'vyādghanapāpahantā |avyātpratīcyāmabhayapradātāpātūttarasyāṃ diśi śāntikartā || 5||

आग्नेयभागेऽवतु दिव्यतेजाः नैऋत्यभागेऽवतु दुष्टहन्ता ।वायुव्यभागेऽवतु वज्रकायो मामीशभागेऽवतु सिद्धिदाता ॥ ६॥

āgneyabhāge'vatu divyatejāḥ naiṛtyabhāge'vatu duṣṭahantā |vāyuvyabhāge'vatu vajrakāyo māmīśabhāge'vatu siddhidātā || 6||

पायात् शिखां मे श्रितरामपादःपायात् शिरो मे शशिशीतवृत्तिः ।भालं ममाव्याद्दुरदृष्टहर्ताभ्रुवौ ममाव्याद्भवतापहर्ता ॥ ७॥

pāyāt śikhāṃ me śritarāmapādaḥpāyāt śiro me śaśiśītavṛttiḥ |bhālaṃ mamāvyādduradṛṣṭahartābhruvau mamāvyādbhavatāpahartā || 7||

कूर्चं ममाव्यात् कुलशीलशालीनेत्रे ममाव्यान्नयनप्रदाता ।कर्णौ ममाव्याद्बधिरत्वहारीगण्डौ ममाव्याद्गरदोषहारी ॥ ८॥

kūrcaṃ mamāvyāt kulaśīlaśālīnetre mamāvyānnayanapradātā |karṇau mamāvyādbadhiratvahārīgaṇḍau mamāvyādgaradoṣahārī || 8||

ओष्ठाधरौ मेऽवतु कष्टहारीनासां सदा मेऽवतु नादकारी ।जिह्वां सदा रक्षतु वाक्प्रदातादन्तान् सदा रक्षतु भक्ष्यदाता ॥ ९॥

oṣṭhādharau me'vatu kaṣṭahārīnāsāṃ sadā me'vatu nādakārī |jihvāṃ sadā rakṣatu vākpradātādantān sadā rakṣatu bhakṣyadātā || 9||

पायात् सदा मे चिबुकं यतीशः ।पायात् सदा मे वदनं व्रतीशः ।कण्ठं नु कण्ठीरवभक्तवर्यःस्कन्धौ ममाव्याद्धृतपुष्पमालः ॥ १०॥

pāyāt sadā me cibukaṃ yatīśaḥ |pāyāt sadā me vadanaṃ vratīśaḥ |kaṇṭhaṃ nu kaṇṭhīravabhaktavaryaḥskandhau mamāvyāddhṛtapuṣpamālaḥ || 10||

भुजौ ममाव्यादिह बाहुदाताकरौ ममाव्याद्वरदानशूरः ।हस्ताङ्गुलीन् मे मनुजापकोऽव्यात्वक्षो ममाव्याद्घनसंशयच्छित् ॥ ११॥

bhujau mamāvyādiha bāhudātākarau mamāvyādvaradānaśūraḥ |hastāṅgulīn me manujāpako'vyātvakṣo mamāvyādghanasaṃśayacchit || 11||

कुक्षिं ममाव्यादयमामयघ्नःपार्श्वे ममाव्याद्भवभीतिहर्ता ।साहाय्यकर्ता मम पातु पृष्ठंकटिं सदा मे कनकाम्बरोऽव्यात् ॥ १२॥

kukṣiṃ mamāvyādayamāmayaghnaḥpārśve mamāvyādbhavabhītihartā |sāhāyyakartā mama pātu pṛṣṭhaṃkaṭiṃ sadā me kanakāmbaro'vyāt || 12||

मेहामयघ्नोऽवतु मे तु गुह्यंऊरू सदा मेऽवतु वेगशीलः ।मौनव्रती मेऽवतु जानुनी चजङ्घे ममाव्याज्जवनत्वदायी ॥ १३॥

mehāmayaghno'vatu me tu guhyaṃūrū sadā me'vatu vegaśīlaḥ |maunavratī me'vatu jānunī cajaṅghe mamāvyājjavanatvadāyī || 13||

गुल्भौ ममाव्याद्गुणवर्णनीयःपादौ ममाव्यात्परपीडितारिः ।यद्यन्ममाङ्गं न मयोक्तमत्रतत्तत्समस्तं च दयालुरव्यात् ॥ १४॥

gulbhau mamāvyādguṇavarṇanīyaḥpādau mamāvyātparapīḍitāriḥ |yadyanmamāṅgaṃ na mayoktamatratattatsamastaṃ ca dayāluravyāt || 14||

पितॄंश्च पत्नींश्च सुतांश्च बन्धून्पौत्रादिकान्मे सुतवत्सलोऽव्यात् ।व्याघ्राऽहिभल्लूकवराहदन्तीलुलायसिंहांश्च सृगाल चोरान् ॥ १५॥

pitṝṃśca patnīṃśca sutāṃśca bandhūnpautrādikānme sutavatsalo'vyāt |vyāghrā'hibhallūkavarāhadantīlulāyasiṃhāṃśca sṛgāla corān || 15||

हत्वा च दुष्टान् कृमिवृश्चिकाण्डजातान् ममाव्याद्गुरुराजदण्डः ।भिन्द्यात्पिशाचासुरयक्षरक्षोभूतग्रहादीन् गुरुपादरेणुः ॥ १६॥

hatvā ca duṣṭān kṛmivṛścikāṇḍajātān mamāvyādgururājadaṇḍaḥ |bhindyātpiśācāsurayakṣarakṣobhūtagrahādīn gurupādareṇuḥ || 16||

अग्न्यम्बुशैलाशनिराजशत्रुविषादितोऽव्याद्गुरुपादतीर्थम् ।कुष्ठज्वरार्शःक्षयमुख्यरोगान्विनाशयित्वाऽवतु मृत्तिका सा ॥ १७॥

agnyambuśailāśanirājaśatruviṣādito'vyādgurupādatīrtham |kuṣṭhajvarārśaḥkṣayamukhyarogānvināśayitvā'vatu mṛttikā sā || 17||

धान्यं धनं भूषणवस्त्रगेहधैर्यं ममाव्याद्गुरुराघवेन्द्रः ।राजारिनारीनरवश्यसिद्धिंमित्रादिकप्रेमकवित्वविद्याः ॥ १८॥

dhānyaṃ dhanaṃ bhūṣaṇavastragehadhairyaṃ mamāvyādgururāghavendraḥ |rājārinārīnaravaśyasiddhiṃmitrādikapremakavitvavidyāḥ || 18||

सर्वानुकूल्यं सकलार्थसिद्धिंदधातु मे सिद्धगणाग्रगण्यः ।ज्ञानं सदाचारमुदारभावंचित्तेन्द्रियादीनि च पातु सूज्ञः ॥ १९॥

sarvānukūlyaṃ sakalārthasiddhiṃdadhātu me siddhagaṇāgragaṇyaḥ |jñānaṃ sadācāramudārabhāvaṃcittendriyādīni ca pātu sūjñaḥ || 19||

धर्मानुकूल्यं कृतपुण्यकर्मविवेकमित्यादि पिता ममाव्यात् ।सङ्कल्पसिद्धिं मम वाक्यसिद्धिंजयं च सर्वत्र ददात्वभीष्टः ॥ २०॥

dharmānukūlyaṃ kṛtapuṇyakarmavivekamityādi pitā mamāvyāt |saṅkalpasiddhiṃ mama vākyasiddhiṃjayaṃ ca sarvatra dadātvabhīṣṭaḥ || 20||

पुरश्च मेऽव्याद्वरदानकारीपश्चाश्च मेऽव्याद्बलदानकारी ।ऊर्ध्वं ममाऽव्यात्परितापहारीअधश्च मेऽव्यात् स्थिवासकारी ॥ २१॥

puraśca me'vyādvaradānakārīpaścāśca me'vyādbaladānakārī |ūrdhvaṃ mamā'vyātparitāpahārīadhaśca me'vyāt sthivāsakārī || 21||

दिवा प्रभाते निशि च प्रदोषेमध्यन्दिनेऽव्यान्मम जागरूकः ।सर्वेषु कार्येषु च सर्वदा मांपायाद्गुरुर्मत्कृतसन्निधानः ॥ २२॥

divā prabhāte niśi ca pradoṣemadhyandine'vyānmama jāgarūkaḥ |sarveṣu kāryeṣu ca sarvadā māṃpāyādgururmatkṛtasannidhānaḥ || 22||

इदं श्रीराघवेनद्रार्यकवचं रक्षकः परम् ।त्रिकालं वा द्विकालं वा सकृद्वा पठितां दिनम् ॥ २३॥

idaṃ śrīrāghavenadrāryakavacaṃ rakṣakaḥ param |trikālaṃ vā dvikālaṃ vā sakṛdvā paṭhitāṃ dinam || 23||

कुष्ठादि रोगशमनं सर्वपीडाहरं शुभम् ।कविताशास्त्रविज्ञानप्रदं वादिजयप्रदम् ॥ २४॥

kuṣṭhādi rogaśamanaṃ sarvapīḍāharaṃ śubham |kavitāśāstravijñānapradaṃ vādijayapradam || 24||

सर्वसाध्वसरक्षार्थं ब्रह्मास्त्रसदृशं कलौ ॥ २५॥

sarvasādhvasarakṣārthaṃ brahmāstrasadṛśaṃ kalau || 25||

वन्दे श्रीगुरुराजमुग्रतपसं सर्वारिदर्पापहंदेवेन्द्राभसमृद्धसम्पदममुं भक्तिप्रियं सद्गुरुम् ।भक्तत्राणनबद्धकङ्कणमसद्भाधाहरं स्वर्गवीस्वारत्नस्वरगात्युदारहृदयं तं रिष्टतातिं प्रभुम् ॥ २६॥

vande śrīgururājamugratapasaṃ sarvāridarpāpahaṃdevendrābhasamṛddhasampadamamuṃ bhaktipriyaṃ sadgurum |bhaktatrāṇanabaddhakaṅkaṇamasadbhādhāharaṃ svargavīsvāratnasvaragātyudārahṛdayaṃ taṃ riṣṭatātiṃ prabhum || 26||

इति श्रीमत्कृष्णावधूतपण्डितकृतौ श्रीराघवेन्द्रतन्त्रेश्रीराघवेन्द्ररक्षाकवचं नाम पञ्चमपटलः सम्पूर्णः ।

iti śrīmatkṛṣṇāvadhūtapaṇḍitakṛtau śrīrāghavendratantreśrīrāghavendrarakṣākavacaṃ nāma pañcamapaṭalaḥ sampūrṇaḥ |