महागणपति नवार्ण वेदपादस्तवः अथवा श्रीगणेशनवरत्नमाला Shri Mahaganapati Navarna Vedapadastavah

श्रीगणेशनवरत्नमाला चश्रीकण्ठतनय श्रीश श्रीकर श्रीदलार्चित ।श्रीविनायक सर्वेश श्रियं वासय मे कुले ॥ १॥

śrīgaṇeśanavaratnamālā caśrīkaṇṭhatanaya śrīśa śrīkara śrīdalārcita |śrīvināyaka sarveśa śriyaṃ vāsaya me kule || 1||

गजानन गणाधीश द्विजराजविभूषित ।भजे त्वां सच्चिदानन्द ब्रह्मणां ब्रह्मणास्पते ॥ २॥

gajānana gaṇādhīśa dvijarājavibhūṣita |bhaje tvāṃ saccidānanda brahmaṇāṃ brahmaṇāspate || 2||

णषाष्ठवाच्यनाशाय रोगाटविकुठारिणे ।घृणापालितलोकाय वनानां पतये नमः ॥ ३॥

ṇaṣāṣṭhavācyanāśāya rogāṭavikuṭhāriṇe |ghṛṇāpālitalokāya vanānāṃ pataye namaḥ || 3||

धियं प्रयच्छते तुभ्यमीप्सितार्थप्रदायिने ।दीप्तभूषणभूषाय दिशां च पतये नमः ॥ ४॥

dhiyaṃ prayacchate tubhyamīpsitārthapradāyine |dīptabhūṣaṇabhūṣāya diśāṃ ca pataye namaḥ || 4||

पञ्चब्रह्मस्वरूपाय पञ्चपातकहारिणे ।पञ्चतत्त्वात्मने तुभ्यं पशूनां पतये नमः ॥ ५॥

pañcabrahmasvarūpāya pañcapātakahāriṇe |pañcatattvātmane tubhyaṃ paśūnāṃ pataye namaḥ || 5||

तटित्कोटिप्रतीकाशतनवे विश्वसाक्षिणे ।तपस्विध्यायिने तुभ्यं सेनानिभ्यश्च वो नमः ॥ ६॥

taṭitkoṭipratīkāśatanave viśvasākṣiṇe |tapasvidhyāyine tubhyaṃ senānibhyaśca vo namaḥ || 6||

ये भजन्त्यक्षरं त्वां ते प्राप्नुवन्त्यक्षरात्मताम्।नैकरूपाय महते मुष्णतां पतये नमः ॥ ७॥

ye bhajantyakṣaraṃ tvāṃ te prāpnuvantyakṣarātmatām|naikarūpāya mahate muṣṇatāṃ pataye namaḥ || 7||

नगजावरपुत्राय सुरराजार्चिताय च ।सुगुणाय नमस्तुभ्यं सुमृडीकाय मीढुषे ॥ ८॥

nagajāvaraputrāya surarājārcitāya ca |suguṇāya namastubhyaṃ sumṛḍīkāya mīḍhuṣe || 8||

महापातकसङ्घाततमहारणभयापह ।त्वदीयकृपया देव सर्वानव यजामहे ॥ ९॥

mahāpātakasaṅghātatamahāraṇabhayāpaha |tvadīyakṛpayā deva sarvānava yajāmahe || 9||

नवार्णरत्ननिगमपादसंपुटितां स्तुतिम् ।भक्त्या पठन्ति ये तेषां तुष्टो भव गणाधिप ॥ १०॥

navārṇaratnanigamapādasaṃpuṭitāṃ stutim |bhaktyā paṭhanti ye teṣāṃ tuṣṭo bhava gaṇādhipa || 10||

॥ इति श्रीमहागणपतिनवार्णवेदपादस्तवः समप्तः ॥

|| iti śrīmahāgaṇapatinavārṇavedapādastavaḥ samaptaḥ ||