प्रवचनपूर्वस्तुतिः Pravachanapurva Stutih

(श्री निरञ्जनपीठाधीश्वर आचार्य महामण्डलेश्वरयतीन्द्र स्वामी श्रीकृष्णानन्द गिरिजी महाराजसर्ववेदान्तसिद्धान्तगोचरं तमगोचरम् ।महेशं सच्चिदानन्दं सद्गुरुं प्रणतोऽस्म्यहम् ॥या कुन्देन्दुतुषारहारधवला या शुभ्रवस्त्रावृताया वीणावरदण्डमण्डितकरा या श्वेतपद्मासना ।या ब्रह्माच्युतशङ्करप्रकृतिभिर्देवैः सदा वन्दितासा मां पातु सरस्वती भगवती निःशेषजाड्यापहा ॥ १॥

(śrī nirañjanapīṭhādhīśvara ācārya mahāmaṇḍaleśvarayatīndra svāmī śrīkṛṣṇānanda girijī mahārājasarvavedāntasiddhāntagocaraṃ tamagocaram |maheśaṃ saccidānandaṃ sadguruṃ praṇato'smyaham ||yā kundendutuṣārahāradhavalā yā śubhravastrāvṛtāyā vīṇāvaradaṇḍamaṇḍitakarā yā śvetapadmāsanā |yā brahmācyutaśaṅkaraprakṛtibhirdevaiḥ sadā vanditāsā māṃ pātu sarasvatī bhagavatī niḥśeṣajāḍyāpahā || 1||

शुक्लां ब्रह्मविचारसारपरमामाद्यां जगद्व्यापिनींवीणापुस्तकधारिणीमभयदां जाड्यान्धकारापहाम् ।हस्ते स्फाटिकमालिकां विदधतीं पद्मासने संस्थितांवन्दे तां परमेश्वरी भगवतीं बुद्धिप्रदां शारदाम् ॥ २॥

śuklāṃ brahmavicārasāraparamāmādyāṃ jagadvyāpinīṃvīṇāpustakadhāriṇīmabhayadāṃ jāḍyāndhakārāpahām |haste sphāṭikamālikāṃ vidadhatīṃ padmāsane saṃsthitāṃvande tāṃ parameśvarī bhagavatīṃ buddhipradāṃ śāradām || 2||

मन्दारमालाकलितालकायै कपालमालाङ्कितशेखराय ।दिव्याम्बरायै च दिगम्बराय नमः शिवाय च नमः शिवाय ॥ ३॥

mandāramālākalitālakāyai kapālamālāṅkitaśekharāya |divyāmbarāyai ca digambarāya namaḥ śivāya ca namaḥ śivāya || 3||

मुखे ते ताम्बूलं नयनयुगले कज्जलकलाललाटे काश्मीरं विलसति गले मौक्तिकलता ।स्फुरत् काञ्चीसाटी पृथुकटितटे हाटकमयीभजामि त्वां गौरी नगपतिकिशोरीमभिरतम् ॥ ४॥

mukhe te tāmbūlaṃ nayanayugale kajjalakalālalāṭe kāśmīraṃ vilasati gale mauktikalatā |sphurat kāñcīsāṭī pṛthukaṭitaṭe hāṭakamayībhajāmi tvāṃ gaurī nagapatikiśorīmabhiratam || 4||

हंसो पद्मवनं समिच्छति यथा नीलाम्बुदं चातकःकोकः कोकनदप्रियं प्रतिदिनं चन्द्रं चकोरस्तथा ।चेतो वाञ्च्छति मामकं पशुपते चिन्मार्गभृग्यं विभोगौरीनाथ भवत्पदाब्जयुगलं कैवल्यसौख्यप्रदम् ॥ ५॥

haṃso padmavanaṃ samicchati yathā nīlāmbudaṃ cātakaḥkokaḥ kokanadapriyaṃ pratidinaṃ candraṃ cakorastathā |ceto vāñcchati māmakaṃ paśupate cinmārgabhṛgyaṃ vibhogaurīnātha bhavatpadābjayugalaṃ kaivalyasaukhyapradam || 5||

अयः स्पर्शे लग्नं सपदि लभते हेमपदवींयथा रथ्यापाथः शुचि भवति गङ्गौघमिलितम् ।तथा तत्तत्पापैरतिमलिनमन्तर्मम यदित्वयि प्रेम्णा सक्तं कथमिव न जायेत विमलम् ॥ ६॥

ayaḥ sparśe lagnaṃ sapadi labhate hemapadavīṃyathā rathyāpāthaḥ śuci bhavati gaṅgaughamilitam |tathā tattatpāpairatimalinamantarmama yaditvayi premṇā saktaṃ kathamiva na jāyeta vimalam || 6||

आकाशेन शिखी समस्त फणिनां नेत्रा कलापी नतान्उद्ग्राही प्रणवोपदेशनिनदैः केकीति यो गीयते ।श्यामां शैलसमुद्भवां धनरुचिं दृष्ट्वा नटन्तं मुदावेदान्तोपवने विहाररसिकं तं नीलकण्ठं भजे ॥ ७॥

ākāśena śikhī samasta phaṇināṃ netrā kalāpī natānudgrāhī praṇavopadeśaninadaiḥ kekīti yo gīyate |śyāmāṃ śailasamudbhavāṃ dhanaruciṃ dṛṣṭvā naṭantaṃ mudāvedāntopavane vihārarasikaṃ taṃ nīlakaṇṭhaṃ bhaje || 7||

महान्तं विश्वासं तव चरणपङ्केरुहयुगैःनिधायान्यं नैवाश्रितमिह मया दैवतमुमे ।तथाऽपित्वच्चेतो मयि न यदि जायेत करुणंनिरालम्बो लम्बोदरजननि कं यामि शरणम् ॥ ८॥

mahāntaṃ viśvāsaṃ tava caraṇapaṅkeruhayugaiḥnidhāyānyaṃ naivāśritamiha mayā daivatamume |tathā'pitvacceto mayi na yadi jāyeta karuṇaṃnirālambo lambodarajanani kaṃ yāmi śaraṇam || 8||

इति श्री निरञ्जनपीठाधीश्वर आचार्य महामण्डलेश्वर यतीन्द्रस्वामी श्रीकृष्णानन्द गिरिजी महाराजस्य प्रवचनपूर्वस्तुतिः समाप्ता ।

iti śrī nirañjanapīṭhādhīśvara ācārya mahāmaṇḍaleśvara yatīndrasvāmī śrīkṛṣṇānanda girijī mahārājasya pravacanapūrvastutiḥ samāptā |