महागणपतिकवचम् Shri Mahaganapati Kavacham

श्रीगणाधिपतये नमः ।श्रीमहागणपतये नमः ।शुक्लाम्बरधरं विष्णुं शशिवर्णं चतुर्भुजम् ।प्रसन्नवदनं ध्यायेत् सर्वविघ्नोपशान्तये ॥ १॥

śrīgaṇādhipataye namaḥ |śrīmahāgaṇapataye namaḥ |śuklāmbaradharaṃ viṣṇuṃ śaśivarṇaṃ caturbhujam |prasannavadanaṃ dhyāyet sarvavighnopaśāntaye || 1||

श्रीगुरुभ्यो नमः ।श्रियं गणपतिं दुर्गां वटुकं शिवमच्युतम् ।ब्रह्माणं गिरिजां लक्ष्मीं वाणीं वन्दे विभूतये ॥ २॥

śrīgurubhyo namaḥ |śriyaṃ gaṇapatiṃ durgāṃ vaṭukaṃ śivamacyutam |brahmāṇaṃ girijāṃ lakṣmīṃ vāṇīṃ vande vibhūtaye || 2||

वन्दे गुरुपदद्वन्द्वमवासनमगोचरम् ।रक्तशुक्लप्रभा मिश्रमतर्क्यं त्रैपुरं महः ॥ ३॥

vande gurupadadvandvamavāsanamagocaram |raktaśuklaprabhā miśramatarkyaṃ traipuraṃ mahaḥ || 3||

अज्ञानतिमिरान्धस्य ज्ञानाञ्जनशलाकया ।चक्षुरुन्मीलनं येन तस्मै श्रीगुरवे नमः ॥ ४॥

ajñānatimirāndhasya jñānāñjanaśalākayā |cakṣurunmīlanaṃ yena tasmai śrīgurave namaḥ || 4||

अस्मत्श्रीगुरुपादुकाभ्यो नमः ।श्रीशिवाय नमः ।ॐ वागीशाद्याः सुमनसः सर्वार्थानामुपक्रमे ।यं नत्वा कृतकृत्याः स्युस्तं नमामि गजाननम् ॥ ५॥

asmatśrīgurupādukābhyo namaḥ |śrīśivāya namaḥ |oṃ vāgīśādyāḥ sumanasaḥ sarvārthānāmupakrame |yaṃ natvā kṛtakṛtyāḥ syustaṃ namāmi gajānanam || 5||

अगजाननपद्मार्कं गजाननमहर्निशम् ।अनेकदं तं भक्तानामेकदन्तमुपास्महे ॥ ६॥

agajānanapadmārkaṃ gajānanamaharniśam |anekadaṃ taṃ bhaktānāmekadantamupāsmahe || 6||

अचिन्त्याव्यक्तरूपाय निर्गुणाय गुणात्मने ।समस्तजगदाधारमूर्तये ब्रह्मणे नमः ॥ ७॥

acintyāvyaktarūpāya nirguṇāya guṇātmane |samastajagadādhāramūrtaye brahmaṇe namaḥ || 7||

गुरुर्ब्रह्मा गुरुर्विष्णुर्गुरू रुद्रो महेश्वरः ।गुरुः सदाशिवः सर्व स्तस्मै श्रीगुरवे नमः ॥ ८॥

gururbrahmā gururviṣṇurgurū rudro maheśvaraḥ |guruḥ sadāśivaḥ sarva stasmai śrīgurave namaḥ || 8||

गुरवे सर्वलोकानां भिषजे भवरोगिणाम् ।निधये सर्वविद्यानां दक्षिणामूर्तये नमः ॥ ९॥

gurave sarvalokānāṃ bhiṣaje bhavarogiṇām |nidhaye sarvavidyānāṃ dakṣiṇāmūrtaye namaḥ || 9||

यं ब्रह्म वेदान्तविदो वदन्तिपरं प्रधानं पुरुषं तथान्ये ।विश्वोद्गतेः कारणमीश्वरं वातस्मै नमो विघ्नविनायकाय ॥ १०॥

yaṃ brahma vedāntavido vadantiparaṃ pradhānaṃ puruṣaṃ tathānye |viśvodgateḥ kāraṇamīśvaraṃ vātasmai namo vighnavināyakāya || 10||

उमासुतं देववरप्रसादंहरस्य पुत्रं गणवृन्दसेव्यम् ।सुरासुराणां परमं पवित्रंविनायकं शूरमहं प्रपद्ये ॥ १॥ (शरणमहम्)

umāsutaṃ devavaraprasādaṃharasya putraṃ gaṇavṛndasevyam |surāsurāṇāṃ paramaṃ pavitraṃvināyakaṃ śūramahaṃ prapadye || 1|| (śaraṇamaham)

श्रीपार्वत्युवाचॐ मन्नाथ जगतां नाथ मम प्रेरणकारण ।गणेशस्य तु यन्मन्त्रं श्रुतं देव महेश्वर ॥ २॥

śrīpārvatyuvācaoṃ mannātha jagatāṃ nātha mama preraṇakāraṇa |gaṇeśasya tu yanmantraṃ śrutaṃ deva maheśvara || 2||

इदानीं श्रोतुमिच्छामि कवचं तस्य दुर्लभम् ।तद्वदस्व दयासिन्धो कृपया मम शङ्कर ॥ ३॥

idānīṃ śrotumicchāmi kavacaṃ tasya durlabham |tadvadasva dayāsindho kṛpayā mama śaṅkara || 3||

श्री ईश्वर उवाचशृणु देवि महाभागे गणेशकवचं परम् ।यद्धृत्वा पठनात् सद्यो विघ्ननाशो भविष्यति ॥ ४॥

śrī īśvara uvācaśṛṇu devi mahābhāge gaṇeśakavacaṃ param |yaddhṛtvā paṭhanāt sadyo vighnanāśo bhaviṣyati || 4||

विष्णुना कथितं पुण्यं कवचं ब्रह्मणे मुदा ।पठित्वा कृतवान् सृष्टिमेकभावः पितामहः ॥ ५॥

viṣṇunā kathitaṃ puṇyaṃ kavacaṃ brahmaṇe mudā |paṭhitvā kṛtavān sṛṣṭimekabhāvaḥ pitāmahaḥ || 5||

कवचस्यास्य देवस्य ऋषिर्देवो महेश्वरः ।छन्दो विराट् देवता च गणेशो विघ्ननायकः ।धर्मार्थकाममोक्षार्थे विनियोगः प्रकीर्तितः ॥ ६॥

kavacasyāsya devasya ṛṣirdevo maheśvaraḥ |chando virāṭ devatā ca gaṇeśo vighnanāyakaḥ |dharmārthakāmamokṣārthe viniyogaḥ prakīrtitaḥ || 6||

श्रीमहागणपतये नमःॐ अस्य श्रीमहागणपतिकवचस्तोत्रमहामन्त्रस्य,श्रीमहेश्वर ऋषिः, विराट् छन्दः, श्रीमहागणपतिर्देवता ।श्रीमहागणपतिप्रसादसिद्।ह्ध्यर्थे धर्मार्थकाममोक्षचतुर्विधफलपुरुषार्थसिद्।ह्ध्यर्थे जपे विनियोगः ।ॐ गं पातु मस्तकं देवो गणनाथो महाबलः ।एकाक्षरो महामन्त्रो सर्वदेवनमस्कृतः ॥ ७॥

śrīmahāgaṇapataye namaḥoṃ asya śrīmahāgaṇapatikavacastotramahāmantrasya,śrīmaheśvara ṛṣiḥ, virāṭ chandaḥ, śrīmahāgaṇapatirdevatā |śrīmahāgaṇapatiprasādasid|hdhyarthe dharmārthakāmamokṣacaturvidhaphalapuruṣārthasid|hdhyarthe jape viniyogaḥ |oṃ gaṃ pātu mastakaṃ devo gaṇanātho mahābalaḥ |ekākṣaro mahāmantro sarvadevanamaskṛtaḥ || 7||

ॐ श्रीं ह्रीं क्लीं में च वदनं ग्लौं गं गणपते हृदयम् ।वरद वरद मे नाभिदेशं सर्वजनं मे वशमानय ॥ ८॥

oṃ śrīṃ hrīṃ klīṃ meṃ ca vadanaṃ glauṃ gaṃ gaṇapate hṛdayam |varada varada me nābhideśaṃ sarvajanaṃ me vaśamānaya || 8||

वसु बीजाक्षरो मन्त्रो वह्निजायात्मकस्तथा ।सर्वाङ्गं मे सदा पातु सर्वदेवसुपूजितः ॥ ९॥

vasu bījākṣaro mantro vahnijāyātmakastathā |sarvāṅgaṃ me sadā pātu sarvadevasupūjitaḥ || 9||

ह्रीं विरितिरि गणपति चैवावर वर वरद सर्वलोकं तथा ।पातु मूलाधार नियतं मे वशमानय स्वाहा ॥ १०॥

hrīṃ viritiri gaṇapati caivāvara vara varada sarvalokaṃ tathā |pātu mūlādhāra niyataṃ me vaśamānaya svāhā || 10||

षड् विंशत्यक्षरो मन्त्रो (नॄणां) शीघ्रकालफलपदः ।पातु मां परितो देवः सर्वधर्मसमावृतम् ॥ ११॥

ṣaḍ viṃśatyakṣaro mantro (nṝṇāṃ) śīghrakālaphalapadaḥ |pātu māṃ parito devaḥ sarvadharmasamāvṛtam || 11||

ह्रीं गं ह्रीं मम सर्व टङ्गं पातु श्रीमहागणपतये ।वह्निजायात्मको मन्त्रो द्वादशाक्षरसंयुतः ॥ १२॥

hrīṃ gaṃ hrīṃ mama sarva ṭaṅgaṃ pātu śrīmahāgaṇapataye |vahnijāyātmako mantro dvādaśākṣarasaṃyutaḥ || 12||

राजद्वारेजले मध्ये शून्ये गेहे श्मशानके ।(श्री) महागणपतिः पातु सर्वशत्रुनिबर्हणः ॥ १३॥

rājadvārejale madhye śūnye gehe śmaśānake |(śrī) mahāgaṇapatiḥ pātu sarvaśatrunibarhaṇaḥ || 13||

ह्रीं गं श्रीं वशमानय द्वयेन समाद्यतः । (?)दशाक्षरो महामन्त्रो सर्वकार्येषु रक्षतु ॥ १४॥

hrīṃ gaṃ śrīṃ vaśamānaya dvayena samādyataḥ | (?)daśākṣaro mahāmantro sarvakāryeṣu rakṣatu || 14||

गं क्षिप्रप्रसादनाय नमोऽन्तश्च महामनुः ।दशाक्षरो मन्त्रराजो दशदिक्षु सदावतु ॥ १५॥

gaṃ kṣipraprasādanāya namo'ntaśca mahāmanuḥ |daśākṣaro mantrarājo daśadikṣu sadāvatu || 15||

हूं वक्रतुण्डाय नमः पातु मां दुर्गमेषु च ।हुं वक्रतुण्डाय हुं च पातु मे नृहमेधयोः(?) ॥ १६॥

hūṃ vakratuṇḍāya namaḥ pātu māṃ durgameṣu ca |huṃ vakratuṇḍāya huṃ ca pātu me nṛhamedhayoḥ(?) || 16||

ॐ ग्रं नमः पातु नित्यं वेदवर्णात्मको मनुः ।सर्वकार्येषु सर्वत्र पातु मां पार्वतीसुतः ॥ १७॥

oṃ graṃ namaḥ pātu nityaṃ vedavarṇātmako manuḥ |sarvakāryeṣu sarvatra pātu māṃ pārvatīsutaḥ || 17||

इति ते कथितं भद्रे कवचं परमाद्भुतम् ।पठित्वा धारयित्वा च सर्वमाशु समालभेत् ॥ १८॥

iti te kathitaṃ bhadre kavacaṃ paramādbhutam |paṭhitvā dhārayitvā ca sarvamāśu samālabhet || 18||

सकृद्वा यस्तु पठति कवचं देवदुर्लभम् । (पठितः)सर्वसिद्धियुतो भूत्वा देवतुल्यो भवेन्नरः ॥ १९॥

sakṛdvā yastu paṭhati kavacaṃ devadurlabham | (paṭhitaḥ)sarvasiddhiyuto bhūtvā devatulyo bhavennaraḥ || 19||

ब्रह्मास्त्रादीनि चास्त्राणि तद्गात्रं प्राप्य पार्वति ।माल्यानि चम्पकान्येव भविष्यन्ति न संशयः ॥ २०॥

brahmāstrādīni cāstrāṇi tadgātraṃ prāpya pārvati |mālyāni campakānyeva bhaviṣyanti na saṃśayaḥ || 20||

रामोऽपि कवचं धृत्वा जघानाशु निशाचरान् । (कृत्वा)धृत्वा तु कवचं लोके कुबेरोऽपि धनेश्वरः ॥ २१॥ (कृत्वा)

rāmo'pi kavacaṃ dhṛtvā jaghānāśu niśācarān | (kṛtvā)dhṛtvā tu kavacaṃ loke kubero'pi dhaneśvaraḥ || 21|| (kṛtvā)

इन्द्रोऽमरावतीं लब्ध्वा पठनात् कवचस्य तु ।देवनामाधिपत्यं वै तथावाप महेश्वरि ॥ २२॥

indro'marāvatīṃ labdhvā paṭhanāt kavacasya tu |devanāmādhipatyaṃ vai tathāvāpa maheśvari || 22||

सृष्टिं वितनुते ब्रह्मा स्थितिं वितनुते हरिः ।संहारं तनुते रुद्रोऽप्यहमेव न संशयः ॥ २३॥

sṛṣṭiṃ vitanute brahmā sthitiṃ vitanute hariḥ |saṃhāraṃ tanute rudro'pyahameva na saṃśayaḥ || 23||

भजेद्विलिरूप कवचं धारयेद्भक्तितः परम् ।यं यं चिन्तयते लोके तं तं प्राप्नोति सर्वदा ॥ २४॥

bhajedvilirūpa kavacaṃ dhārayedbhaktitaḥ param |yaṃ yaṃ cintayate loke taṃ taṃ prāpnoti sarvadā || 24||

गन्धर्वो गायते धीरः सर्वलोकवशङ्करः ।कामतुल्योऽपि नारीणां योगी योगपतिर्यथा ॥ २५॥

gandharvo gāyate dhīraḥ sarvalokavaśaṅkaraḥ |kāmatulyo'pi nārīṇāṃ yogī yogapatiryathā || 25||

न देयं परशिष्येभ्यो देयं शिष्येभ्य एव च ।अप्रशिष्याय दुष्टाय कृतघ्नाय दुरात्मने ॥ २६॥

na deyaṃ paraśiṣyebhyo deyaṃ śiṣyebhya eva ca |apraśiṣyāya duṣṭāya kṛtaghnāya durātmane || 26||

भक्तिश्रद्धाविहीनाय परनिन्दापराय च ।यो ददाति निषिद्धेभ्यो कवचं परमाद्भुतम् ॥ २७॥

bhaktiśraddhāvihīnāya paranindāparāya ca |yo dadāti niṣiddhebhyo kavacaṃ paramādbhutam || 27||

तस्य नश्यन्ति देवेशि पुत्रायुःकीर्तिसम्पदः ।शिष्याय भक्तियुक्ताय गुरुभक्तिरताय च ॥ २८॥

tasya naśyanti deveśi putrāyuḥkīrtisampadaḥ |śiṣyāya bhaktiyuktāya gurubhaktiratāya ca || 28||

शान्ताय विष्णुभक्ताय शिवपूजापराय च ।देव्यर्चनपरायास्मै स्वजनाय महात्मने ॥ २९॥

śāntāya viṣṇubhaktāya śivapūjāparāya ca |devyarcanaparāyāsmai svajanāya mahātmane || 29||

ददाति चेद्यत् कवचं शीघ्रसिद्धिप्रदं भवेत् ।एतत् कवचमज्ञात्वा यो जपेच्च गणाधिपम् ॥ ३०॥

dadāti cedyat kavacaṃ śīghrasiddhipradaṃ bhavet |etat kavacamajñātvā yo japecca gaṇādhipam || 30||

दारिद्रं परमं लब्ध्वा सोऽचिरान्मृत्युमाप्नुयात् । (योऽचिरान्)ज्ञात्वा तु कवचं यो वै जपेद्भक्तिपुरःसरम् ॥ ३१॥

dāridraṃ paramaṃ labdhvā so'cirānmṛtyumāpnuyāt | (yo'cirān)jñātvā tu kavacaṃ yo vai japedbhaktipuraḥsaram || 31||

जगान्ते कवचं दिव्यं पठेन्नित्यं नियन्त्रितः ।सर्वान् कामान् समासाद्य गणेशस्य प्रियो भवेत् ॥ ३२॥

jagānte kavacaṃ divyaṃ paṭhennityaṃ niyantritaḥ |sarvān kāmān samāsādya gaṇeśasya priyo bhavet || 32||

॥ इति श्रीरुद्रयामले श्रीपार्वतीपरमेश्वरसंवादेश्रीमहागणपतिकवचं समाप्तम् ॥

|| iti śrīrudrayāmale śrīpārvatīparameśvarasaṃvādeśrīmahāgaṇapatikavacaṃ samāptam ||