यमुनाष्टकम् ३ Yamunashtakam 3

॥ श्रीगोपीजनवल्लभाय नमः॥नमामि यमुनामहं सकलसिद्धिहेतुं मुदामुरारिपदपङ्कजस्फुरदमन्दरेणूत्कटाम् ।तटस्थनवकाननप्रकटमोदपुष्पाम्बुनासुरासुरसुपूजितस्मरपितुः श्रियं बिभ्रतीम् ॥ १॥

|| śrīgopījanavallabhāya namaḥ||namāmi yamunāmahaṃ sakalasiddhihetuṃ mudāmurāripadapaṅkajasphuradamandareṇūtkaṭām |taṭasthanavakānanaprakaṭamodapuṣpāmbunāsurāsurasupūjitasmarapituḥ śriyaṃ bibhratīm || 1||

कलिन्दगिरिमस्तके पतदमन्दपूरोज्ज्वलाविलासगमनोल्लसत्प्रकटगण्डशैलोन्नता ।सघोषगतिदन्तुरा समधिरूढदोलोत्तमामुकुन्दरतिवर्धिनी जयति पद्मबन्धोः सुता ॥ २॥

kalindagirimastake patadamandapūrojjvalāvilāsagamanollasatprakaṭagaṇḍaśailonnatā |saghoṣagatidanturā samadhirūḍhadolottamāmukundarativardhinī jayati padmabandhoḥ sutā || 2||

भुवं भुवनपावनीमधिगतामनेकस्वनैःप्रियाभिरिव सेवितां शुकमयूरहंसादिभिः ।तरङ्गभुजकङ्कणप्रकटमुक्तिकावालुकानितम्बतटसुन्दरीं नमत कृष्णतुर्यप्रियाम् ॥ ३॥

bhuvaṃ bhuvanapāvanīmadhigatāmanekasvanaiḥpriyābhiriva sevitāṃ śukamayūrahaṃsādibhiḥ |taraṅgabhujakaṅkaṇaprakaṭamuktikāvālukānitambataṭasundarīṃ namata kṛṣṇaturyapriyām || 3||

अनन्तगुण भूषिते शिवविरञ्चिदेवस्तुतेघनाघननिभे सदा ध्रुवपराशराभीष्टदे ।विशुद्धमथुरातटे सकलगोपगोपीवृतेकृपाजलधिसंश्रिते मम मनस्सुखं भावय ॥ ४॥

anantaguṇa bhūṣite śivavirañcidevastuteghanāghananibhe sadā dhruvaparāśarābhīṣṭade |viśuddhamathurātaṭe sakalagopagopīvṛtekṛpājaladhisaṃśrite mama manassukhaṃ bhāvaya || 4||

यया चरणपद्मजा मुररिपोः प्रियम्भावुकासमागमनतोऽभवत् सकलसिद्धिदा सेवताम् ।तया सदृशतामियात्कमलजा सपत्नीव यद्धरिप्रियकलिन्दया मनसि मे सदा स्थीयताम् ॥ ५॥

yayā caraṇapadmajā muraripoḥ priyambhāvukāsamāgamanato'bhavat sakalasiddhidā sevatām |tayā sadṛśatāmiyātkamalajā sapatnīva yaddharipriyakalindayā manasi me sadā sthīyatām || 5||

नमोऽस्तु यमुने सदा तव चरित्रमत्यद्भुतंन जातु यमयातना भवति ते पयः पानतः ।यमोऽपि भगिनीसुतान्कथमु हन्ति दुष्टानपिप्रियो भवति सेवनात्तव हरेर्यथा गोपिकाः ॥ ६॥

namo'stu yamune sadā tava caritramatyadbhutaṃna jātu yamayātanā bhavati te payaḥ pānataḥ |yamo'pi bhaginīsutānkathamu hanti duṣṭānapipriyo bhavati sevanāttava hareryathā gopikāḥ || 6||

ममाऽस्तु तव सन्निधौ तनुनवत्वमेतावतान दुर्लभतमा रतिर्मुररिपौ मुकुन्दप्रिये ।अतोऽस्तु तव लालना सुरधुनी परं सङ्गमात्तवैव भुवि कीर्तिता न तु कदापि पुष्टिस्थितैः ॥ ७॥

mamā'stu tava sannidhau tanunavatvametāvatāna durlabhatamā ratirmuraripau mukundapriye |ato'stu tava lālanā suradhunī paraṃ saṅgamāttavaiva bhuvi kīrtitā na tu kadāpi puṣṭisthitaiḥ || 7||

स्तुतिं तव करोति कः कमलजासपत्निप्रियेहरेर्यदनुसेवया भवति सौख्यमामोक्षतः ।इयं तव कथाऽधिका सकलगोपिकासङ्गमः ।स्मरश्रमजलाणुभिः सकलगात्रजैः सङ्गमः ॥ ८॥

stutiṃ tava karoti kaḥ kamalajāsapatnipriyehareryadanusevayā bhavati saukhyamāmokṣataḥ |iyaṃ tava kathā'dhikā sakalagopikāsaṅgamaḥ |smaraśramajalāṇubhiḥ sakalagātrajaiḥ saṅgamaḥ || 8||

तवाऽष्टकमिदं मुदा पठति सूरसूते सदासमस्तदुरितक्षयो भवति वै मुकुन्दे रतिः ।तया सकलसिद्धयो मुररिपुश्च सन्तुष्यतिस्वभावविजयो भवेद्वदति वल्लभः श्रीहरेः ॥ ९॥

tavā'ṣṭakamidaṃ mudā paṭhati sūrasūte sadāsamastaduritakṣayo bhavati vai mukunde ratiḥ |tayā sakalasiddhayo muraripuśca santuṣyatisvabhāvavijayo bhavedvadati vallabhaḥ śrīhareḥ || 9||

इति श्रीवल्लभाचार्यविरचितं श्रीयमुनाष्टकं सम्पूर्णम् ।

iti śrīvallabhācāryaviracitaṃ śrīyamunāṣṭakaṃ sampūrṇam |