गङ्गास्तोत्रम् ०९ Kanvamaharshina Kritam Ganga Stotram

कण्व उवाच ।नमोऽस्तु गङ्गे परमार्तिहारिणि नमः क्षुधे सर्वजनार्तिकारिणि ।नमो महेशानजटोद्भवे शुभे नमो महामृत्युमुखाद्विनिःसृते ॥ ८॥

kaṇva uvāca |namo'stu gaṅge paramārtihāriṇi namaḥ kṣudhe sarvajanārtikāriṇi |namo maheśānajaṭodbhave śubhe namo mahāmṛtyumukhādviniḥsṛte || 8||

पुण्यात्मनां शान्तरूपे क्रोधरूपे दुरात्मनाम् ।सरिद्रूपेण सर्वेषां तापपापापहारिणि ॥ ९॥

puṇyātmanāṃ śāntarūpe krodharūpe durātmanām |saridrūpeṇa sarveṣāṃ tāpapāpāpahāriṇi || 9||

क्षुधारूपेण सर्वेषां तापपापप्रदे नमः ।नमः श्रेयस्करि देवि नमः पापप्रतर्दिनि ।नमः शान्तिकरि देवि नमो दारिद्र्यनाशिनि ॥ १०॥

kṣudhārūpeṇa sarveṣāṃ tāpapāpaprade namaḥ |namaḥ śreyaskari devi namaḥ pāpapratardini |namaḥ śāntikari devi namo dāridryanāśini || 10||

ब्रहोवाच ।इत्येवं स्तुवतस्तस्य पुरस्तादभवद्द्वयम् ।एकं गाङ्गं मनोहारि ह्यपरं भीषणाकृति ।नमः कृताञ्जलिर्भूत्वा नमस्कृत्वा द्विजोत्तमः ॥ ११॥

brahovāca |ityevaṃ stuvatastasya purastādabhavaddvayam |ekaṃ gāṅgaṃ manohāri hyaparaṃ bhīṣaṇākṛti |namaḥ kṛtāñjalirbhūtvā namaskṛtvā dvijottamaḥ || 11||

कण्व उवाच ।सर्वमङ्गलमङ्गल्ये ब्राह्मि माहेश्वरि शुभे ।वैष्णवि त्र्यम्बके देवि गोदावरि नमोऽस्तु ते ॥ १२॥

kaṇva uvāca |sarvamaṅgalamaṅgalye brāhmi māheśvari śubhe |vaiṣṇavi tryambake devi godāvari namo'stu te || 12||

त्र्यम्बकस्य जटोद्भूते गौतमस्याघनाशिनि ।सप्तधा सागरं यान्ति गोदावरि नमोऽस्तु ते ॥ १३॥

tryambakasya jaṭodbhūte gautamasyāghanāśini |saptadhā sāgaraṃ yānti godāvari namo'stu te || 13||

सर्वपापकृतां पापे धर्मकामार्थनाशिनि ।दुःखलोभमयि देवि क्षुधे तुभ्यं नमो नमः ॥ १४॥

sarvapāpakṛtāṃ pāpe dharmakāmārthanāśini |duḥkhalobhamayi devi kṣudhe tubhyaṃ namo namaḥ || 14||

इति ब्रह्मपुराणे पञ्चाशीत्यध्यायान्तर्गतंकण्वमहर्षिकृतं गङ्गास्तोत्रं समाप्तम् ।ब्रह्मपुराण । अध्याय ८५/८१४॥ब्रह्मपुराण । अध्याय ८५/८-१४॥

iti brahmapurāṇe pañcāśītyadhyāyāntargataṃkaṇvamaharṣikṛtaṃ gaṅgāstotraṃ samāptam |brahmapurāṇa | adhyāya 85/814||brahmapurāṇa | adhyāya 85/8-14||