यमुनास्तवम् Yamunastavam

गर्गसंहितान्तर्गतम्मान्धातोवाचयमुनायाः स्तवं दिव्यं सर्वसिद्धिकरं परम् ।सौभरे मुनिशार्दूल वद मां कृपया त्वरम् ॥ १॥

gargasaṃhitāntargatammāndhātovācayamunāyāḥ stavaṃ divyaṃ sarvasiddhikaraṃ param |saubhare muniśārdūla vada māṃ kṛpayā tvaram || 1||

श्रीसौभरिरुवाचमार्तण्डकन्यकायास्तु स्तवं शृणु महामते ।सर्वसिद्धिकरं भूमौ चातुर्वर्ग्यफलप्रदम् ॥ २॥

śrīsaubhariruvācamārtaṇḍakanyakāyāstu stavaṃ śṛṇu mahāmate |sarvasiddhikaraṃ bhūmau cāturvargyaphalapradam || 2||

कृष्णवामांसभूतायै कृष्णायै सततं नमः ।नमः श्रीकृष्णरूपिण्यै कृष्णे तुभ्यं नमो नमः ॥ ३॥

kṛṣṇavāmāṃsabhūtāyai kṛṣṇāyai satataṃ namaḥ |namaḥ śrīkṛṣṇarūpiṇyai kṛṣṇe tubhyaṃ namo namaḥ || 3||

यः पापपङ्काम्बुकलङ्ककुत्सितः कामी कुधीः सत्सु कलिं करोति हि ।वृन्दावनं धाम ददाति तस्मै नदन्मिलिन्दादि कलिन्दनन्दिनी ॥ ४॥

yaḥ pāpapaṅkāmbukalaṅkakutsitaḥ kāmī kudhīḥ satsu kaliṃ karoti hi |vṛndāvanaṃ dhāma dadāti tasmai nadanmilindādi kalindanandinī || 4||

कृष्णे साक्षात्कृष्णरूपा त्वमेव वेगावर्ते वर्तसे मत्स्यरूपी ।ऊर्मावूर्मौ कूर्मरूपी सदा ते बिन्दौ बिन्दौ भाति गोविन्ददेवः ॥ ५॥

kṛṣṇe sākṣātkṛṣṇarūpā tvameva vegāvarte vartase matsyarūpī |ūrmāvūrmau kūrmarūpī sadā te bindau bindau bhāti govindadevaḥ || 5||

वन्दे लीलावतीं त्वां सघनघननिभां कृष्णवामांसभूतांवेगं वै वैरजाख्यं सकलजलचयं खण्डयन्तीं बलात्स्वात् ।छित्वा ब्रह्माण्डमारात्सुरनगरनगान् गण्डशैलादिदुर्गान्भित्वा भूखण्डमध्ये तटनिधृतवतीमूर्मिमालां प्रयान्तीम् ॥ ६॥

vande līlāvatīṃ tvāṃ saghanaghananibhāṃ kṛṣṇavāmāṃsabhūtāṃvegaṃ vai vairajākhyaṃ sakalajalacayaṃ khaṇḍayantīṃ balātsvāt |chitvā brahmāṇḍamārātsuranagaranagān gaṇḍaśailādidurgānbhitvā bhūkhaṇḍamadhye taṭanidhṛtavatīmūrmimālāṃ prayāntīm || 6||

दिव्यं कौ नामधेयं श्रुतमथ यमुने दण्डयत्यद्रितुल्यंपापव्यूहं त्वखण्डं वसतु मम गिरां मण्डले तु क्षणं तत् ।दण्ड्यांश्चाकार्यदण्ड्या सकृदपि वचसा खण्डितं यद्गृहीतंभ्रातुर्मार्तण्डसूनोरटति पुरि दृढस्ते प्रचण्डोऽतिदण्डः ॥ ७॥

divyaṃ kau nāmadheyaṃ śrutamatha yamune daṇḍayatyadritulyaṃpāpavyūhaṃ tvakhaṇḍaṃ vasatu mama girāṃ maṇḍale tu kṣaṇaṃ tat |daṇḍyāṃścākāryadaṇḍyā sakṛdapi vacasā khaṇḍitaṃ yadgṛhītaṃbhrāturmārtaṇḍasūnoraṭati puri dṛḍhaste pracaṇḍo'tidaṇḍaḥ || 7||

रज्जुर्वा विषयान्धकूपतरणे पापाखुदर्वीकरी ।वेण्युष्णिक् च विराजमूर्तिशिरसो मालास्ति वा सुन्दरी ।धन्यं भाग्यमतः परं भुवि नृणां यत्रादिकृद्वल्लभा ।गोलोकेऽप्यतिदुर्लभातिशुभगा भात्यद्वितीया नदी ॥ ८॥

rajjurvā viṣayāndhakūpataraṇe pāpākhudarvīkarī |veṇyuṣṇik ca virājamūrtiśiraso mālāsti vā sundarī |dhanyaṃ bhāgyamataḥ paraṃ bhuvi nṛṇāṃ yatrādikṛdvallabhā |goloke'pyatidurlabhātiśubhagā bhātyadvitīyā nadī || 8||

गोपीगोकुलगोपकेलिकलिते कालिन्दि कृष्णप्रभेत्वत्कूले जललोलगोलविचलत्कल्लोलकोलाहलः ।त्वत्कान्तारकुतूहलालिकुलकृज्झङ्कारकेकाकुलःकूजत्कोकिलसङ्कुलो व्रजलतालङ्कारभृत्पातु माम् ॥ ९॥

gopīgokulagopakelikalite kālindi kṛṣṇaprabhetvatkūle jalalolagolavicalatkallolakolāhalaḥ |tvatkāntārakutūhalālikulakṛjjhaṅkārakekākulaḥkūjatkokilasaṅkulo vrajalatālaṅkārabhṛtpātu mām || 9||

भवन्ति जिह्वास्तनुरोमतुल्या गिरो यदा भूसिकता इवाशु ।तदप्यलं यान्ति न ते गुणान्तं सन्तो महान्तः किल शेषतुल्याः ॥ १०॥

bhavanti jihvāstanuromatulyā giro yadā bhūsikatā ivāśu |tadapyalaṃ yānti na te guṇāntaṃ santo mahāntaḥ kila śeṣatulyāḥ || 10||

कलिन्दगिरिनन्दिनीस्तव उषस्ययं वापरःश्रुतश्च यदि पाठितो भुवि तनोति सन्मङ्गलम् ।जनोऽपि यदि धारयेत्किल पठेच्च यो नित्यशःस याति परमं पदं निजनिकुञ्जलीलावृतम् ॥ ११॥

kalindagirinandinīstava uṣasyayaṃ vāparaḥśrutaśca yadi pāṭhito bhuvi tanoti sanmaṅgalam |jano'pi yadi dhārayetkila paṭhecca yo nityaśaḥsa yāti paramaṃ padaṃ nijanikuñjalīlāvṛtam || 11||

इति श्रीगर्गसंहितायां माधुर्यखण्डे श्रीनारदबहुलाश्वसंवादेश्रीसौभरिमान्धातृसंवादे श्रीयमुनास्तवो नाम सप्तदशोऽध्यायः ॥ १७॥

iti śrīgargasaṃhitāyāṃ mādhuryakhaṇḍe śrīnāradabahulāśvasaṃvādeśrīsaubharimāndhātṛsaṃvāde śrīyamunāstavo nāma saptadaśo'dhyāyaḥ || 17||

ग़र्ग षम्हित, ंअधुर्यखन्द, आधय १७

ग़rga ṣamhita, ṃadhuryakhanda, ādhaya 17