गुरुराजोपहारः अथवा गुरुराजोपहाराष्टकम् Offering To Shri Gururaja Shrigururajopaharah

शङ्करांश भूमशङ्करार्यपीठसद्गुरून्शुद्धसत्त्वभासुरान् सुवर्त्मनीतभूसुरान् ।सर्वभूतसौख्यदान् क्षमाकरान् यतीश्वरान्काञ्चिकामकोटिपीठदेशिकानहं भजे ॥ १॥

śaṅkarāṃśa bhūmaśaṅkarāryapīṭhasadgurūnśuddhasattvabhāsurān suvartmanītabhūsurān |sarvabhūtasaukhyadān kṣamākarān yatīśvarānkāñcikāmakoṭipīṭhadeśikānahaṃ bhaje || 1||

तारमन्त्रनिष्ठितांश्च शङ्करप्रतिष्ठिता-ऽद्वैतभावभावुकान् मुदाकरान् कृपाकरान् ।षण्मतप्रकाशकान् शिवापरांस्तपोधनान्काञ्चिकामकोटिपीठदेशिकानहं भजे ॥ २॥

tāramantraniṣṭhitāṃśca śaṅkarapratiṣṭhitā-'dvaitabhāvabhāvukān mudākarān kṛpākarān |ṣaṇmataprakāśakān śivāparāṃstapodhanānkāñcikāmakoṭipīṭhadeśikānahaṃ bhaje || 2||

ताननित्यनित्यवस्तुभेदवेदिमानसान्ऐहिकस्य चेतरस्य भोगभागदूरगान् ।निर्जितान्तरिन्द्रियांस्त्रिकालवेदिनश्शुभान्काञ्चिकामकोटिपीठदेशिकानहं भजे ॥ ३॥

tānanityanityavastubhedavedimānasānaihikasya cetarasya bhogabhāgadūragān |nirjitāntarindriyāṃstrikālavedinaśśubhānkāñcikāmakoṭipīṭhadeśikānahaṃ bhaje || 3||

शासिताक्षसैन्धवान् सुशिष्टबुद्धिसारथीन्त्यक्तकर्मविभ्रमान् यथाविधि प्रशान्तिगान् ।द्वन्द्वसाम्यनिष्ठितान् प्रहृष्टमानसान् गुरून्काञ्चिकामकोटिपीठदेशिकानहं भजे ॥ ४॥

śāsitākṣasaindhavān suśiṣṭabuddhisārathīntyaktakarmavibhramān yathāvidhi praśāntigān |dvandvasāmyaniṣṭhitān prahṛṣṭamānasān gurūnkāñcikāmakoṭipīṭhadeśikānahaṃ bhaje || 4||

दोषदर्शिनश्च वासनादिनीतवस्तुषुश्रीगुरूपदेशवेदशीर्षवाक्यभावुकान् ।नित्यमोक्षनिर्भरान् फलैकसङ्गनिस्पृहान्काञ्चिकामकोटिपीठदेशिकानहं भजे ॥ ५॥

doṣadarśinaśca vāsanādinītavastuṣuśrīgurūpadeśavedaśīrṣavākyabhāvukān |nityamokṣanirbharān phalaikasaṅganispṛhānkāñcikāmakoṭipīṭhadeśikānahaṃ bhaje || 5||

ब्रह्मवस्तुदर्शिनः प्रपञ्चभूतसञ्चयेसर्वभूतमात्मनि प्रविष्टमेव भाविनः ।कामरोषलोभमोहवर्गषट्कमोचितान्काञ्चिकामकोटिपीठदेशिकानहं भजे ॥ ६॥

brahmavastudarśinaḥ prapañcabhūtasañcayesarvabhūtamātmani praviṣṭameva bhāvinaḥ |kāmaroṣalobhamohavargaṣaṭkamocitānkāñcikāmakoṭipīṭhadeśikānahaṃ bhaje || 6||

ब्रह्मदण्डमण्डितान् विभूतिभासुराङ्गकान्व्युप्तकेशराजितान् कषायचेलशोभितान् ।कुण्डिकालसत्करान् सुपादुकाविभूषणान्काञ्चिकामकोटिपीठदेशिकानहं भजे ॥ ७॥

brahmadaṇḍamaṇḍitān vibhūtibhāsurāṅgakānvyuptakeśarājitān kaṣāyacelaśobhitān |kuṇḍikālasatkarān supādukāvibhūṣaṇānkāñcikāmakoṭipīṭhadeśikānahaṃ bhaje || 7||

राजमौलिकीरपञ्जरान्परात्मपूजकान्श्रीपुराधिदेवताचकोरचन्द्रतल्लजान् ।ब्रह्मलोकमार्गभानुमण्डलप्रभेदकान्काञ्चिकामकोटिपीठदेशिकानहं भजे ॥ ८॥

rājamaulikīrapañjarānparātmapūjakānśrīpurādhidevatācakoracandratallajān |brahmalokamārgabhānumaṇḍalaprabhedakānkāñcikāmakoṭipīṭhadeśikānahaṃ bhaje || 8||