शारदेशकवचम् Shrisharadeshakavacham

श्रीगणेशाय नमः ।देव्युवाच ।कवचं शारदेशस्य कृपया ब्रूहि शङ्कर ।शिव उवाच ।कवचस्यास्य गणको ढुण्ढिसमुद्भवः ।गँ बीजं प्रणवश्शक्तिस्स्वाहावै कीलकं स्मृतम् ।न्यासध्यानादयस्सर्वे मन्त्रवत्परिकीर्तिताः ।रमेशः पूर्वतः पातु वह्निकोणे रमावतु ॥ १॥

śrīgaṇeśāya namaḥ |devyuvāca |kavacaṃ śāradeśasya kṛpayā brūhi śaṅkara |śiva uvāca |kavacasyāsya gaṇako ḍhuṇḍhisamudbhavaḥ |gam̐ bījaṃ praṇavaśśaktissvāhāvai kīlakaṃ smṛtam |nyāsadhyānādayassarve mantravatparikīrtitāḥ |rameśaḥ pūrvataḥ pātu vahnikoṇe ramāvatu || 1||

दक्षिणे पातु मां शम्भुः नैरृत्यां गिरिनन्दिनी ।पश्चिमे पातु मां माये वायव्यां रतिसुन्दरी ॥ २।

dakṣiṇe pātu māṃ śambhuḥ nairṛtyāṃ girinandinī |paścime pātu māṃ māye vāyavyāṃ ratisundarī || 2|

उत्तरे पातु मां ब्रह्मा रौद्रायां तु सरस्वती ।आकाशे पुष्टिविघ्नेशः पातु मां पुष्टिसंयुतः ॥ ३॥

uttare pātu māṃ brahmā raudrāyāṃ tu sarasvatī |ākāśe puṣṭivighneśaḥ pātu māṃ puṣṭisaṃyutaḥ || 3||

पाताले मूषकः पातु चतुर्ब्रह्मस्वरूपवान् ।एवं दशदिशो रक्षेत् पञ्चैकाकृतिधारकः ॥ ४॥

pātāle mūṣakaḥ pātu caturbrahmasvarūpavān |evaṃ daśadiśo rakṣet pañcaikākṛtidhārakaḥ || 4||

शिखायां गुणपः पातु गुणाधारस्वरूपवान् ।मूर्धानं पातु मे श्वेतः सुधामूर्तिर्निरन्तरम् ॥ ५॥

śikhāyāṃ guṇapaḥ pātu guṇādhārasvarūpavān |mūrdhānaṃ pātu me śvetaḥ sudhāmūrtirnirantaram || 5||

विद्येश्वरः भालदेशं भ्रूमध्यं ज्ञानदायकः ।श्रवणौ मणिकर्णीशो महानन्दः कपोलयोः ॥ ६॥

vidyeśvaraḥ bhāladeśaṃ bhrūmadhyaṃ jñānadāyakaḥ |śravaṇau maṇikarṇīśo mahānandaḥ kapolayoḥ || 6||

दन्तान्मे स्थूलदन्तोऽव्यात् जिह्वां वागीश्वरीपतिः ।ओष्ठौ मे पातु पीयूषदायको विष्णुपूजितः ॥ ७॥

dantānme sthūladanto'vyāt jihvāṃ vāgīśvarīpatiḥ |oṣṭhau me pātu pīyūṣadāyako viṣṇupūjitaḥ || 7||

चिबुकं प्रतिवादिमुखस्तम्भकरोऽवतु ।कण्ठं विषनाशकोऽव्यात् वक्षो मे शूर्पकर्णकः ॥ ८॥

cibukaṃ prativādimukhastambhakaro'vatu |kaṇṭhaṃ viṣanāśako'vyāt vakṣo me śūrpakarṇakaḥ || 8||

पञ्चप्राणान्सदा पातु मृतसञ्जीविनीपतिः ।दौर्भाग्यनाशकस्स्कन्धौ बाहू मे यक्षिणीपतिः ॥९॥

pañcaprāṇānsadā pātu mṛtasañjīvinīpatiḥ |daurbhāgyanāśakasskandhau bāhū me yakṣiṇīpatiḥ ||9||

ऊरू उदारगणपो लिङ्गं मे सृष्टिलिङ्गकः ।अण्डं बीजगणेशोऽव्याद्गुदं विघ्नविनाशकः ॥ १०॥

ūrū udāragaṇapo liṅgaṃ me sṛṣṭiliṅgakaḥ |aṇḍaṃ bījagaṇeśo'vyādgudaṃ vighnavināśakaḥ || 10||

पृष्ठं मेरुधनुष्पाणिः जानुनी मे जयप्रदः ।जङ्घायुग्मं र्हस्वजङ्घो पादौ मृत्युविनाशकः ॥ ११॥

pṛṣṭhaṃ merudhanuṣpāṇiḥ jānunī me jayapradaḥ |jaṅghāyugmaṃ rhasvajaṅgho pādau mṛtyuvināśakaḥ || 11||

सर्वाङ्गाणि शारदेशः पातुमां विघ्ननाशकः ।दिवाव्यान्नवनीतेशो रात्रावाज्ञागणेश्वरः ॥ १२॥

sarvāṅgāṇi śāradeśaḥ pātumāṃ vighnanāśakaḥ |divāvyānnavanīteśo rātrāvājñāgaṇeśvaraḥ || 12||

अटव्यां पर्वताग्रेवा गमनागमनादिषु ।दशबाहुधरः पातु भार्यान्मे शारदेश्वरः ॥ १३॥

aṭavyāṃ parvatāgrevā gamanāgamanādiṣu |daśabāhudharaḥ pātu bhāryānme śāradeśvaraḥ || 13||

पुत्रान्पुत्रीर्गुरून्भृत्यान् पातुमां मुद्गरायुधः ।धियं विद्यां धनं गेहं पातु पीयूषविग्रहः ॥ १४॥

putrānputrīrgurūnbhṛtyān pātumāṃ mudgarāyudhaḥ |dhiyaṃ vidyāṃ dhanaṃ gehaṃ pātu pīyūṣavigrahaḥ || 14||

सर्वदा मां सदा पातु ज्ञानमण्डपसंस्थितः ।भूर्जपत्रे लिखित्वेदं यः कण्ठे धारयेन्नरः ॥ १५॥

sarvadā māṃ sadā pātu jñānamaṇḍapasaṃsthitaḥ |bhūrjapatre likhitvedaṃ yaḥ kaṇṭhe dhārayennaraḥ || 15||

न भयं जायते तस्य ग्रहरोगपिशाचतः ।य इदं कवचं पुण्यं महारोगनिवारकम् ॥ १६॥

na bhayaṃ jāyate tasya graharogapiśācataḥ |ya idaṃ kavacaṃ puṇyaṃ mahāroganivārakam || 16||

अपमृत्युहरं सौख्यदायकं भक्तिपूर्वकम् ।प्रातःकाले च मध्याह्ने सायङ्कालेऽथवा ॥ १७॥

apamṛtyuharaṃ saukhyadāyakaṃ bhaktipūrvakam |prātaḥkāle ca madhyāhne sāyaṅkāle'thavā || 17||

उषःकाले च सङ्ग्रामकाले शयनकालके ।प्रवासे च पठेद्भक्त्या ध्यात्वा च शारदापतिम् ॥ १८॥

uṣaḥkāle ca saṅgrāmakāle śayanakālake |pravāse ca paṭhedbhaktyā dhyātvā ca śāradāpatim || 18||

सर्वत्र सुखमाप्नोति गुणेशेन सुरक्षितः ।मृत्युरोगहरं चैतत् पठनीयं विशेषतः ॥ १९॥

sarvatra sukhamāpnoti guṇeśena surakṣitaḥ |mṛtyurogaharaṃ caitat paṭhanīyaṃ viśeṣataḥ || 19||

राजानो वश्यतां यान्ति रिपुनो यान्ति दास्यताम् ।मन्त्रास्सिध्यन्ति गाणेशाः पठनादस्य वर्मणः ॥ २०॥

rājāno vaśyatāṃ yānti ripuno yānti dāsyatām |mantrāssidhyanti gāṇeśāḥ paṭhanādasya varmaṇaḥ || 20||

इदं कवचमज्ञात्वा यो भजेच्छारदापतिम् ।नच सिद्धिमवाप्नोति मूडो वर्षसहस्रकैः ॥ २१॥

idaṃ kavacamajñātvā yo bhajecchāradāpatim |naca siddhimavāpnoti mūḍo varṣasahasrakaiḥ || 21||

शारदागणनाथस्य भक्तेन भावपूर्वकम् ।नित्यं जप्यमिदं श्रेष्ठं कवचं सर्वसिद्धिदम् ॥ २२॥

śāradāgaṇanāthasya bhaktena bhāvapūrvakam |nityaṃ japyamidaṃ śreṣṭhaṃ kavacaṃ sarvasiddhidam || 22||

नित्यं जपपरो भक्तो धर्मार्थकाममोक्षकान् ।विद्यां मेधां श्रियं बुद्धिं यशः कीर्तिमवाप्यच ॥ २३॥

nityaṃ japaparo bhakto dharmārthakāmamokṣakān |vidyāṃ medhāṃ śriyaṃ buddhiṃ yaśaḥ kīrtimavāpyaca || 23||

इह भुक्ताखिलान्भोगानन्ते स्वानन्दमाप्नुयात् ।॥ इति श्रीविनायकतन्त्रे शारदेशकवचं सम्पूर्णम् ॥

iha bhuktākhilānbhogānante svānandamāpnuyāt ||| iti śrīvināyakatantre śāradeśakavacaṃ sampūrṇam ||