गकारादिगणपतिसहस्रनामस्तोत्रम् Gakaradi Shri Ganapati Sahasranama Stotram

ॐ अस्य श्रीगणपतिगकारादिसहस्रनाममालामन्त्रस्य ।दुर्वासा ऋषिः । अनुष्टुप् छन्दः । श्रीगणपतिर्देवता ।गं बीजम् । स्वाहा शक्तिः । ग्लौं कीलकम् ।मम सकलाभीष्टसिद्ध्यर्थे जपे विनियोगः ॥॥ करन्यासः ॥ॐ अङ्गुष्ठाभ्यां नमः । श्रीं तर्जनीभ्यां नमः ।ह्रीं मध्यमाभ्यां नमः । क्लीं अनामिकाभ्यां नमः ।ग्लौं कनिष्ठिकाभ्यां नमः । गं करतलकरपृष्ठाभ्यां नमः ।एवं हृदयादिन्यासः ।अथवा षड्दीर्ङभाजागमितिबीजेन कराङ्गन्यासः ॥॥ ध्यानम् ॥ओङ्कार सन्निभमिभाननमिन्दुभालम् मुक्ताग्रबिन्दुममलद्युतिमेकदन्तम् ।लम्बोदरं कलचतुर्भुजमादिदेवं ध्यायेन्महागणपतिं मतिसिद्धिकान्तम् ॥वन्दे नित्यं गणेशं परगुणयुतं ध्यानसंस्थं त्रिनेत्रंएकं देवं त्वनेकं परमसुखयुतं देवदेवं प्रसन्नम् ।शुण्डादण्डाढ्यगण्डोद्गलितमदजलोल्लोमत्तालिजालंश्रीमन्तं विघ्नराजं सकलसुखकरं श्रीगणेशं नमामि ॥॥ अथ स्तोत्रम् ॥ॐ गणेश्वरो गणाध्यक्षो गणाराध्यो गणप्रियः ।गणनाथो गणस्वामी गणेशो गणनायकः ॥ १॥

oṃ asya śrīgaṇapatigakārādisahasranāmamālāmantrasya |durvāsā ṛṣiḥ | anuṣṭup chandaḥ | śrīgaṇapatirdevatā |gaṃ bījam | svāhā śaktiḥ | glauṃ kīlakam |mama sakalābhīṣṭasiddhyarthe jape viniyogaḥ |||| karanyāsaḥ ||oṃ aṅguṣṭhābhyāṃ namaḥ | śrīṃ tarjanībhyāṃ namaḥ |hrīṃ madhyamābhyāṃ namaḥ | klīṃ anāmikābhyāṃ namaḥ |glauṃ kaniṣṭhikābhyāṃ namaḥ | gaṃ karatalakarapṛṣṭhābhyāṃ namaḥ |evaṃ hṛdayādinyāsaḥ |athavā ṣaḍdīrṅabhājāgamitibījena karāṅganyāsaḥ |||| dhyānam ||oṅkāra sannibhamibhānanamindubhālam muktāgrabindumamaladyutimekadantam |lambodaraṃ kalacaturbhujamādidevaṃ dhyāyenmahāgaṇapatiṃ matisiddhikāntam ||vande nityaṃ gaṇeśaṃ paraguṇayutaṃ dhyānasaṃsthaṃ trinetraṃekaṃ devaṃ tvanekaṃ paramasukhayutaṃ devadevaṃ prasannam |śuṇḍādaṇḍāḍhyagaṇḍodgalitamadajalollomattālijālaṃśrīmantaṃ vighnarājaṃ sakalasukhakaraṃ śrīgaṇeśaṃ namāmi |||| atha stotram ||oṃ gaṇeśvaro gaṇādhyakṣo gaṇārādhyo gaṇapriyaḥ |gaṇanātho gaṇasvāmī gaṇeśo gaṇanāyakaḥ || 1||

गणमूर्तिर्गणपतिर्गणत्राता गणञ्जयः ।गणपोऽथ गणक्रीडो गणदेवो गणाधिपः ॥ २॥

gaṇamūrtirgaṇapatirgaṇatrātā gaṇañjayaḥ |gaṇapo'tha gaṇakrīḍo gaṇadevo gaṇādhipaḥ || 2||

गणज्येष्ठो गणश्रेष्ठो गणप्रेष्ठो गणाधिराट् ।गणराड् गणगोप्ताथ् गणाङ्गो गणदैवतम् ॥ ३॥

gaṇajyeṣṭho gaṇaśreṣṭho gaṇapreṣṭho gaṇādhirāṭ |gaṇarāḍ gaṇagoptāth gaṇāṅgo gaṇadaivatam || 3||

गणबन्धुर्गणसुहृद् गणाधीशो गणप्रथः ।गणप्रियसखः शश्वद् गणप्रियसुहृत् तथा ॥ ४॥

gaṇabandhurgaṇasuhṛd gaṇādhīśo gaṇaprathaḥ |gaṇapriyasakhaḥ śaśvad gaṇapriyasuhṛt tathā || 4||

गणप्रियरतो नित्यं गणप्रीतिविवर्धनः ।गणमण्डलमध्यस्थो गणकेलिपरायणः ॥ ५॥

gaṇapriyarato nityaṃ gaṇaprītivivardhanaḥ |gaṇamaṇḍalamadhyastho gaṇakeliparāyaṇaḥ || 5||

गणाग्रणीर्गणेशानो गणगीतो गणोच्छ्रयः ।गण्यो गणहितो गर्जद्गणसेनो गणोद्धतः ॥ ६॥

gaṇāgraṇīrgaṇeśāno gaṇagīto gaṇocchrayaḥ |gaṇyo gaṇahito garjadgaṇaseno gaṇoddhataḥ || 6||

गणभीतिप्रमथनो गणभीत्यपहारकः ।गणनार्हो गणप्रौढो गणभर्ता गणप्रभुः ॥ ७॥

gaṇabhītipramathano gaṇabhītyapahārakaḥ |gaṇanārho gaṇaprauḍho gaṇabhartā gaṇaprabhuḥ || 7||

गणसेनो गणचरो गणप्रज्ञो गणैकराट् ।गणाग्र्यो गणनामा च गणपालनतत्परः ॥ ८॥

gaṇaseno gaṇacaro gaṇaprajño gaṇaikarāṭ |gaṇāgryo gaṇanāmā ca gaṇapālanatatparaḥ || 8||

गणजिद्गणगर्भस्थो गणप्रवणमानसः ।गणगर्वपरीहर्ता गणो गणनमस्कृतः ॥ ९॥

gaṇajidgaṇagarbhastho gaṇapravaṇamānasaḥ |gaṇagarvaparīhartā gaṇo gaṇanamaskṛtaḥ || 9||

गणार्चिताङ्घ्रियुगळो गणरक्षणकृत् सदा ।गणध्यातो गणगुरुर्गणप्रणयतत्परः ॥ १०॥

gaṇārcitāṅghriyugaḷo gaṇarakṣaṇakṛt sadā |gaṇadhyāto gaṇagururgaṇapraṇayatatparaḥ || 10||

गणागणपरित्राता गणाधिहरणोद्धुरः ।गणसेतुर्गणनुतो गणकेतुर्गणाग्रगः ॥ ११॥

gaṇāgaṇaparitrātā gaṇādhiharaṇoddhuraḥ |gaṇaseturgaṇanuto gaṇaketurgaṇāgragaḥ || 11||

गणहेतुर्गणग्राही गणानुग्रहकारकः ।गणागणानुग्रहभूर्गणागणवरप्रदः ॥ १२॥

gaṇaheturgaṇagrāhī gaṇānugrahakārakaḥ |gaṇāgaṇānugrahabhūrgaṇāgaṇavarapradaḥ || 12||

गणस्तुतो गणप्राणो गणसर्वस्वदायकः ।गणवल्लभमूर्तिश्च गणभूतिर्गणेष्टदः ॥ १३॥

gaṇastuto gaṇaprāṇo gaṇasarvasvadāyakaḥ |gaṇavallabhamūrtiśca gaṇabhūtirgaṇeṣṭadaḥ || 13||

गणसौख्यप्रदाता च गणदुःखप्रणाशनः ।गणप्रथितनामा च गणाभीष्टकरः सदा ॥ १४॥

gaṇasaukhyapradātā ca gaṇaduḥkhapraṇāśanaḥ |gaṇaprathitanāmā ca gaṇābhīṣṭakaraḥ sadā || 14||

गणमान्यो गणख्यातो गणवीतो गणोत्कटः ।गणपालो गणवरो गणगौरवदायकः ॥ १५॥

gaṇamānyo gaṇakhyāto gaṇavīto gaṇotkaṭaḥ |gaṇapālo gaṇavaro gaṇagauravadāyakaḥ || 15||

गणगर्जितसन्तुष्टो गणस्वच्छन्दगः सदा ।गणराजो गणश्रीदो गणाभयकरः क्षणात् ॥ १६॥

gaṇagarjitasantuṣṭo gaṇasvacchandagaḥ sadā |gaṇarājo gaṇaśrīdo gaṇābhayakaraḥ kṣaṇāt || 16||

गणमूर्धाभिषिक्तश्च गणसैन्यपुरस्सरः ।गुणातीतो गुणमयो गुणत्रयविभागकृत् ॥ १७॥

gaṇamūrdhābhiṣiktaśca gaṇasainyapurassaraḥ |guṇātīto guṇamayo guṇatrayavibhāgakṛt || 17||

गुणी गुणाकृतिधरो गुणशाली गुणप्रियः ।गुणपूर्णो गुणाम्भोधिर्गुणभाग् गुणदूरगः ॥ १८॥

guṇī guṇākṛtidharo guṇaśālī guṇapriyaḥ |guṇapūrṇo guṇāmbhodhirguṇabhāg guṇadūragaḥ || 18||

गुणागुणवपुर्गौणशरीरो गुणमण्डितः ।गुणस्त्रष्टा गुणेशानो गुणेशोऽथ गुणेश्वरः ॥ १९॥

guṇāguṇavapurgauṇaśarīro guṇamaṇḍitaḥ |guṇastraṣṭā guṇeśāno guṇeśo'tha guṇeśvaraḥ || 19||

गुणसृष्टजगत्सङ्घो गुणसङ्घो गुणैकराट् ।गुणप्रवृष्टो गुणभूर्गुणीकृतचराचरः ॥ २०॥

guṇasṛṣṭajagatsaṅgho guṇasaṅgho guṇaikarāṭ |guṇapravṛṣṭo guṇabhūrguṇīkṛtacarācaraḥ || 20||

गुणप्रवणसन्तुष्टो गुणहीनपराङ्मुखः ।गुणैकभूर्गुणश्रेष्ठो गुणज्येष्ठो गुणप्रभुः ॥ २१॥

guṇapravaṇasantuṣṭo guṇahīnaparāṅmukhaḥ |guṇaikabhūrguṇaśreṣṭho guṇajyeṣṭho guṇaprabhuḥ || 21||

गुणज्ञो गुणसम्पूज्यो गुणैकसदनं सदा ।गुणप्रणयवान् गौणप्रकृतिर्गुणभाजनम् ॥ २२॥

guṇajño guṇasampūjyo guṇaikasadanaṃ sadā |guṇapraṇayavān gauṇaprakṛtirguṇabhājanam || 22||

गुणिप्रणतपादाब्जो गुणिगीतो गुणोज्ज्वलः ।गुणवान् गुणसम्पन्नो गुणानन्दितमानसः ॥ २३॥

guṇipraṇatapādābjo guṇigīto guṇojjvalaḥ |guṇavān guṇasampanno guṇānanditamānasaḥ || 23||

गुणसञ्चारचतुरो गुणसञ्चयसुन्दरः ।गुणगौरो गुणाधारो गुणसंवृतचेतनः ॥ २४॥

guṇasañcāracaturo guṇasañcayasundaraḥ |guṇagauro guṇādhāro guṇasaṃvṛtacetanaḥ || 24||

गुणकृद्गुणभृन्नित्यं गुणाग्र्यो गुणपारदृक् ।गुणप्रचारी गुणयुग् गुणागुणविवेककृत् ॥ २५॥

guṇakṛdguṇabhṛnnityaṃ guṇāgryo guṇapāradṛk |guṇapracārī guṇayug guṇāguṇavivekakṛt || 25||

गुणाकरो गुणकरो गुणप्रवणवर्धनः ।गुणगूढचरो गौणसर्वसंसारचेष्टितः ॥ २६॥

guṇākaro guṇakaro guṇapravaṇavardhanaḥ |guṇagūḍhacaro gauṇasarvasaṃsāraceṣṭitaḥ || 26||

गुणदक्षिणसौहार्दो गुणलक्षणतत्त्ववित् ।गुणहारी गुणकलो गुणसङ्घसखः सदा ॥ २७॥

guṇadakṣiṇasauhārdo guṇalakṣaṇatattvavit |guṇahārī guṇakalo guṇasaṅghasakhaḥ sadā || 27||

गुणसंस्कृतसंसारो गुणतत्त्वविवेचकः ।गुणगर्वधरो गौणसुखदुःखोदयो गुणः ॥ २८॥

guṇasaṃskṛtasaṃsāro guṇatattvavivecakaḥ |guṇagarvadharo gauṇasukhaduḥkhodayo guṇaḥ || 28||

गुणाधीशो गुणलयो गुणवीक्षणलालसः ।गुणगौरवदाता च गुणदाता गुणप्रदः ॥ २९॥

guṇādhīśo guṇalayo guṇavīkṣaṇalālasaḥ |guṇagauravadātā ca guṇadātā guṇapradaḥ || 29||

गुणकृद्गुणसम्बन्धो गुणभृद्गुणबन्धनः ।गुणहृद्यो गुणस्थायी गुणदायी गुणोत्कटः ॥ ३०॥

guṇakṛdguṇasambandho guṇabhṛdguṇabandhanaḥ |guṇahṛdyo guṇasthāyī guṇadāyī guṇotkaṭaḥ || 30||

गुणचक्रधरो गौणावतारो गुणबान्धवः ।गुणबन्धुर्गुणप्रज्ञो गुणप्राज्ञो गुणालयः ॥ ३१॥

guṇacakradharo gauṇāvatāro guṇabāndhavaḥ |guṇabandhurguṇaprajño guṇaprājño guṇālayaḥ || 31||

गुणधाता गुणप्राणो गुणगोपो गुणाश्रयः ।गुणयायी गुणाधायी गुणपो गुणपालकः ॥ ३२॥

guṇadhātā guṇaprāṇo guṇagopo guṇāśrayaḥ |guṇayāyī guṇādhāyī guṇapo guṇapālakaḥ || 32||

गुणाहृततनुर्गौणो गीर्वाणो गुणगौरवः ।गुणवत्पूजितपदो गुणवत्प्रीतिदायकः ॥ ३३॥

guṇāhṛtatanurgauṇo gīrvāṇo guṇagauravaḥ |guṇavatpūjitapado guṇavatprītidāyakaḥ || 33||

गुणवद्गीतकीर्तिष्च गुणवद्बद्धसौहृदः ।गुणवद्वरदो नित्यं गुणवत्प्रतिपालकः ॥ ३४॥

guṇavadgītakīrtiṣca guṇavadbaddhasauhṛdaḥ |guṇavadvarado nityaṃ guṇavatpratipālakaḥ || 34||

गुणवद्गुणसन्तुष्टो गुणवद्रचितस्तवः ।गुणवद्रक्षणपरो गुणवत्प्रणयप्रियः ॥ ३५॥

guṇavadguṇasantuṣṭo guṇavadracitastavaḥ |guṇavadrakṣaṇaparo guṇavatpraṇayapriyaḥ || 35||

गुणवच्चक्रसञ्चारो गुणवत्कीर्तिवर्धनः ।गुणवद्गुणचित्तस्थो गुणवद्गुणरक्षकः ॥ ३६॥

guṇavaccakrasañcāro guṇavatkīrtivardhanaḥ |guṇavadguṇacittastho guṇavadguṇarakṣakaḥ || 36||

गुणवत्पोषणकरो गुनवच्छत्रुसूदनः ।गुणवत्सिद्धिदाता च गुणवद्गौरवप्रदः ॥ ३७॥

guṇavatpoṣaṇakaro gunavacchatrusūdanaḥ |guṇavatsiddhidātā ca guṇavadgauravapradaḥ || 37||

गुणवत्प्रवणस्वान्तो गुणवद्गुणभूषणः ।गुणवत्कुलविद्वेषिविनाषकरणक्षमः ॥ ३८॥

guṇavatpravaṇasvānto guṇavadguṇabhūṣaṇaḥ |guṇavatkulavidveṣivināṣakaraṇakṣamaḥ || 38||

गुणिस्तुतगुणो गर्जप्रलयाम्बुदनिःस्वनः ।गजो गजपतिर्गर्जद्गजयुद्धविषारदः ॥ ३९॥

guṇistutaguṇo garjapralayāmbudaniḥsvanaḥ |gajo gajapatirgarjadgajayuddhaviṣāradaḥ || 39||

गजास्यो गजकर्णोऽथ गजराजो गजाननः ।गजरूपधरो गर्जद्गजयूथोद्धुरध्वनिः ॥ ४०॥

gajāsyo gajakarṇo'tha gajarājo gajānanaḥ |gajarūpadharo garjadgajayūthoddhuradhvaniḥ || 40||

गजाधीषो गजाधारो गजासुरजयोद्धुरः ।गजदन्तो गजवरो गजकुम्भो गजध्वनिः ॥ ४१॥

gajādhīṣo gajādhāro gajāsurajayoddhuraḥ |gajadanto gajavaro gajakumbho gajadhvaniḥ || 41||

गजमायो गजमयो गजश्रीर्गजगर्जितः ।गजामयहरो नित्यं गजपुष्टिप्रदायकः ॥ ४२॥

gajamāyo gajamayo gajaśrīrgajagarjitaḥ |gajāmayaharo nityaṃ gajapuṣṭipradāyakaḥ || 42||

गजोत्पत्तिर्गजत्राता गजहेतुर्गजाधिपः ।गजमुख्यो गजकुलप्रवरो गजदैत्यहा ॥ ४३॥

gajotpattirgajatrātā gajaheturgajādhipaḥ |gajamukhyo gajakulapravaro gajadaityahā || 43||

गजकेतुर्गजाध्यक्षो गजसेतुर्गजाकृतिः ।गजवन्द्यो गजप्राणो गजसेव्यो गजप्रभुः ॥ ४४॥

gajaketurgajādhyakṣo gajaseturgajākṛtiḥ |gajavandyo gajaprāṇo gajasevyo gajaprabhuḥ || 44||

गजमत्तो गजेशानो गजेशो गजपुङ्गवः ।गजदन्तधरो गुञ्जन्मधुपो गजवेषभृत् ॥ ४५॥

gajamatto gajeśāno gajeśo gajapuṅgavaḥ |gajadantadharo guñjanmadhupo gajaveṣabhṛt || 45||

गजच्छन्नो गजाग्रस्थो गजयायी गजाजयः ।गजराड्गजयूथस्थो गजगञ्जकभञ्जकः ॥ ४६॥

gajacchanno gajāgrastho gajayāyī gajājayaḥ |gajarāḍgajayūthastho gajagañjakabhañjakaḥ || 46||

गर्जितोज्ञितदैत्यासुर्गर्जितत्रातविष्टपः ।गानज्ञो गानकुशलो गानतत्त्वविवेचकः ॥ ४७॥

garjitojñitadaityāsurgarjitatrātaviṣṭapaḥ |gānajño gānakuśalo gānatattvavivecakaḥ || 47||

गानश्लाघी गानरसो गानज्ञानपरायणः ।गानागमज्ञो गानाङ्गो गानप्रवणचेतनः ॥ ४८॥

gānaślāghī gānaraso gānajñānaparāyaṇaḥ |gānāgamajño gānāṅgo gānapravaṇacetanaḥ || 48||

गानकृद्गानचतुरो गानविद्याविशारदः ।गानध्येयो गानगम्यो गानध्यानपरायणः ॥ ४९॥

gānakṛdgānacaturo gānavidyāviśāradaḥ |gānadhyeyo gānagamyo gānadhyānaparāyaṇaḥ || 49||

गानभूर्गानशीलश्च गानशाली गतश्रमः ।गानविज्ञानसम्पन्नो गानश्रवणलालसः ॥ ५०॥

gānabhūrgānaśīlaśca gānaśālī gataśramaḥ |gānavijñānasampanno gānaśravaṇalālasaḥ || 50||