निगमनश्लोकाः Nigamana Shlokah

॥ श्री ॥॥ श्रीमते रामानुजाय नमः ॥सर्वदेशदशाकालेष्वव्याहतपराक्रमा ।रामानुजार्यदिव्याज्ञा वर्धतामभिवर्धताम् ॥ १॥

|| śrī |||| śrīmate rāmānujāya namaḥ ||sarvadeśadaśākāleṣvavyāhataparākramā |rāmānujāryadivyājñā vardhatāmabhivardhatām || 1||

रामानुजार्यदिव्याज्ञा प्रतिवासरमुज्ज्वला ।दिगन्तव्यापिनी भूयात् सा हि लोकहितैषिणी ॥ २॥

rāmānujāryadivyājñā prativāsaramujjvalā |digantavyāpinī bhūyāt sā hi lokahitaiṣiṇī || 2||

नातः परं किमपि मे त्वयि नाथनीयंमातर्दये ! मयि कुरुष्व तथा प्रसादम् ।बद्धादरो वृषगिरिप्रणयी यथासौमुक्तानुभूतिमिह दास्यति मे मुकुन्दः ॥ ३॥

nātaḥ paraṃ kimapi me tvayi nāthanīyaṃmātardaye ! mayi kuruṣva tathā prasādam |baddhādaro vṛṣagiripraṇayī yathāsaumuktānubhūtimiha dāsyati me mukundaḥ || 3||

(श्लोकोऽयं श्रीदेशिकचरणानाम्)मुक्तानुभूतिर्हि महीतलेऽस्मिन्मुकुन्दपादाब्जमधुव्रतानाम् ।मुदां प्रवाहैः मुहुराकुलानांमुनीन्द्ररामानुजसूक्तिसेवा ॥ ४॥

(śloko'yaṃ śrīdeśikacaraṇānām)muktānubhūtirhi mahītale'sminmukundapādābjamadhuvratānām |mudāṃ pravāhaiḥ muhurākulānāṃmunīndrarāmānujasūktisevā || 4||

श्रीमदाशुकविसार्वभौमानां)विशुद्धविज्ञानविशेषकारणंरजस्तमः कल्मषदोषनाशनम् ।सदैव रामानुजपादपङ्कजंस्मरामि नौमि प्रणमामि चादरात् ॥ ५॥

śrīmadāśukavisārvabhaumānāṃ)viśuddhavijñānaviśeṣakāraṇaṃrajastamaḥ kalmaṣadoṣanāśanam |sadaiva rāmānujapādapaṅkajaṃsmarāmi naumi praṇamāmi cādarāt || 5||

(श्रीश्रुतप्रकाशिकाचार्याणाम् ।क्षेमाय यः करुणया क्षितिनिर्जराणांभूमावजृम्भयत भाष्यसुधामुदारः ।वामागमाध्वगवदावदतूलवातःरामानुजस्स मुनिराद्रियतां मदुक्तिम् ॥ ६॥

(śrīśrutaprakāśikācāryāṇām |kṣemāya yaḥ karuṇayā kṣitinirjarāṇāṃbhūmāvajṛmbhayata bhāṣyasudhāmudāraḥ |vāmāgamādhvagavadāvadatūlavātaḥrāmānujassa munirādriyatāṃ maduktim || 6||

(श्रीमदुपनिषद्भाष्यकाराणाम्)जयति यतिराजसूक्तिःजयति मुकुन्दस्य पादुकायुगली ।तदुभयधनास्त्रिवेदींअवन्ध्ययन्तो जयन्ति भुवि सन्तः ॥ ७॥

(śrīmadupaniṣadbhāṣyakārāṇām)jayati yatirājasūktiḥjayati mukundasya pādukāyugalī |tadubhayadhanāstrivedīṃavandhyayanto jayanti bhuvi santaḥ || 7||

(श्रीदेशिकचरणानां)काले वर्षतु वासवः क्षितिभुजो रक्षन्तु संयक् महींसर्वे सन्तु निरामयाश्च कृतिनः सत्त्वोत्तराः प्राणिनः ।पुण्या लोकमिदं पुनातु भगवद्भक्तिः चिरस्थायिनीमालावत् यतिशेखरस्य विहरत्वाज्ञा नृणां मूर्धसु ॥ ८॥

(śrīdeśikacaraṇānāṃ)kāle varṣatu vāsavaḥ kṣitibhujo rakṣantu saṃyak mahīṃsarve santu nirāmayāśca kṛtinaḥ sattvottarāḥ prāṇinaḥ |puṇyā lokamidaṃ punātu bhagavadbhaktiḥ cirasthāyinīmālāvat yatiśekharasya viharatvājñā nṛṇāṃ mūrdhasu || 8||

(घटिकाशतवात्स्यवरदगुरूणां)इति निगमनश्लोकाः सम्पूर्णाः ।॥ श्रीमते रामानुजाय नमः ॥

(ghaṭikāśatavātsyavaradagurūṇāṃ)iti nigamanaślokāḥ sampūrṇāḥ ||| śrīmate rāmānujāya namaḥ ||