वरदगणेशकवचम् Varadaganeshakavacham

श्रीगणेशाय नमः ।श्रीभैरव उवाच ।महादेवि गणेशस्य वरदस्य महात्मनः ।कवचं ते प्रवक्ष्यामि वज्रपञ्जरकाभिधम् ॥ १॥

śrīgaṇeśāya namaḥ |śrībhairava uvāca |mahādevi gaṇeśasya varadasya mahātmanaḥ |kavacaṃ te pravakṣyāmi vajrapañjarakābhidham || 1||

अस्य श्रीमहागणपतिवज्रपञ्जरकवचस्य श्रीभैरव ऋषिः \,गायत्र्यं छन्दः \, श्रीमहागणपतिर्देवता \, गं बीजं \,ह्रीं शक्तिः \, कुरुकुरु कीलकं \, वज्रविद्यादिसिद्ध्यर्थेमहागणपतिवज्रपञ्जरकवचपाठे विनियोगः ।ध्यानम् ।विघ्नेशं विश्ववन्द्यं सुविपुलयशसं लोकरक्षाप्रदक्षंसाक्षात् सर्वापदासु प्रशमनसुमतिं पार्वतीप्राणसूनुम् ।प्रायः सर्वासुरेन्द्रैः ससुरमुनिगणैः साधकैः पूज्यमानंकारुण्येनान्तरायामितभयशमनं विघ्नराजं नमामि ॥ २॥

asya śrīmahāgaṇapativajrapañjarakavacasya śrībhairava ṛṣiḥ \,gāyatryaṃ chandaḥ \, śrīmahāgaṇapatirdevatā \, gaṃ bījaṃ \,hrīṃ śaktiḥ \, kurukuru kīlakaṃ \, vajravidyādisiddhyarthemahāgaṇapativajrapañjarakavacapāṭhe viniyogaḥ |dhyānam |vighneśaṃ viśvavandyaṃ suvipulayaśasaṃ lokarakṣāpradakṣaṃsākṣāt sarvāpadāsu praśamanasumatiṃ pārvatīprāṇasūnum |prāyaḥ sarvāsurendraiḥ sasuramunigaṇaiḥ sādhakaiḥ pūjyamānaṃkāruṇyenāntarāyāmitabhayaśamanaṃ vighnarājaṃ namāmi || 2||

ॐश्रींह्रींगं शिरः पातु महागणपतिः प्रभुः ।विनायको ललाटं मे विघ्नराजो भ्रुवौ मम ॥ ३॥

oṃśrīṃhrīṃgaṃ śiraḥ pātu mahāgaṇapatiḥ prabhuḥ |vināyako lalāṭaṃ me vighnarājo bhruvau mama || 3||

पातु नेत्रे गणाध्यक्षो नासिकां मे गजाननः ।श्रुति मेऽवतु हेरम्बो गण्डौ मोदकाशनः ॥ ४॥

pātu netre gaṇādhyakṣo nāsikāṃ me gajānanaḥ |śruti me'vatu herambo gaṇḍau modakāśanaḥ || 4||

द्वैमातरो मुखं पातु चाधरौ पात्वरिन्दम् ।दन्तान् ममैकदन्तोऽव्याद् वक्रतुण्डोऽवताद् रसाम् ॥ ५॥

dvaimātaro mukhaṃ pātu cādharau pātvarindam |dantān mamaikadanto'vyād vakratuṇḍo'vatād rasām || 5||

गाङ्गेयो मे गलं पातु स्कन्धौ सिंहासनोऽवतु ।विघ्नान्तको भुजौ पातु हस्तौ मूषकवाहनः ॥ ६॥

gāṅgeyo me galaṃ pātu skandhau siṃhāsano'vatu |vighnāntako bhujau pātu hastau mūṣakavāhanaḥ || 6||

ऊरू ममावतान्नित्यं देवस्त्रिपुरघातनः ।हृदयं मे कुमारोऽव्याञ्जयन्तः पार्श्वयुग्मकम् ॥ ७॥

ūrū mamāvatānnityaṃ devastripuraghātanaḥ |hṛdayaṃ me kumāro'vyāñjayantaḥ pārśvayugmakam || 7||

प्रद्युम्नो मेऽवतात् पृष्ठं नाभिं शङ्करनन्दनः ।कटिं नन्दिगणः पातु शिश्नं वीरेश्वरोऽवतु ॥ ८॥

pradyumno me'vatāt pṛṣṭhaṃ nābhiṃ śaṅkaranandanaḥ |kaṭiṃ nandigaṇaḥ pātu śiśnaṃ vīreśvaro'vatu || 8||

मेढ्रे मेऽवतु सौभाग्यो भृङ्गिरीटी च गुह्यकम् ।विराटकोऽवतादूरू जानू मे पुष्पदन्तकः ॥ ९॥

meḍhre me'vatu saubhāgyo bhṛṅgirīṭī ca guhyakam |virāṭako'vatādūrū jānū me puṣpadantakaḥ || 9||

जङ्घे मम विकर्तोऽव्याद् गुल्फावन्त्यगणोऽवतु ।पादौ चित्तगणः पातु पादाधो लोहितोऽवतु ॥ १०॥

jaṅghe mama vikarto'vyād gulphāvantyagaṇo'vatu |pādau cittagaṇaḥ pātu pādādho lohito'vatu || 10||

पादपृष्ठं सुन्दरोऽव्याद् नूपुराढ्यो वपुर्मम ।विचारो जठरं पातु भूतानि चोग्ररूपकः ॥ ११॥

pādapṛṣṭhaṃ sundaro'vyād nūpurāḍhyo vapurmama |vicāro jaṭharaṃ pātu bhūtāni cograrūpakaḥ || 11||

शिरसः पादपर्यन्तं वपुः सुप्तगणोऽवतु ।पादादिमूर्धपर्यन्तं वपुः पातु विनर्तकः ॥ १२॥

śirasaḥ pādaparyantaṃ vapuḥ suptagaṇo'vatu |pādādimūrdhaparyantaṃ vapuḥ pātu vinartakaḥ || 12||

विस्मारितं तु यत् स्थानं गणेशस्तत् सदावतु ।पूर्वे मां ह्रीं करालोऽव्यादाग्रेये विकरालकः ॥ १३॥

vismāritaṃ tu yat sthānaṃ gaṇeśastat sadāvatu |pūrve māṃ hrīṃ karālo'vyādāgreye vikarālakaḥ || 13||

दक्षिणे पातु संहारो नैरृते रुरुभैरवः ।पश्चिमे मां महाकालो वायौ कालाग्निभैरवः ॥ १४॥

dakṣiṇe pātu saṃhāro nairṛte rurubhairavaḥ |paścime māṃ mahākālo vāyau kālāgnibhairavaḥ || 14||

उत्तरे मां सितास्युऽव्यादैशान्यामसितात्मकः ।प्रभाते शतपत्रोऽव्यात् सहस्रारस्तु मध्यमे ॥ १५॥

uttare māṃ sitāsyu'vyādaiśānyāmasitātmakaḥ |prabhāte śatapatro'vyāt sahasrārastu madhyame || 15||

दन्तमाला दिनान्तेऽव्यान्निशि पात्रं सदावतु ।कलशो मां निशीथेऽव्यान्निशान्ते परशुस्तथा ॥ १६॥

dantamālā dinānte'vyānniśi pātraṃ sadāvatu |kalaśo māṃ niśīthe'vyānniśānte paraśustathā || 16||

सर्वत्र सर्वदा पातु शङ्खयुग्मं च मद्वपुः ।ॐॐ राजकुले हहौं रणभये ह्रींह्रीं कुद्यूतेऽवतात्श्रींश्रीं शत्रुगृहे शशौं जलभये क्लींक्लीं वनान्तेऽवतु ।ग्लौंग्लूंग्लैंग्लंगुं सत्वभीतिषु महाव्याध्यार्तिषु ग्लौंगगौंनित्यं यक्षपिशाचभूतफणिषु ग्लौंगं गणेशोऽवतु ॥ १७॥

sarvatra sarvadā pātu śaṅkhayugmaṃ ca madvapuḥ |oṃoṃ rājakule hahauṃ raṇabhaye hrīṃhrīṃ kudyūte'vatātśrīṃśrīṃ śatrugṛhe śaśauṃ jalabhaye klīṃklīṃ vanānte'vatu |glauṃglūṃglaiṃglaṃguṃ satvabhītiṣu mahāvyādhyārtiṣu glauṃgagauṃnityaṃ yakṣapiśācabhūtaphaṇiṣu glauṃgaṃ gaṇeśo'vatu || 17||

इतीदं कवचं गुह्यं सर्वतन्त्रेषु गोपितम् ।वज्रपञ्जरनामानं गणेशस्य महात्मनः ॥ १८॥

itīdaṃ kavacaṃ guhyaṃ sarvatantreṣu gopitam |vajrapañjaranāmānaṃ gaṇeśasya mahātmanaḥ || 18||

अङ्गभूतं मनुमयं सर्वाचारैकसाधनम् ।विनानेन न सिद्धिः स्यात् पूजनस्य जपस्य च ॥ १९॥

aṅgabhūtaṃ manumayaṃ sarvācāraikasādhanam |vinānena na siddhiḥ syāt pūjanasya japasya ca || 19||

तस्मात् तु कवचं पुण्यं पठेद्वा धारयेत् सदा ।तस्य सिद्धिर्महादेवि करस्था पारलौकिकी ॥ २०॥

tasmāt tu kavacaṃ puṇyaṃ paṭhedvā dhārayet sadā |tasya siddhirmahādevi karasthā pāralaukikī || 20||

यंयं कामयते कामं तं तं प्राप्नोति पाठतः ।अर्धरात्रे पठेन्नित्यं सर्वाभीष्टफलं लभेत् ॥ २१॥

yaṃyaṃ kāmayate kāmaṃ taṃ taṃ prāpnoti pāṭhataḥ |ardharātre paṭhennityaṃ sarvābhīṣṭaphalaṃ labhet || 21||

इति गुह्यं सुकवचं महागणपतेः प्रियम् ।सर्वसिद्धिमयं दिव्यं गोपयेत् परमेश्वरि ॥ २२॥

iti guhyaṃ sukavacaṃ mahāgaṇapateḥ priyam |sarvasiddhimayaṃ divyaṃ gopayet parameśvari || 22||

॥ इति श्रीरुद्रयामले तन्त्रे श्रीदेवीरहस्ये महागणपतिकवचं समाप्तम् ॥

|| iti śrīrudrayāmale tantre śrīdevīrahasye mahāgaṇapatikavacaṃ samāptam ||