गणाधिपाष्टकम् Ganadhipashtakam
gaṇādhipāṣṭakam
Ganadhipashtakam (गणाधिपाष्टकम्): an eight-verse hymn (aṣṭaka) to Gaṇeśa. 10 verses in Sanskrit with Devanagari and IAST.
- Stotra
- Aṣṭakam
- Gaṇeśa
- Ashtaka
गणाधिपाष्टकम्
1 / 10
ॐ श्रीगणेशाय नमः ।श्रियमनपायिनीं प्रदिशतु श्रितकल्पतरुःशिवतनयः शिरोविधृतशीतमयूखशिशुः ।अविरतकर्णतालजमरुद्गमनागमनैरनभिमतं (धुनोति च मुदं) वितनोति च यः ॥ १॥
oṃ śrīgaṇeśāya namaḥ |śriyamanapāyinīṃ pradiśatu śritakalpataruḥśivatanayaḥ śirovidhṛtaśītamayūkhaśiśuḥ |aviratakarṇatālajamarudgamanāgamanairanabhimataṃ (dhunoti ca mudaṃ) vitanoti ca yaḥ || 1||
सकलसुरासुरादिशरणीकरणीयपदःकरटिमुखः करोतु करुणाजलधिः कुशलम् ।प्रबलतरान्तरायतिमिरौघनिराकरणप्रसृमरचन्द्रिकायितनिरन्तरदन्तरुचिः ॥ २॥
sakalasurāsurādiśaraṇīkaraṇīyapadaḥkaraṭimukhaḥ karotu karuṇājaladhiḥ kuśalam |prabalatarāntarāyatimiraughanirākaraṇaprasṛmaracandrikāyitanirantaradantaruciḥ || 2||
द्विरदमुखो धुनोतु दुरितानि दुरन्तमदत्रिदशविरोधियूथकुमुदाकरतिग्मकरः ।नतशतकोटिपाणिमकुटीतटवज्रमणिप्रचुरमरीचिवीचिगुणिताङ्ग्रिनखांशुचयः ॥ ३॥
dviradamukho dhunotu duritāni durantamadatridaśavirodhiyūthakumudākaratigmakaraḥ |nataśatakoṭipāṇimakuṭītaṭavajramaṇipracuramarīcivīciguṇitāṅgrinakhāṃśucayaḥ || 3||
कलुषमपाकरोतु कृपया कलभेन्द्रमुखःकुलगिरिनन्दिनीकुतुकदोहनसंहननः ।तुलितसुधाझरस्वकरशीकरशीतलताशमितनताशयज्वलदशर्मकृशानुशिखः ॥ ४॥
kaluṣamapākarotu kṛpayā kalabhendramukhaḥkulagirinandinīkutukadohanasaṃhananaḥ |tulitasudhājharasvakaraśīkaraśītalatāśamitanatāśayajvaladaśarmakṛśānuśikhaḥ || 4||
गजवदनो धिनोतु धियमाधिपयोधिवलत्सुजनमनःप्लवायितपदाम्बुरुहोऽविरतम् ।करटकटाहनिर्गलदनर्गलदानझरीपरिमललोलुपभ्रमददभ्रमदभ्रमरः ॥ ५।
gajavadano dhinotu dhiyamādhipayodhivalatsujanamanaḥplavāyitapadāmburuho'viratam |karaṭakaṭāhanirgaladanargaladānajharīparimalalolupabhramadadabhramadabhramaraḥ || 5|
दिशतु शतक्रतुप्रभृतिनिर्जरतर्जनकृद्दितिजचमूचमूरुमृगराडिभराजमुखः ।प्रमदमदक्षिणाङ्घ्रिविनिवेशितजीवसमाघनकुचकुम्भगाढपरिरम्भणकण्टकितः । ६।
diśatu śatakratuprabhṛtinirjaratarjanakṛdditijacamūcamūrumṛgarāḍibharājamukhaḥ |pramadamadakṣiṇāṅghriviniveśitajīvasamāghanakucakumbhagāḍhaparirambhaṇakaṇṭakitaḥ | 6|
अतुलबलोऽतिवेलमघवन्मतिदर्पहरःस्फुरदहितापकारिमहिमा वपुषीढविधुः ।हरतु विनायकः स विनताशयकौतुकदःकुटिलतरद्विजिह्वकुलकल्पितखेदभरम् । ७॥
atulabalo'tivelamaghavanmatidarpaharaḥsphuradahitāpakārimahimā vapuṣīḍhavidhuḥ |haratu vināyakaḥ sa vinatāśayakautukadaḥkuṭilataradvijihvakulakalpitakhedabharam | 7||
निजरदशूलपाशनवशालिशिरोरिगदाकुवलयमातुलुङ्गकमलेक्षुशरासकरः ।दधदथ शुण्डया मणिघटं दयितासहितोवितरतु वाञ्छितं झटिति शक्तिगणाधिपतिः ॥ ८॥
nijaradaśūlapāśanavaśāliśirorigadākuvalayamātuluṅgakamalekṣuśarāsakaraḥ |dadhadatha śuṇḍayā maṇighaṭaṃ dayitāsahitovitaratu vāñchitaṃ jhaṭiti śaktigaṇādhipatiḥ || 8||
पठतु गणाधिपाष्टकमिदं सुजनोऽनुदिनंकठिनशुचाकुठावलिकठोरकुठारवरम् ।विमतपराभवोद्भटनिदाघनवीनघनंविमलवचोविलासकमलाकरबालरविम् ॥ ९॥
paṭhatu gaṇādhipāṣṭakamidaṃ sujano'nudinaṃkaṭhinaśucākuṭhāvalikaṭhorakuṭhāravaram |vimataparābhavodbhaṭanidāghanavīnaghanaṃvimalavacovilāsakamalākarabālaravim || 9||
इति गणाधिपाष्टकं सम्पूर्णम् ।
iti gaṇādhipāṣṭakaṃ sampūrṇam |
॥ इति गणाधिपाष्टकम् सम्पूर्णम् ॥
Recitation complete
- Meaning
- Grammar
Meanings, sources and related recitations appear here once you finish reading.
Questions
How many verses are in Ganadhipashtakam?
Ganadhipashtakam has 10 verses on this page, each shown with its number, Devanagari text and transliteration, and meaning where available.
Can I read Ganadhipashtakam in Telugu, Kannada or Tamil?
Yes. Use the script buttons at the top of the text (देवनागरी, తెలుగు, ಕನ್ನಡ, தமிழ்) to read the same verses in Telugu, Kannada or Tamil script. Turn on IAST for Roman letters with pronunciation marks. Your choice is remembered on this device.
Is there a PDF of Ganadhipashtakam?
You do not need a PDF: this page has the complete text, kept up to date when corrections are made, in every script and with meanings. Tap Save to keep it in your library and open it any time.
