नर्मदाष्टकम् १ Hymn to River Narmada

सबिन्दुसिन्धुसुस्खलत्तरङ्गभङ्गरञ्जितंद्विषत्सु पापजातजातकारिवारिसंयुतम् ।कृतान्तदूतकालभूतभीतिहारिवर्मदेत्वदीयपादपङ्कजं नमामि देवि नर्मदे ॥ १॥

sabindusindhususkhalattaraṅgabhaṅgarañjitaṃdviṣatsu pāpajātajātakārivārisaṃyutam |kṛtāntadūtakālabhūtabhītihārivarmadetvadīyapādapaṅkajaṃ namāmi devi narmade || 1||

त्वदम्बुलीनदीनमीनदिव्यसम्प्रदायकंकलौ मलौघभारहारिसर्वतीर्थनायकम् ।सुमच्छकच्छनक्रचक्रवाकचक्रशर्मदेत्वदीयपादपङ्कजं नमामि देवि नर्मदे ॥ २॥

tvadambulīnadīnamīnadivyasampradāyakaṃkalau malaughabhārahārisarvatīrthanāyakam |sumacchakacchanakracakravākacakraśarmadetvadīyapādapaṅkajaṃ namāmi devi narmade || 2||

महागभीरनीरपूरपापधूतभूतलंध्वनत्समस्तपातकारिदारितापदाचलम् ।जगल्लये महाभये मृकण्डुसूनुहर्म्यदेत्वदीयपादपङ्कजं नमामि देवि नर्मदे ॥ ३ ॥

mahāgabhīranīrapūrapāpadhūtabhūtalaṃdhvanatsamastapātakāridāritāpadācalam |jagallaye mahābhaye mṛkaṇḍusūnuharmyadetvadīyapādapaṅkajaṃ namāmi devi narmade || 3 ||

गतं तदैव मे भयं त्वदम्बु वीक्षितं यदामृकण्डुसूनुशौनकासुरारिसेवितं सदा ।पुनर्भवाब्धिजन्मजं भवाब्धिदुःखवर्मदेत्वदीयपादपङ्कजं नमामि देवि नर्मदे ॥ ४॥

gataṃ tadaiva me bhayaṃ tvadambu vīkṣitaṃ yadāmṛkaṇḍusūnuśaunakāsurārisevitaṃ sadā |punarbhavābdhijanmajaṃ bhavābdhiduḥkhavarmadetvadīyapādapaṅkajaṃ namāmi devi narmade || 4||

अलक्ष्यलक्षकिन्नरामरासुरादिपूजितंसुलक्षनीरतीरधीरपक्षिलक्षकूजितम् ।वसिष्ठशिष्टपिप्पलादिकर्दमादिशर्मदेत्वदीयपादपङ्कजं नमामि देवि नर्मदे ॥ ५॥

alakṣyalakṣakinnarāmarāsurādipūjitaṃsulakṣanīratīradhīrapakṣilakṣakūjitam |vasiṣṭhaśiṣṭapippalādikardamādiśarmadetvadīyapādapaṅkajaṃ namāmi devi narmade || 5||

सनत्कुमारनाचिकेतकश्यपात्रिषट्पदैःधृतं स्वकीयमानसेषु नारदादिषट्पदैः ।रवीन्दुरन्तिदेवदेवराजकर्मशर्मदेत्वदीयपादपङ्कजं नमामि देवि नर्मदे ॥ ६॥

sanatkumāranāciketakaśyapātriṣaṭpadaiḥdhṛtaṃ svakīyamānaseṣu nāradādiṣaṭpadaiḥ |ravīndurantidevadevarājakarmaśarmadetvadīyapādapaṅkajaṃ namāmi devi narmade || 6||

अलक्षलक्षलक्षपापलक्षसारसायुधंततस्तु जीवजन्तुतन्तुभुक्तिमुक्तिदायकम् ।विरिञ्चिविष्णुशंकरस्वकीयधामवर्मदेत्वदीयपादपङ्कजं नमामि देवि नर्मदे ॥ ७॥

alakṣalakṣalakṣapāpalakṣasārasāyudhaṃtatastu jīvajantutantubhuktimuktidāyakam |viriñciviṣṇuśaṃkarasvakīyadhāmavarmadetvadīyapādapaṅkajaṃ namāmi devi narmade || 7||

अहो धृतं स्वनं श्रुतं महेशकेशजातटेकिरातसूतबाडबेषु पण्डिते शठे नटे ।दुरन्तपापतापहारि सर्वजन्तुशर्मदेत्वदीयपादपङ्कजं नमामि देवि नर्मदे ॥ ८॥

aho dhṛtaṃ svanaṃ śrutaṃ maheśakeśajātaṭekirātasūtabāḍabeṣu paṇḍite śaṭhe naṭe |durantapāpatāpahāri sarvajantuśarmadetvadīyapādapaṅkajaṃ namāmi devi narmade || 8||

इदं तु नर्मदाष्टकं त्रिकालमेव ये सदापठन्ति ते निरन्तरं न यान्ति दुर्गतिं कदा ।सुलभ्यदेहदुर्लभं महेशधामगौरवंपुनर्भवा नरा न वै विलोकयन्ति रौरवम् ॥ ९॥

idaṃ tu narmadāṣṭakaṃ trikālameva ye sadāpaṭhanti te nirantaraṃ na yānti durgatiṃ kadā |sulabhyadehadurlabhaṃ maheśadhāmagauravaṃpunarbhavā narā na vai vilokayanti rauravam || 9||

इति श्रीमत्परमहंसपरिव्राजकाचार्यस्यश्रीगोविन्दभगवत्पूज्यपादशिष्यस्यश्रीमच्छंकरभगवतः कृतौनर्मदाष्टकं सम्पूर्णम् ॥

iti śrīmatparamahaṃsaparivrājakācāryasyaśrīgovindabhagavatpūjyapādaśiṣyasyaśrīmacchaṃkarabhagavataḥ kṛtaunarmadāṣṭakaṃ sampūrṇam ||