करतोयानदीस्तुतिः Karatoya Nadi Stuti

प्रायशो वहति या करतो या शुष्यतीह न जलाकरतोया ।पावनी बहुसुखाकरतोया पातु साऽघनिचयात्करतोया ॥ १॥

prāyaśo vahati yā karato yā śuṣyatīha na jalākaratoyā |pāvanī bahusukhākaratoyā pātu sā'ghanicayātkaratoyā || 1||

करतोये सदातोये बहुशोऽये पुराभये ।दोषा मे ये कृतास्तेषां सर्वेषां त्वं भवान्तकृत् ॥ २॥

karatoye sadātoye bahuśo'ye purābhaye |doṣā me ye kṛtāsteṣāṃ sarveṣāṃ tvaṃ bhavāntakṛt || 2||

यया छिन्नो बाहुरृषय इह दत्तो हि दयया ।नदी सेयं मायामयभयलया नित्यविजया ॥अपायान्मां पायात् सततनिरपायामृतपया ।सदातोया पेया जगति करतोयाघविलया ॥ ३॥

yayā chinno bāhurṛṣaya iha datto hi dayayā |nadī seyaṃ māyāmayabhayalayā nityavijayā ||apāyānmāṃ pāyāt satatanirapāyāmṛtapayā |sadātoyā peyā jagati karatoyāghavilayā || 3||

इति श्रीवासुदेवानन्दसरस्वतीविरचिता करतोयानदीस्तुतिः समाप्ता ।

iti śrīvāsudevānandasarasvatīviracitā karatoyānadīstutiḥ samāptā |