विनायकस्तवराजः Shri Vinayaka Stavaraja

बीजापूरगदेक्षुकार्मुक रुजा चक्राब्जपाशोत्पलत्रीह्यग्रस्वविषाणरत्नकलशप्रोद्यत्कराम्भोरुहः ।ध्येयो वल्लभया सपद्मकरयाश्लिष्टोज्ज्वलद्भषयाविश्वोत्पत्तिविपत्तिसंस्थितिकरो विघ्नेश इष्टार्थदः ॥ १॥ (विघ्नोविशिष्टार्थदः)

bījāpūragadekṣukārmuka rujā cakrābjapāśotpalatrīhyagrasvaviṣāṇaratnakalaśaprodyatkarāmbhoruhaḥ |dhyeyo vallabhayā sapadmakarayāśliṣṭojjvaladbhaṣayāviśvotpattivipattisaṃsthitikaro vighneśa iṣṭārthadaḥ || 1|| (vighnoviśiṣṭārthadaḥ)

नमस्ते सिद्धिलक्ष्मीश गणाधिप महाप्रभो ।विघ्नेश्वर जगन्नाथ गौरीपुत्र जगत्प्रभो ॥ २॥

namaste siddhilakṣmīśa gaṇādhipa mahāprabho |vighneśvara jagannātha gaurīputra jagatprabho || 2||

जय विघ्नेश्वर विभो विनायक महेश्वर ।लम्बोदर महाबाहो सर्वदा त्वं प्रसीद मे ॥ ३॥

jaya vighneśvara vibho vināyaka maheśvara |lambodara mahābāho sarvadā tvaṃ prasīda me || 3||

महादेव जगत्स्वामिन् मूषिकारूढ शङ्कर ।विशालाक्ष महाकाय मां त्राहि परमेश्वर ॥ ४॥

mahādeva jagatsvāmin mūṣikārūḍha śaṅkara |viśālākṣa mahākāya māṃ trāhi parameśvara || 4||

कुञ्जरास्य सुराधीश महेश करुणानिधे ।दशबाहो महाराज महावक्त्र चतुर्भुज ॥ ५॥

kuñjarāsya surādhīśa maheśa karuṇānidhe |daśabāho mahārāja mahāvaktra caturbhuja || 5||

शूर्पकर्ण महाकर्ण गणनाथ प्रसीद मे ।मातुलुङ्गधर स्वामिन् गदाचक्रसमन्वित ॥ ६॥

śūrpakarṇa mahākarṇa gaṇanātha prasīda me |mātuluṅgadhara svāmin gadācakrasamanvita || 6||

शङ्खशूलसमायुक्त बीजापूरसमन्वित ।इक्षुकार्मुकसंयुक्त पद्महस्त प्रसीद मे ॥ ७॥

śaṅkhaśūlasamāyukta bījāpūrasamanvita |ikṣukārmukasaṃyukta padmahasta prasīda me || 7||

नानाभरणसंयुक्त रत्नकुम्भकर प्रभो ।सर्गस्थितिलयाधीश परमात्मन् जय प्रभो ॥ ८॥

nānābharaṇasaṃyukta ratnakumbhakara prabho |sargasthitilayādhīśa paramātman jaya prabho || 8||

अनाथनाथ विश्वेश विघ्नसङ्घविनाशन ।त्रयीमूर्ते सुरपते ब्रह्मविष्णुशिवात्मक ॥ ९॥

anāthanātha viśveśa vighnasaṅghavināśana |trayīmūrte surapate brahmaviṣṇuśivātmaka || 9||

त्रयीगुण महादेव पाहि मां सर्वपालक ।अणिमादिगुणाधार लक्ष्मीभूविष्णुपूजित ॥ १०॥

trayīguṇa mahādeva pāhi māṃ sarvapālaka |aṇimādiguṇādhāra lakṣmībhūviṣṇupūjita || 10||

गौरीशङ्करसम्पूज्य जय त्वं गणनायक ।रतिमन्मथसंसेव्य महीभूदारसंस्तुत ॥ ११॥

gaurīśaṅkarasampūjya jaya tvaṃ gaṇanāyaka |ratimanmathasaṃsevya mahībhūdārasaṃstuta || 11||

सिद्।ह्ध्याऋद्।ह्ध्यामोदादिसंसेव्य महागणपते जय ।शङ्खपद्मादिसंसेव्य निरालम्ब निरीश्वर ॥ १२॥

sid|hdhyāṛd|hdhyāmodādisaṃsevya mahāgaṇapate jaya |śaṅkhapadmādisaṃsevya nirālamba nirīśvara || 12||

निष्कलङ्क निराधार पाहि मां नित्यमव्यय ।अनाद्य जगतामाद्य पितामहसुपूजित ॥ १३॥

niṣkalaṅka nirādhāra pāhi māṃ nityamavyaya |anādya jagatāmādya pitāmahasupūjita || 13||

धूमकेतो गणाध्यक्ष महामूषकवाहन ।अनन्तपरमानन्द जय विघ्नेश्वरेश्वर ॥ १४॥

dhūmaketo gaṇādhyakṣa mahāmūṣakavāhana |anantaparamānanda jaya vighneśvareśvara || 14||

रत्नसिंहासनासीन किरीटेन सुशोभित ।परात्पर परेशान परपूरुष पाहि माम् ॥ १५॥

ratnasiṃhāsanāsīna kirīṭena suśobhita |parātpara pareśāna parapūruṣa pāhi mām || 15||

निर्द्वन्द्व निर्गुणाभास जपापुष्पसमप्रभ ।सर्वप्रमथसंस्तुत्य त्राहि मां विघ्ननायक ॥ १६॥ (सर्वप्रथम्)

nirdvandva nirguṇābhāsa japāpuṣpasamaprabha |sarvapramathasaṃstutya trāhi māṃ vighnanāyaka || 16|| (sarvapratham)

कुमारस्य गुरो देव सर्वैश्वर्यप्रदायक ।सर्वाभीष्टप्रद स्वामिन् सर्वप्रत्यूहनाशक ॥ १७॥

kumārasya guro deva sarvaiśvaryapradāyaka |sarvābhīṣṭaprada svāmin sarvapratyūhanāśaka || 17||

शरण्य सर्वलोकानां शरणागतवत्सल ।महागणपते नित्यं मां पालय कृपानिधे ॥ १८॥

śaraṇya sarvalokānāṃ śaraṇāgatavatsala |mahāgaṇapate nityaṃ māṃ pālaya kṛpānidhe || 18||

एवं श्रीगणनाथस्य स्तवराजमनुत्तमम् ।यः पठेच्छृणुयान्नित्यं प्रत्यूहैः स विमुच्यते ॥ १९॥

evaṃ śrīgaṇanāthasya stavarājamanuttamam |yaḥ paṭhecchṛṇuyānnityaṃ pratyūhaiḥ sa vimucyate || 19||

अश्वमेधसमं पुण्यफलं प्राप्नोत्यनुत्तमम् ।वशीकरोति त्रैलोक्यं प्राप्य सौभाग्यमुत्तमम् ॥ २०॥

aśvamedhasamaṃ puṇyaphalaṃ prāpnotyanuttamam |vaśīkaroti trailokyaṃ prāpya saubhāgyamuttamam || 20||

रमते देवकन्याभिः स नित्यं साधकोत्तमः ।सर्वान् भोगान् प्रभुङ्क्तेऽसौ दुर्लभांश्च दिने दिने ॥ २१॥

ramate devakanyābhiḥ sa nityaṃ sādhakottamaḥ |sarvān bhogān prabhuṅkte'sau durlabhāṃśca dine dine || 21||

सर्वाभीष्टमवाप्नोति शीघ्रमेव सुदुर्लभम् ।महागणेशसान्निध्यं प्राप्नोत्येव न संशयः ॥ २२॥

sarvābhīṣṭamavāpnoti śīghrameva sudurlabham |mahāgaṇeśasānnidhyaṃ prāpnotyeva na saṃśayaḥ || 22||

॥ इति श्रीरुद्रयामले श्रीविनायकस्तवराजः सम्पूर्णः ॥

|| iti śrīrudrayāmale śrīvināyakastavarājaḥ sampūrṇaḥ ||