सिद्धिविनायकस्तोत्रम् विघ्ननिवारकम् Vighnanivarakam Siddhivinayakastotram
siddhivināyakastotram vighnanivārakam
Vighnanivarakam Siddhivinayakastotram (सिद्धिविनायकस्तोत्रम् विघ्ननिवारकम्): a stotra to Gaṇeśa. 9 verses in Sanskrit with Devanagari and IAST.
- Stotra
- Stotra
- Gaṇeśa
- Stotra
सिद्धिविनायकस्तोत्रम् विघ्ननिवारकम्
1 / 9
श्री गणेशाय नमः ॥विघ्नेश विघ्नचयखण्डननामधेय श्रीशङ्करात्मज सुराधिपवन्द्यपाद ।दुर्गामहाव्रतफलाखिलमङ्गलात्मन् विघ्नं ममापहर सिद्धिविनायक त्वम् ॥ १॥
śrī gaṇeśāya namaḥ ||vighneśa vighnacayakhaṇḍananāmadheya śrīśaṅkarātmaja surādhipavandyapāda |durgāmahāvrataphalākhilamaṅgalātman vighnaṃ mamāpahara siddhivināyaka tvam || 1||
सत्पद्मरागमणिवर्णशरीरकान्तिः श्रीसिद्धिबुद्धिपरिचर्चितकुङ्कुमश्रीः ।दक्षस्तने वलयितातिमनोज्ञशुण्डो विघ्नं ममापहर सिद्धिविनायक त्वम् ॥ २॥
satpadmarāgamaṇivarṇaśarīrakāntiḥ śrīsiddhibuddhiparicarcitakuṅkumaśrīḥ |dakṣastane valayitātimanojñaśuṇḍo vighnaṃ mamāpahara siddhivināyaka tvam || 2||
पाशाङ्कुशाब्जपरशूंश्च दधच्चतुर्भिर्दोर्भिश्च शोणकुसुमस्रगुमाङ्गजातः ।सिन्दूरशोभितललाटविधुप्रकाशो विघ्नं ममापहर सिद्धिविनायक त्वम् ॥ ३॥
pāśāṅkuśābjaparaśūṃśca dadhaccaturbhirdorbhiśca śoṇakusumasragumāṅgajātaḥ |sindūraśobhitalalāṭavidhuprakāśo vighnaṃ mamāpahara siddhivināyaka tvam || 3||
कार्येषु विघ्नचयभीतविरञ्चिमुख्यैः सम्पूजितः सुरवरैरपि मोदकाद्यैः ।सर्वेषु च प्रथममेव सुरेषु पूज्यो विघ्नं ममापहर सिद्धिविनायक त्वम् ॥ ४॥
kāryeṣu vighnacayabhītavirañcimukhyaiḥ sampūjitaḥ suravarairapi modakādyaiḥ |sarveṣu ca prathamameva sureṣu pūjyo vighnaṃ mamāpahara siddhivināyaka tvam || 4||
शीघ्राञ्चनस्खलनतुङ्गरवोर्ध्वकण्ठस्थूलोन्दुरुद्रवणहासितदेवसङ्घः ।शूर्पश्रुतिश्च पृथुवर्तुलतुङ्गतुन्दो विघ्नं ममापहर सिद्धिविनायक त्वम् ॥ ५॥
śīghrāñcanaskhalanatuṅgaravordhvakaṇṭhasthūlondurudravaṇahāsitadevasaṅghaḥ |śūrpaśrutiśca pṛthuvartulatuṅgatundo vighnaṃ mamāpahara siddhivināyaka tvam || 5||
यज्ञोपवीतपदलंभितनागराजो मासादिपुण्यददृशीकृतऋक्षराजः ।भक्ताभयप्रद दयालय विघ्नराज विघ्नं ममापहर सिद्धिविनायक त्वम् ॥ ६॥
yajñopavītapadalaṃbhitanāgarājo māsādipuṇyadadṛśīkṛtaṛkṣarājaḥ |bhaktābhayaprada dayālaya vighnarāja vighnaṃ mamāpahara siddhivināyaka tvam || 6||
सद्रत्नसारततिराजितसत्किरीटः कौसुम्भचारुवसनद्वय ऊर्जितश्रीः ।सर्वत्रमङ्गलकरस्मरणप्रतापो विघ्नं ममापहर सिद्धिविनायक त्वम् ॥ ७॥
sadratnasāratatirājitasatkirīṭaḥ kausumbhacāruvasanadvaya ūrjitaśrīḥ |sarvatramaṅgalakarasmaraṇapratāpo vighnaṃ mamāpahara siddhivināyaka tvam || 7||
देवान्तकाद्यसुरभीतसुरार्तिहर्ता विज्ञानबोधेनवरेण तमोपहर्ता ।आनन्दितत्रिभुवनेशु कुमारबन्धो विघ्नं ममापहर सिद्धिविनायक त्वम् ॥ ८॥
devāntakādyasurabhītasurārtihartā vijñānabodhenavareṇa tamopahartā |ānanditatribhuvaneśu kumārabandho vighnaṃ mamāpahara siddhivināyaka tvam || 8||
इति मौद्गलोक्तं विघ्ननिवारकं सिद्धिविनायकस्तोत्रं सम्पूर्णम् ॥
iti maudgaloktaṃ vighnanivārakaṃ siddhivināyakastotraṃ sampūrṇam ||
॥ इति सिद्धिविनायकस्तोत्रम् विघ्ननिवारकम् सम्पूर्णम् ॥
Recitation complete
- Meaning
- Grammar
Meanings, sources and related recitations appear here once you finish reading.
Questions
How many verses are in Vighnanivarakam Siddhivinayakastotram?
Vighnanivarakam Siddhivinayakastotram has 9 verses on this page, each shown with its number, Devanagari text and transliteration, and meaning where available.
Can I read Vighnanivarakam Siddhivinayakastotram in Telugu, Kannada or Tamil?
Yes. Use the script buttons at the top of the text (देवनागरी, తెలుగు, ಕನ್ನಡ, தமிழ்) to read the same verses in Telugu, Kannada or Tamil script. Turn on IAST for Roman letters with pronunciation marks. Your choice is remembered on this device.
Is there a PDF of Vighnanivarakam Siddhivinayakastotram?
You do not need a PDF: this page has the complete text, kept up to date when corrections are made, in every script and with meanings. Tap Save to keep it in your library and open it any time.
