गणपतिगकाराष्टोत्तरशतनामस्तोत्रम् Ganapati Gakara Ashtottarashatanama Stotram

ॐ श्रीगणेशाय नमः ।ॐ गकाररूपो गम्बीजो गणेशो गणवन्दितः ।गणनीयो गणो गण्यो गणनातीतसद्गुणः ॥ १॥

oṃ śrīgaṇeśāya namaḥ |oṃ gakārarūpo gambījo gaṇeśo gaṇavanditaḥ |gaṇanīyo gaṇo gaṇyo gaṇanātītasadguṇaḥ || 1||

गगनादिकसृद्गङ्गासुतो गङ्गासुतार्चितः ।गङ्गाधरप्रीतिकरो गवीशेड्यो गदापहः ॥ २॥

gaganādikasṛdgaṅgāsuto gaṅgāsutārcitaḥ |gaṅgādharaprītikaro gavīśeḍyo gadāpahaḥ || 2||

गदाधरनुतो गद्यपद्यात्मककवित्वदः ।गजास्यो गजलक्ष्मीवान् गजवाजिरथप्रदः ॥ ३॥

gadādharanuto gadyapadyātmakakavitvadaḥ |gajāsyo gajalakṣmīvān gajavājirathapradaḥ || 3||

गञ्जानिरतशिक्षाकृद्गणितज्ञो गणोत्तमः ।गण्डदानाञ्चितो गन्ता गण्डोपलसमाकृतिः ॥ ४॥

gañjānirataśikṣākṛdgaṇitajño gaṇottamaḥ |gaṇḍadānāñcito gantā gaṇḍopalasamākṛtiḥ || 4||

गगनव्यापको गम्यो गमानादिविवर्जितः ।गण्डदोषहरो गण्डभ्रमद्भ्रमरकुण्डलः ॥ ५॥

gaganavyāpako gamyo gamānādivivarjitaḥ |gaṇḍadoṣaharo gaṇḍabhramadbhramarakuṇḍalaḥ || 5||

गतागतज्ञो गतिदो गतमृत्युर्गतोद्भवः ।गन्धप्रियो गन्धवाहो गन्धसिन्दुरवृन्दगः ॥ ६॥

gatāgatajño gatido gatamṛtyurgatodbhavaḥ |gandhapriyo gandhavāho gandhasinduravṛndagaḥ || 6||

गन्धादिपूजितो गव्यभोक्ता गर्गादिसन्नुतः ।गरिष्ठो गरभिद्गर्वहरो गरलिभूषणः ॥ ७॥

gandhādipūjito gavyabhoktā gargādisannutaḥ |gariṣṭho garabhidgarvaharo garalibhūṣaṇaḥ || 7||

गविष्ठो गर्जितारावो गभीरहृदयो गदी ।गलत्कुष्ठहरो गर्भप्रदो गर्भार्भरक्षकः ॥ ८॥

gaviṣṭho garjitārāvo gabhīrahṛdayo gadī |galatkuṣṭhaharo garbhaprado garbhārbharakṣakaḥ || 8||

गर्भाधारो गर्भवासिशिशुज्ञानप्रदायकः ।गरुत्मत्तुल्यजवनो गरुडध्वजवन्दितः ॥ ९॥

garbhādhāro garbhavāsiśiśujñānapradāyakaḥ |garutmattulyajavano garuḍadhvajavanditaḥ || 9||

गयेडितो गयाश्राद्धफलदश्च गयाकृतिः ।गदाधरावतारी च गन्धर्वनगरार्चितः ॥ १०॥

gayeḍito gayāśrāddhaphaladaśca gayākṛtiḥ |gadādharāvatārī ca gandharvanagarārcitaḥ || 10||

गन्धर्वगानसन्तुष्टो गरुडाग्रजवन्दितः ।गणरात्रसमाराध्यो गर्हणस्तुतिसाम्यधीः ॥ ११॥

gandharvagānasantuṣṭo garuḍāgrajavanditaḥ |gaṇarātrasamārādhyo garhaṇastutisāmyadhīḥ || 11||

गर्ताभनाभिर्गव्यूतिः दीर्घतुण्डो गभस्तिमान् ।गर्हिताचारदूरश्च गरुडोपलभूषितः ॥ १२॥

gartābhanābhirgavyūtiḥ dīrghatuṇḍo gabhastimān |garhitācāradūraśca garuḍopalabhūṣitaḥ || 12||

गजारिविक्रमो गन्धमूषवाजी गतश्रमः ।गवेषणीयो गहनो गहनस्थमुनिस्तुतः ॥ १३॥

gajārivikramo gandhamūṣavājī gataśramaḥ |gaveṣaṇīyo gahano gahanasthamunistutaḥ || 13||

गवयच्छिद्गण्डकभिद्गह्वरापथवारणः ।गजदन्तायुधो गर्जद्रिपुघ्नो गजकर्णिकः ॥ १४॥

gavayacchidgaṇḍakabhidgahvarāpathavāraṇaḥ |gajadantāyudho garjadripughno gajakarṇikaḥ || 14||

गजचर्मामयच्छेत्ता गणाध्यक्षो गणार्चितः ।गणिकानर्तनप्रीतो गच्छन्गन्धफलीप्रियः ॥ १५॥

gajacarmāmayacchettā gaṇādhyakṣo gaṇārcitaḥ |gaṇikānartanaprīto gacchangandhaphalīpriyaḥ || 15||

गन्धकादिरसाधीशो गणकानन्ददायकः ।गरभादिजनुर्हर्ता गण्डकीगाहनोत्सुकः ॥ १६॥

gandhakādirasādhīśo gaṇakānandadāyakaḥ |garabhādijanurhartā gaṇḍakīgāhanotsukaḥ || 16||

गण्डूषीकृतवाराशिः गरिमालघिमादिदः ।गवाक्षवत्सौधवासी गर्भितो गर्भिणीनुतः ॥ १७॥

gaṇḍūṣīkṛtavārāśiḥ garimālaghimādidaḥ |gavākṣavatsaudhavāsī garbhito garbhiṇīnutaḥ || 17||

गन्धमादनशैलाभो गण्डभेरुण्डविक्रमः ।गदितो गद्गदारावसंस्तुतो गह्वरीपतिः ॥ १८॥

gandhamādanaśailābho gaṇḍabheruṇḍavikramaḥ |gadito gadgadārāvasaṃstuto gahvarīpatiḥ || 18||

गजेशाय गरीयसे गद्येड्यो गतभीर्गदितागमः । ?गर्हणीयगुणाभावो गङ्गादिकशुचिप्रदः ॥ १९॥

gajeśāya garīyase gadyeḍyo gatabhīrgaditāgamaḥ | ?garhaṇīyaguṇābhāvo gaṅgādikaśucipradaḥ || 19||

गणनातीतविद्याश्रीबलायुष्यादिदायकः ।एवं श्रीगणनाथस्य नाम्नामष्टोत्तरं शतम् ॥ २०॥

gaṇanātītavidyāśrībalāyuṣyādidāyakaḥ |evaṃ śrīgaṇanāthasya nāmnāmaṣṭottaraṃ śatam || 20||

पठनाच्छ्रवणात् पुंसां श्रेयः प्रेमप्रदायकम् ।पूजान्ते यः पठेन्नित्यं प्रीतस्सन् तस्यविघ्नराट् ॥ २१॥

paṭhanācchravaṇāt puṃsāṃ śreyaḥ premapradāyakam |pūjānte yaḥ paṭhennityaṃ prītassan tasyavighnarāṭ || 21||

यं यं कामयते कामं तं तं शीघ्रं प्रयच्छति ।दूर्वयाभ्यर्चयन् देवमेकविंशतिवासरान् ॥ २२॥

yaṃ yaṃ kāmayate kāmaṃ taṃ taṃ śīghraṃ prayacchati |dūrvayābhyarcayan devamekaviṃśativāsarān || 22||

एकविंशतिवारं यो नित्यं स्तोत्रं पठेद्यदि ।तस्य प्रसन्नो विघ्नेशस्सर्वान् कामान् प्रयच्छति ॥ २३॥

ekaviṃśativāraṃ yo nityaṃ stotraṃ paṭhedyadi |tasya prasanno vighneśassarvān kāmān prayacchati || 23||

॥ इति श्रीगणपति गकाराष्टोत्तरशतनामस्तोत्रं सम्पूर्णम् ॥

|| iti śrīgaṇapati gakārāṣṭottaraśatanāmastotraṃ sampūrṇam ||