कावेरीभुजङ्गस्तोत्रम् Kaveri Bhujanga Stotram

कथं सह्यजन्ये सुरामे सजन्येप्रसन्ने वदान्याः भवेयुर्वदान्ये ।सपापस्य मन्ये गतिमम्ब मान्येकवेरस्य धन्ये कवेरस्य कन्ये ॥ १॥

kathaṃ sahyajanye surāme sajanyeprasanne vadānyāḥ bhaveyurvadānye |sapāpasya manye gatimamba mānyekaverasya dhanye kaverasya kanye || 1||

कृपाम्बोधिसङ्गे कृपार्द्रान्तरङ्गेजलाक्रान्तरङ्गे जवोद्योतरङ्गे ।नभश्चुम्बिवन्येभसम्पद्विमान्येनमस्ते वदान्ये कवेरस्य कन्ये ॥ २॥

kṛpāmbodhisaṅge kṛpārdrāntaraṅgejalākrāntaraṅge javodyotaraṅge |nabhaścumbivanyebhasampadvimānyenamaste vadānye kaverasya kanye || 2||

समा ते न लोके नदी ह्यत्र लोकेहताशेषशोके लसत्तट्यशोके ।पिबन्तोऽम्बु ते के रमन्ते न नाकेनमस्ते वदान्ये कवेरस्य कन्ये ॥ ३॥

samā te na loke nadī hyatra lokehatāśeṣaśoke lasattaṭyaśoke |pibanto'mbu te ke ramante na nākenamaste vadānye kaverasya kanye || 3||

महापापिलोकानपि स्नानमात्रान्महापुण्यकृद्भिर्महत्कृत्यसद्भिः ।करोष्यम्ब सर्वान्सुराणां समानान्नमस्ते वदान्ये कवेरस्य कन्ये ॥ ४॥

mahāpāpilokānapi snānamātrānmahāpuṇyakṛdbhirmahatkṛtyasadbhiḥ |karoṣyamba sarvānsurāṇāṃ samānānnamaste vadānye kaverasya kanye || 4||

अविद्यान्तकर्त्री विशुद्धप्रदात्रीसस्यस्यवृद्धिं तथाऽऽचारशीलम् ।ददास्यम्ब मुक्तिं विधूय प्रसकित्म्नमस्ते वदान्ये कवेरस्य कन्ये ॥ ५॥

avidyāntakartrī viśuddhapradātrīsasyasyavṛddhiṃ tathā''cāraśīlam |dadāsyamba muktiṃ vidhūya prasakitmnamaste vadānye kaverasya kanye || 5||

॥ इति कावेरीभुजङ्गस्तोत्रं सम्पूर्णम् ॥

|| iti kāverībhujaṅgastotraṃ sampūrṇam ||