महागणपतिस्तोत्रपञ्चकम् Shri Mahaganapati Stotra Panchakam

ॐ श्रीगणेशाय नमः ।वन्दे सिन्दूरकान्तिं मदयुतकरटप्रान्तसम्भ्रान्तभृङ्गध्वानैरापूरिताशामुखमचलसुताह्लादपार्थाधिविचन्द्रम् ।शुण्डाकाण्डे समुद्रान् सुमणिगणयुतान् लीलयापूर्य लोकेदिव्ये भौम्ये किरन्तं गजवरवदनं शोणशैलेन्द्रसूनुम् ॥ १॥

oṃ śrīgaṇeśāya namaḥ |vande sindūrakāntiṃ madayutakaraṭaprāntasambhrāntabhṛṅgadhvānairāpūritāśāmukhamacalasutāhlādapārthādhivicandram |śuṇḍākāṇḍe samudrān sumaṇigaṇayutān līlayāpūrya lokedivye bhaumye kirantaṃ gajavaravadanaṃ śoṇaśailendrasūnum || 1||

वन्दे दन्तेन मेरौ विधुकुलनृभुजां कौरवाणां चरित्रंव्यासोक्तं भारताख्यं सकलवृषयुतं संलिखन्तं द्विपास्यम् ।शुण्डादण्डेन भित्त्वा कुलधरनिवहं कन्दुकीकृत्य बाल्येव्योम्नो मार्गे क्षिपन्तं क्षितिवरतनयाशोणशैलेन्द्रसूनुम् ॥ २॥

vande dantena merau vidhukulanṛbhujāṃ kauravāṇāṃ caritraṃvyāsoktaṃ bhāratākhyaṃ sakalavṛṣayutaṃ saṃlikhantaṃ dvipāsyam |śuṇḍādaṇḍena bhittvā kuladharanivahaṃ kandukīkṛtya bālyevyomno mārge kṣipantaṃ kṣitivaratanayāśoṇaśailendrasūnum || 2||

चन्दे दन्तावलास्यं दशनजपसरौ लड्डुकं सत्कुठारंहस्तैरत्यद्भुताम्भोरुहवरसदृशैः सन्दधानं गणेशम् ।आरुह्याखुं महान्तं अमररिपुगणैरङ्कुशाग्रेण युद्धेहन्तारं हस्तिवक्त्रैर्गजमुखदनुजं शोणशैलेन्द्रसूनुम् ॥ ३॥

cande dantāvalāsyaṃ daśanajapasarau laḍḍukaṃ satkuṭhāraṃhastairatyadbhutāmbhoruhavarasadṛśaiḥ sandadhānaṃ gaṇeśam |āruhyākhuṃ mahāntaṃ amararipugaṇairaṅkuśāgreṇa yuddhehantāraṃ hastivaktrairgajamukhadanujaṃ śoṇaśailendrasūnum || 3||

वन्दे सन्तापशान्त्यै सकलमुनिजनैः सामऋङ्मुख्यवेदानध्येतुं मुक्तिवाञ्छाप्रदफलसहितान् वन्दितं विघ्नराजम् ।भक्तानामन्तरायाञ्छिरसिकृतमहाडिण्डिमाडम्बरेणामुष्णन्तं वर्ष्मभासा जितघनमनघं शोणशैलेन्द्रसूनुम् ॥ ४॥

vande santāpaśāntyai sakalamunijanaiḥ sāmaṛṅmukhyavedānadhyetuṃ muktivāñchāpradaphalasahitān vanditaṃ vighnarājam |bhaktānāmantarāyāñchirasikṛtamahāḍiṇḍimāḍambareṇāmuṣṇantaṃ varṣmabhāsā jitaghanamanaghaṃ śoṇaśailendrasūnum || 4||

कैलासे कमनीयरत्नखचिते सैंहे स्थितं विष्टरेशम्भुं सर्वचराचरात्मकजगद्रूपं प्रणत्वा फलम् ।चूतं तत्करसंस्थितं रसयुतं स्कन्दागतेः प्राङ् मुदाचर्वन्तं परिगृह्य कुञ्जरमुखं वन्दामहे शाङ्करम् ॥ ५॥

kailāse kamanīyaratnakhacite saiṃhe sthitaṃ viṣṭareśambhuṃ sarvacarācarātmakajagadrūpaṃ praṇatvā phalam |cūtaṃ tatkarasaṃsthitaṃ rasayutaṃ skandāgateḥ prāṅ mudācarvantaṃ parigṛhya kuñjaramukhaṃ vandāmahe śāṅkaram || 5||

इति श्रीमहागणपतिस्तोत्रपञ्चकं समाप्तम् ।महागणपतिस्तोत्रपञ्चक, मिघ्त् हवे

iti śrīmahāgaṇapatistotrapañcakaṃ samāptam |mahāgaṇapatistotrapañcaka, might have