गणेशस्तोत्रम् (विष्णुकृतं ब्रह्मवैवर्तपुराणान्तर्गतम्) Shri Vishnukritam Ganeshastotram

नारायण उवाच ।अथ विष्णुः सभामध्ये तं सम्पूज्य गणेश्वरम् ।तुष्टाव परया भक्त्या सर्वविघ्नविनाशकम् ॥ईश त्वां स्तोतुमिच्छामि ब्रह्मज्योतिः सनातनम् ।नैव वर्णयितुं शक्तोऽस्म्यनुरूपमनीहकम् ॥ १॥

nārāyaṇa uvāca |atha viṣṇuḥ sabhāmadhye taṃ sampūjya gaṇeśvaram |tuṣṭāva parayā bhaktyā sarvavighnavināśakam ||īśa tvāṃ stotumicchāmi brahmajyotiḥ sanātanam |naiva varṇayituṃ śakto'smyanurūpamanīhakam || 1||

प्रवरं सर्वदेवानां सिद्धानां योगिनां गुरुम् ।सर्वस्वरूपं सर्वेशं ज्ञानराशिस्वरूपिणम् ॥ २॥

pravaraṃ sarvadevānāṃ siddhānāṃ yogināṃ gurum |sarvasvarūpaṃ sarveśaṃ jñānarāśisvarūpiṇam || 2||

अव्यक्तमक्षरं नित्यं सत्यमात्मस्वरूपिणम् ।वायुतुल्यं च निर्लिप्तं चाक्षतं सर्वसाक्षिणम् ॥ ३॥ वर् वायुतुल्याति

avyaktamakṣaraṃ nityaṃ satyamātmasvarūpiṇam |vāyutulyaṃ ca nirliptaṃ cākṣataṃ sarvasākṣiṇam || 3|| var vāyutulyāti

संसारार्णवपारे च मायापोते सुदुर्लभे ।कर्णधारस्वरूपं च भक्तानुग्रहकारकम् ॥ ४॥

saṃsārārṇavapāre ca māyāpote sudurlabhe |karṇadhārasvarūpaṃ ca bhaktānugrahakārakam || 4||

वरं वरेण्यं वरदं वरदानामपीश्वरम् ।सिद्धं सिद्धिस्वरूपं च सिद्धिदं सिद्धिसाधनम् ॥ ५॥

varaṃ vareṇyaṃ varadaṃ varadānāmapīśvaram |siddhaṃ siddhisvarūpaṃ ca siddhidaṃ siddhisādhanam || 5||

ध्यानातिरिक्तं ध्येयं च ध्यानासाध्यं च धार्मिकम् ।धर्मस्वरूपं धर्मज्ञं धर्माधर्मफलप्रदम् ॥ ६॥

dhyānātiriktaṃ dhyeyaṃ ca dhyānāsādhyaṃ ca dhārmikam |dharmasvarūpaṃ dharmajñaṃ dharmādharmaphalapradam || 6||

बीजं संसारवृक्षाणामङकुरं च तदाश्रयम् ।स्त्रीपुंनपुंसकानां च रूपमेतदतीन्द्रियम् ॥ ७॥

bījaṃ saṃsāravṛkṣāṇāmaṅakuraṃ ca tadāśrayam |strīpuṃnapuṃsakānāṃ ca rūpametadatīndriyam || 7||

सर्वाद्यमग्रपूज्यं च सर्वपूज्यं गुणार्णवम् ।स्वेच्छया सगुणं ब्रह्म निर्गुणं स्वेच्छया पुनः ॥ ८॥

sarvādyamagrapūjyaṃ ca sarvapūjyaṃ guṇārṇavam |svecchayā saguṇaṃ brahma nirguṇaṃ svecchayā punaḥ || 8||

स्वयं प्रकृतिरूपं च प्राकृतं प्रकृतेः परम् ।त्वां स्तोतुमक्षमोऽनन्तः सहस्रवदनैरपि ॥ ९॥ वर् वदनेन च

svayaṃ prakṛtirūpaṃ ca prākṛtaṃ prakṛteḥ param |tvāṃ stotumakṣamo'nantaḥ sahasravadanairapi || 9|| var vadanena ca

न क्षमः पञ्चवक्त्रश्च न क्षमश्चतुराननः ।सरस्वती न शक्ता च न शक्तोऽहं तव स्तुतौ ।न शक्ताश्च चतुर्वेदाः के वा ते वेदवादिनः ॥ १०॥

na kṣamaḥ pañcavaktraśca na kṣamaścaturānanaḥ |sarasvatī na śaktā ca na śakto'haṃ tava stutau |na śaktāśca caturvedāḥ ke vā te vedavādinaḥ || 10||

इत्येवं स्तवनं कृत्वा मुनीशसुरसंसदि । वर् सुरेशं सुरसंसदिसुरेशश्च सुरैः सार्द्धं विरराम रमापतिः ॥ ११॥

ityevaṃ stavanaṃ kṛtvā munīśasurasaṃsadi | var sureśaṃ surasaṃsadisureśaśca suraiḥ sārddhaṃ virarāma ramāpatiḥ || 11||

इदं विष्णुकृतं स्तोत्रं गणेशस्य च यः पठेत् ।सायं प्रातश्च मध्याह्ने भक्तियुक्तः समाहितः ॥ १२॥

idaṃ viṣṇukṛtaṃ stotraṃ gaṇeśasya ca yaḥ paṭhet |sāyaṃ prātaśca madhyāhne bhaktiyuktaḥ samāhitaḥ || 12||

तद्विघ्ननाशं कुरुते विघ्नेशः सततं मुने ।वर्धते सर्वकल्याणं कल्याणजनकः सदा ॥ १३॥

tadvighnanāśaṃ kurute vighneśaḥ satataṃ mune |vardhate sarvakalyāṇaṃ kalyāṇajanakaḥ sadā || 13||

यात्राकाले पठित्वा यो याति तद्भक्तिपूर्वकम् ।तस्य सर्वाभीष्टसिद्धिर्भवत्येव न संशयः ॥ १४॥

yātrākāle paṭhitvā yo yāti tadbhaktipūrvakam |tasya sarvābhīṣṭasiddhirbhavatyeva na saṃśayaḥ || 14||

तेन दृष्टं च दुःस्वप्नं सुस्वप्नमुपजायते ।कदाऽपि न भवेत्तस्य ग्रहपीडा च दारुणा ॥ १५॥

tena dṛṣṭaṃ ca duḥsvapnaṃ susvapnamupajāyate |kadā'pi na bhavettasya grahapīḍā ca dāruṇā || 15||

भवेद्विनाशः शत्रूणां बन्धूनां चापिवर्धनम् । वर् च विवर्धनम्शश्वदिघ्नविनाशश्च शश्वत्सम्यग्विवर्धनम् ॥ १६॥

bhavedvināśaḥ śatrūṇāṃ bandhūnāṃ cāpivardhanam | var ca vivardhanamśaśvadighnavināśaśca śaśvatsamyagvivardhanam || 16||

स्थिरा भवेद्गृहे लक्ष्मीः पुत्रपौत्रविवर्धनम् ।सर्वैश्वर्यमिह प्राप्य ह्यन्ते विष्णुपदं लभेत् ॥ १७॥

sthirā bhavedgṛhe lakṣmīḥ putrapautravivardhanam |sarvaiśvaryamiha prāpya hyante viṣṇupadaṃ labhet || 17||

फलं चापि च तीर्थानां यज्ञानां यद्।ह्भवेद्।ह्ध्रुवम् ।महतां सर्वदानानां श्रीगणेशप्रसादतः ॥ १८॥

phalaṃ cāpi ca tīrthānāṃ yajñānāṃ yad|hbhaved|hdhruvam |mahatāṃ sarvadānānāṃ śrīgaṇeśaprasādataḥ || 18||

इति श्रीब्रह्मवैवर्ते महापुराणे तृतीये गणपतिखण्डेश्रीविष्णुकृतं गणेशस्तोत्रं सम्पूर्णम् ॥

iti śrībrahmavaivarte mahāpurāṇe tṛtīye gaṇapatikhaṇḍeśrīviṣṇukṛtaṃ gaṇeśastotraṃ sampūrṇam ||