कावेरीस्तोत्रम् १ Kaveri Stotram

श्रीपराशरभट्टाचार्यकृते श्रीरङ्गराजस्तोत्रेकावेरीमाहात्म्यसम्बन्धे स्पष्टीकृतानि कानिचित् श्लोकानि ॥दुग्धाब्धिर्जनको जनन्यहमियं श्रीरेव पुत्री वरःश्रीरङ्गेश्वर एतदर्हमिह किं कुर्यामितीवाकुला ।चञ्चच्चामरचन्द्रचन्दनमहामाणिक्यमुक्तोत्करान्कावेरीलहरीकरैर्विदधती पर्येति सा सेव्यताम् ॥ १॥

śrīparāśarabhaṭṭācāryakṛte śrīraṅgarājastotrekāverīmāhātmyasambandhe spaṣṭīkṛtāni kānicit ślokāni ||dugdhābdhirjanako jananyahamiyaṃ śrīreva putrī varaḥśrīraṅgeśvara etadarhamiha kiṃ kuryāmitīvākulā |cañcaccāmaracandracandanamahāmāṇikyamuktotkarānkāverīlaharīkarairvidadhatī paryeti sā sevyatām || 1||

अगणितगुणावद्यं सर्वं स्थिररत्नसमप्रतिक्रियामपि पयःपुरैराप्याययन्त्यनु जाग्रति ।प्रवहति जगद्धात्री भूत्वैव रङ्ग्पतेर्दयाशिशिर मधुरागाधा सा नः पुनातु मरुद्वृधा ॥ २॥

agaṇitaguṇāvadyaṃ sarvaṃ sthiraratnasamapratikriyāmapi payaḥpurairāpyāyayantyanu jāgrati |pravahati jagaddhātrī bhūtvaiva raṅgpaterdayāśiśira madhurāgādhā sā naḥ punātu marudvṛdhā || 2||

तरलतनुतरङ्गैर्मन्दमान्दोलिमानस्वतटविटपिराजी मञ्जरी सुप्तभृङ्गा ।क्षिपतु कनकनाम्नी निम्नगा नारिकेलक्रमुकजमकरन्दैर्मांसलापा मदंहः ॥ ३॥

taralatanutaraṅgairmandamāndolimānasvataṭaviṭapirājī mañjarī suptabhṛṅgā |kṣipatu kanakanāmnī nimnagā nārikelakramukajamakarandairmāṃsalāpā madaṃhaḥ || 3||

कदलवकुलजम्बूपूगमाकन्दकण्ठद्वयससरसनीरामन्तरा सह्यकन्याम् ।प्रबलजलपिपासालम्बमानाम्बुदौघभ्रमकरतरुवृन्दं वन्द्यतामान्तरीपम् ॥ ४॥

kadalavakulajambūpūgamākandakaṇṭhadvayasasarasanīrāmantarā sahyakanyām |prabalajalapipāsālambamānāmbudaughabhramakarataruvṛndaṃ vandyatāmāntarīpam || 4||

हंसयुक्तविमानस्थे ब्रह्माणीरूपधारिणि ।कौशाम्भःक्षरिके देवि नारायणि नमोऽस्तुते ॥

haṃsayuktavimānasthe brahmāṇīrūpadhāriṇi |kauśāmbhaḥkṣarike devi nārāyaṇi namo'stute ||