यमुनाष्टकम् २ Yamunashtakam 2

॥ श्रीः॥कृपापारावारां तपनतनयां तापशमनींमुरारिप्रेयस्यां भवभयदवां भक्तिवरदाम् ।वियज्ज्वालोन्मुक्तां श्रियमपि सुखाप्तेः परिदिनंसदा धीरो नूनं भजति यमुनां नित्यफलदाम् ॥ १॥मधुवनचारिणि भास्करवाहिनि जाह्नविसङ्गिनि सिन्धुसुतेमधुरिपुभूषणि माधवतोषिणि गोकुलभीतिविनाशकृते ।जगदघमोचिनि मानसदायिनि केशवकेलिनिदानगतेजय यमुने जय भीतिनिवारिणि संकटनाशिनि पावय माम् ॥ २॥अयि मधुरे मधुमोदविलासिनि शैलविदारिणि वेगपरेपरिजनपालिनि दुष्टनिषूदिनि वाञ्छितकामविलासधरे ।व्रजपुरवासिजनार्जितपातकहारिणि विश्वजनोद्धरिकेजय यमुने जय भीतिनिवारिणि संकटनाशिनि पावय माम् ॥ ३॥अतिविपदम्बुधिमग्नजनं भवतापशताकुलमानसकंगतिमतिहीनमशेषभयाकुलमागतपादसरोजयुगम् ।ऋणभयभीतिमनिष्कृतिपातककोटिशतायुतपुञ्जतरंजय यमुने जय भीतिनिवारिणि संकटनाशिनि पावय माम् ॥ ४॥नवजलदद्युतिकोटिलसत्तनुहेमभयाभररञ्जितकेतडिदवहेलिपदाञ्चलचञ्चलशोभितपीतसुचेलधरे ।मणिमयभूषणचित्रपटासनरञ्जितगञ्जितभानुकरेजय यमुने जय भीतिनिवारिणि संकटनाशिनि पावय माम् ॥ ५॥शुभपुलिने मधुमत्तयदूद्भवरासमहोत्सवकेलिभरेउच्चकुलाचलराजितमौक्तिकहारमयाभररोदसिके ।नवमणिकोटिकभास्करकञ्चुकिशोभिततारकहारयुतेजय यमुने जय भीतिनिवारिणि संकटनाशिनि पावय माम् ॥ ६॥करिवरमौक्तिकनासिकभूषणवातचमत्कृतचञ्चलकेमुखकमलामलसौरभचञ्चलमत्तमधुव्रतलोचनिके ।मणिगणकुण्डललोलपरिस्फुरदाकुलगण्डयुगामलकेजय यमुने जय भीतिनिवारिणि संकटनाशिनि पावय माम् ॥ ७॥कलरवनूपुरहेममयाचितपादसरोरुहसारुणिकेधिमिधिमिधिमिधिमितालविनोदितमानसमञ्जुलपादगते ।तव पदपङ्कजमाश्रितमानवचित्तसदाखिलतापहरेजय यमुने जय भीतिनिवारिणि संकटनाशिनि पावय माम् ॥ ८॥भवोत्तापाम्भोधौ निपतितजनो दुर्गतियुतोयदि स्तौति प्रातः प्रतिदिनमन्याश्रयतया ।हयाह्रेषैः कामं करकुसुमपुञ्जै रविसुतांसदा भोक्ता भोगान्मरणसमये याति हरिताम् ॥ ९॥

|| śrīḥ||kṛpāpārāvārāṃ tapanatanayāṃ tāpaśamanīṃmurāripreyasyāṃ bhavabhayadavāṃ bhaktivaradām |viyajjvālonmuktāṃ śriyamapi sukhāpteḥ paridinaṃsadā dhīro nūnaṃ bhajati yamunāṃ nityaphaladām || 1||madhuvanacāriṇi bhāskaravāhini jāhnavisaṅgini sindhusutemadhuripubhūṣaṇi mādhavatoṣiṇi gokulabhītivināśakṛte |jagadaghamocini mānasadāyini keśavakelinidānagatejaya yamune jaya bhītinivāriṇi saṃkaṭanāśini pāvaya mām || 2||ayi madhure madhumodavilāsini śailavidāriṇi vegapareparijanapālini duṣṭaniṣūdini vāñchitakāmavilāsadhare |vrajapuravāsijanārjitapātakahāriṇi viśvajanoddharikejaya yamune jaya bhītinivāriṇi saṃkaṭanāśini pāvaya mām || 3||ativipadambudhimagnajanaṃ bhavatāpaśatākulamānasakaṃgatimatihīnamaśeṣabhayākulamāgatapādasarojayugam |ṛṇabhayabhītimaniṣkṛtipātakakoṭiśatāyutapuñjataraṃjaya yamune jaya bhītinivāriṇi saṃkaṭanāśini pāvaya mām || 4||navajaladadyutikoṭilasattanuhemabhayābhararañjitaketaḍidavahelipadāñcalacañcalaśobhitapītasuceladhare |maṇimayabhūṣaṇacitrapaṭāsanarañjitagañjitabhānukarejaya yamune jaya bhītinivāriṇi saṃkaṭanāśini pāvaya mām || 5||śubhapuline madhumattayadūdbhavarāsamahotsavakelibhareuccakulācalarājitamauktikahāramayābhararodasike |navamaṇikoṭikabhāskarakañcukiśobhitatārakahārayutejaya yamune jaya bhītinivāriṇi saṃkaṭanāśini pāvaya mām || 6||karivaramauktikanāsikabhūṣaṇavātacamatkṛtacañcalakemukhakamalāmalasaurabhacañcalamattamadhuvratalocanike |maṇigaṇakuṇḍalalolaparisphuradākulagaṇḍayugāmalakejaya yamune jaya bhītinivāriṇi saṃkaṭanāśini pāvaya mām || 7||kalaravanūpurahemamayācitapādasaroruhasāruṇikedhimidhimidhimidhimitālavinoditamānasamañjulapādagate |tava padapaṅkajamāśritamānavacittasadākhilatāpaharejaya yamune jaya bhītinivāriṇi saṃkaṭanāśini pāvaya mām || 8||bhavottāpāmbhodhau nipatitajano durgatiyutoyadi stauti prātaḥ pratidinamanyāśrayatayā |hayāhreṣaiḥ kāmaṃ karakusumapuñjai ravisutāṃsadā bhoktā bhogānmaraṇasamaye yāti haritām || 9||

इति श्रीमत्परमहंसपरिव्राजकाचार्यस्यश्रीगोविन्दभगवत्पूज्यपादशिष्यस्यश्रीमच्छंकरभगवतः कृतौयमुनाष्टकं सम्पूर्णम् ॥

iti śrīmatparamahaṃsaparivrājakācāryasyaśrīgovindabhagavatpūjyapādaśiṣyasyaśrīmacchaṃkarabhagavataḥ kṛtauyamunāṣṭakaṃ sampūrṇam ||