पादुकापञ्चकं शिवोक्तम् Padukapanchakam

ब्रह्मरन्ध्रसरसीरुहोदरेनित्यलग्नमवदातमद्भुतम् ।कुण्डलीविवरकाण्डमण्डितंद्वादशार्णसरसीरुहं भजे ॥ १॥

brahmarandhrasarasīruhodarenityalagnamavadātamadbhutam |kuṇḍalīvivarakāṇḍamaṇḍitaṃdvādaśārṇasarasīruhaṃ bhaje || 1||

तस्य कन्दलितकर्णिकापुटेकॢप्तरेखमकथादिरेखया ।कोणलक्षितहलक्षमण्डलीभावलक्ष्यमवलालयं भजे ॥ २॥

tasya kandalitakarṇikāpuṭekḷptarekhamakathādirekhayā |koṇalakṣitahalakṣamaṇḍalībhāvalakṣyamavalālayaṃ bhaje || 2||

तत्पुटे पटुतडित्कडारिमस्पर्द्धमानमणिपाटलप्रभम् ।चिन्तयामि हृदि चिन्मयं वपुर्नादबिन्दुमणिपीठमण्डलम् ॥ ३॥

tatpuṭe paṭutaḍitkaḍārimasparddhamānamaṇipāṭalaprabham |cintayāmi hṛdi cinmayaṃ vapurnādabindumaṇipīṭhamaṇḍalam || 3||

ऊर्ध्वमस्य हुतभुक्।ह्शिखात्रयंतद्विलासपरिवृंहणास्पदम् ।विश्वघस्मरमहोच्चिदोत्कटंव्यामृशामि युगमादिहंसयोः ॥ ४॥

ūrdhvamasya hutabhuk|hśikhātrayaṃtadvilāsaparivṛṃhaṇāspadam |viśvaghasmaramahoccidotkaṭaṃvyāmṛśāmi yugamādihaṃsayoḥ || 4||

तत्र नाथचरणारविन्दयोःकुङ्कुमासवपरीमरन्दयोः ।द्वन्द्वमिन्दुमकरन्दशीतलंमानसं स्मरति मङ्गलास्पदम् ॥ ५॥

tatra nāthacaraṇāravindayoḥkuṅkumāsavaparīmarandayoḥ |dvandvamindumakarandaśītalaṃmānasaṃ smarati maṅgalāspadam || 5||

निसक्तमणिपादुकानियमिताघकोलाहलंस्फुरत्किसलयारुणं नखसमुल्लसच्चन्द्रकम् ।परामृतसरोवरोदितसरोजसद्रोचिषंभजामि शिरसि स्थितं गुरुपदारविन्दद्वयम् ॥ ६॥

nisaktamaṇipādukāniyamitāghakolāhalaṃsphuratkisalayāruṇaṃ nakhasamullasaccandrakam |parāmṛtasarovaroditasarojasadrociṣaṃbhajāmi śirasi sthitaṃ gurupadāravindadvayam || 6||

पादुकापञ्चकस्तोत्रं पञ्चवक्त्राद्विनिर्गतम् ।षडाम्नायफलप्राप्तं प्रपञ्चे चातिदुर्लभम् ॥ ७॥

pādukāpañcakastotraṃ pañcavaktrādvinirgatam |ṣaḍāmnāyaphalaprāptaṃ prapañce cātidurlabham || 7||

इति शिवप्रोक्तं पादुकापञ्चकं सम्पूर्णम् ॥॥ ॐ तत् सत् ॥

iti śivaproktaṃ pādukāpañcakaṃ sampūrṇam |||| oṃ tat sat ||