ढुण्ढिराजविनायकगणेशस्तुतिः Dhundhiraja Vinayaka Ganesha Stuti

जय विघ्नकृतामाद्य भक्तनिर्विघ्नकारक ।अविघ्नविघ्नशमन महाविघ्नैकविघ्नकृत् ॥ १॥

jaya vighnakṛtāmādya bhaktanirvighnakāraka |avighnavighnaśamana mahāvighnaikavighnakṛt || 1||

जय सर्वगणाधीश जय सर्वगणाग्रणी ।गणप्रणतपादाब्ज गणनातीतसद्गुण ॥ २॥

jaya sarvagaṇādhīśa jaya sarvagaṇāgraṇī |gaṇapraṇatapādābja gaṇanātītasadguṇa || 2||

जय सर्वग सर्वेश सर्वबुद्ध्येकशेवधे ।सर्वमायाप्रपञ्चज्ञ सर्वकर्माग्रपूजित ॥ ३॥

jaya sarvaga sarveśa sarvabuddhyekaśevadhe |sarvamāyāprapañcajña sarvakarmāgrapūjita || 3||

सर्वमङ्गलमाङ्गल्य जय त्वं सर्वमङ्गल ।अमङ्गलोपशमन महामङ्गलहेतुक ॥ ४॥

sarvamaṅgalamāṅgalya jaya tvaṃ sarvamaṅgala |amaṅgalopaśamana mahāmaṅgalahetuka || 4||

जय सृष्टिकृतां वन्द्य जय स्थितिकृतानत ।जय संहृतिकृत्स्तुत्य जय सत्कर्मसिद्धिद ॥ ५॥

jaya sṛṣṭikṛtāṃ vandya jaya sthitikṛtānata |jaya saṃhṛtikṛtstutya jaya satkarmasiddhida || 5||

सिद्धवन्द्यपदाम्भोज जय सिद्धिविधायक ।सर्वसिद्ध्येकनिलय महासिद्ध्यृद्धिसूचक ॥ ६॥

siddhavandyapadāmbhoja jaya siddhividhāyaka |sarvasiddhyekanilaya mahāsiddhyṛddhisūcaka || 6||

अशेषगुणनिर्माण गुणातीत गुणाग्रणी ।परिपूर्णचरित्रार्थ जय त्वं गुणवर्णित ॥ ७॥

aśeṣaguṇanirmāṇa guṇātīta guṇāgraṇī |paripūrṇacaritrārtha jaya tvaṃ guṇavarṇita || 7||

जय सर्वबलाधीश बलाराति बलप्रद ।बलाकोज्ज्वल दन्ताग्र बालाबालपराक्रम ॥ ८॥

jaya sarvabalādhīśa balārāti balaprada |balākojjvala dantāgra bālābālaparākrama || 8||

अनन्तमहिमाधार धराधर विदारण ।दन्ताग्रप्रोता दिङ्नाग जय नागाविभूषण ॥ ९॥

anantamahimādhāra dharādhara vidāraṇa |dantāgraprotā diṅnāga jaya nāgāvibhūṣaṇa || 9||

ये त्वां नमन्ति करुणामयदिव्यमूर्तेसर्वैनसामपि भुवो भुविमुक्तिभाजः ।तेषां सदैव हरसीहमहोपसर्गान्स्वर्गापवर्गमपि संप्रददासि तेभ्यः ॥ १०॥

ye tvāṃ namanti karuṇāmayadivyamūrtesarvainasāmapi bhuvo bhuvimuktibhājaḥ |teṣāṃ sadaiva harasīhamahopasargānsvargāpavargamapi saṃpradadāsi tebhyaḥ || 10||

ये विघ्नराज भवता करुणाकटाक्षैःसम्प्रेक्षिताः क्षितितले क्षणमात्रमत्र ।तेषां क्षयन्ति सकलान्यपिकिल्विषाणिलक्ष्मीः कटाक्षयतितान्पुरुषोत्तमान्हि ॥ ११॥

ye vighnarāja bhavatā karuṇākaṭākṣaiḥsamprekṣitāḥ kṣititale kṣaṇamātramatra |teṣāṃ kṣayanti sakalānyapikilviṣāṇilakṣmīḥ kaṭākṣayatitānpuruṣottamānhi || 11||

ये त्वां स्तुवन्ति नतविघ्नविघात दक्षदाक्षायणीहृदयपङ्कजतिग्मरश्मे ।श्रूयन्त एव त इह प्रथिता न चित्रंचित्रं तदत्र गणपा यदहो त एव ॥ १२॥

ye tvāṃ stuvanti natavighnavighāta dakṣadākṣāyaṇīhṛdayapaṅkajatigmaraśme |śrūyanta eva ta iha prathitā na citraṃcitraṃ tadatra gaṇapā yadaho ta eva || 12||

ये शीलयन्ति सततं भवतोऽङ्घ्रियुग्मंते पुत्रपौत्रधनधान्यसमृद्धिभाजः ।संशीलिताङ्घ्रिकमला बहुलाबहुभृत्यवर्गैर्भूपालभोग्यकमलां विमलां लभन्ते ॥ १३॥

ye śīlayanti satataṃ bhavato'ṅghriyugmaṃte putrapautradhanadhānyasamṛddhibhājaḥ |saṃśīlitāṅghrikamalā bahulābahubhṛtyavargairbhūpālabhogyakamalāṃ vimalāṃ labhante || 13||

त्वं कारणं परमकारणकारणानांवेद्योऽसि वेदविदुषां सततं त्वमेकः ।त्वं मार्गणीयमसि किञ्चन मूलवाचांवाचामगोचरचराचरदिव्यमूर्ते ॥ १४॥

tvaṃ kāraṇaṃ paramakāraṇakāraṇānāṃvedyo'si vedaviduṣāṃ satataṃ tvamekaḥ |tvaṃ mārgaṇīyamasi kiñcana mūlavācāṃvācāmagocaracarācaradivyamūrte || 14||

वेदा विदन्ति न यथार्थतया भवन्तंब्रह्मादयोऽपि न चराचर सूत्रधार ।त्वं हंसि पासि विदधासि समस्तमेकःकस्तेस्तुतिव्यतिकरोमनसाप्यगम्य ॥ १५॥

vedā vidanti na yathārthatayā bhavantaṃbrahmādayo'pi na carācara sūtradhāra |tvaṃ haṃsi pāsi vidadhāsi samastamekaḥkastestutivyatikaromanasāpyagamya || 15||

त्वद्दुष्टदृष्टिविशिखैर्निहतान्निहन्मिदैत्यान्पुरान्धकजलन्धरमुख्यकांश्च ।कास्यास्ति शक्तिरिह यस्त्वदृतेऽपि तुच्छंवाञ्छेद्विधातुमिह सिद्धिदकार्यजातम् ॥ १६॥

tvadduṣṭadṛṣṭiviśikhairnihatānnihanmidaityānpurāndhakajalandharamukhyakāṃśca |kāsyāsti śaktiriha yastvadṛte'pi tucchaṃvāñchedvidhātumiha siddhidakāryajātam || 16||

अन्वेषणे ढुण्ढिरयं प्रथितोऽस्तिधातुःसर्वार्थढुण्ढिततया तव ढुण्ढि नाम ।काशीप्रवेशमपि को लभतेऽत्र देहीतोषं विना तव विनायकढुण्ढिराज ॥ १७॥

anveṣaṇe ḍhuṇḍhirayaṃ prathito'stidhātuḥsarvārthaḍhuṇḍhitatayā tava ḍhuṇḍhi nāma |kāśīpraveśamapi ko labhate'tra dehītoṣaṃ vinā tava vināyakaḍhuṇḍhirāja || 17||

ढुण्ढे प्रणम्यपुरतस्तवपादपद्मंयो मां नमस्यति पुमानिह काशिवासी ।तत्कर्णमूलमधिगम्य पुरा दिशामितत्किञ्चिदत्र न पुनर्भवतास्ति येन ॥ १८॥

ḍhuṇḍhe praṇamyapuratastavapādapadmaṃyo māṃ namasyati pumāniha kāśivāsī |tatkarṇamūlamadhigamya purā diśāmitatkiñcidatra na punarbhavatāsti yena || 18||

स्नात्वा नरः प्रथमतो मणिकर्णिकायामुद्धूलिताङ्घ्रियुगलस्तु सचैलमाशु ।देवर्षिमानवपितॄनपि तर्पयित्वाज्ञानोदतीर्थमभिलभ्य भजेत्ततस्त्वाम् ॥ १९॥

snātvā naraḥ prathamato maṇikarṇikāyāmuddhūlitāṅghriyugalastu sacailamāśu |devarṣimānavapitṝnapi tarpayitvājñānodatīrthamabhilabhya bhajettatastvām || 19||

सामोदमोदकभरैर्वरधूपदिपैर्माल्यैः सुगन्धबहुलैरनुलेपनैश्च ।सम्प्रीण्यकाशिनगरीफलदानदक्षंप्रोक्त्वाथ मां क इह सिध्यति नैव ढुण्ढे ॥ २०॥

sāmodamodakabharairvaradhūpadipairmālyaiḥ sugandhabahulairanulepanaiśca |samprīṇyakāśinagarīphaladānadakṣaṃproktvātha māṃ ka iha sidhyati naiva ḍhuṇḍhe || 20||

तिर्थान्तराणि च ततः क्रमवर्जितोऽपिसंसाधयन्निह भवत्करुणाकटाक्षैः ।दूरीकृतस्वहितघात्युपसर्गवर्गोढुण्ढे लभेदविकलं फलमत्र काश्याम् ॥ २१॥

tirthāntarāṇi ca tataḥ kramavarjito'pisaṃsādhayanniha bhavatkaruṇākaṭākṣaiḥ |dūrīkṛtasvahitaghātyupasargavargoḍhuṇḍhe labhedavikalaṃ phalamatra kāśyām || 21||

यः प्रत्यहं नमति ढुण्ढिविनायकं त्वांकाश्यां प्रगे प्रतिहताखिलविघ्नसङ्घः ।नो तस्य जातु जगतीतलवर्ति वस्तुदुष्प्रापमत्र च परत्र च किङ्चनापि ॥ २२॥

yaḥ pratyahaṃ namati ḍhuṇḍhivināyakaṃ tvāṃkāśyāṃ prage pratihatākhilavighnasaṅghaḥ |no tasya jātu jagatītalavarti vastuduṣprāpamatra ca paratra ca kiṅcanāpi || 22||

यो नाम ते जपति ढुण्ढिविनायकस्यतं वै जपन्त्यनुदिनं हृदि सिद्धयोऽष्टौ ।भोगान्विभुज्य विविधान्विबुधोपभोग्यान्निर्वाणया कमलया प्रियते स चान्ते ॥ २३॥

yo nāma te japati ḍhuṇḍhivināyakasyataṃ vai japantyanudinaṃ hṛdi siddhayo'ṣṭau |bhogānvibhujya vividhānvibudhopabhogyānnirvāṇayā kamalayā priyate sa cānte || 23||

दूरेस्थितोऽप्यहरहस्तव पादपीठंयः संस्मरेत्सकलसिद्धिद ढुण्ढिराज ।काशीस्थिते रविकलं सफलं लभेतनैवान्यथा न वितथा मम वाक्कदाचित् ॥ २४॥

dūresthito'pyaharahastava pādapīṭhaṃyaḥ saṃsmaretsakalasiddhida ḍhuṇḍhirāja |kāśīsthite ravikalaṃ saphalaṃ labhetanaivānyathā na vitathā mama vākkadācit || 24||

जाने विघ्नानसङ्ख्यातान्विनिहन्तुमनेकधा ।क्षेत्रस्यास्य महाभाग नानारूपैरिहस्थितः ॥ २५॥

jāne vighnānasaṅkhyātānvinihantumanekadhā |kṣetrasyāsya mahābhāga nānārūpairihasthitaḥ || 25||

इति स्कन्दपुराणे काशीखण्डे सप्तपञ्चाशतमोऽध्यान्तर्गताढुण्ढिविनायकस्तुतिः समाप्ता ।अध्याय ५७ श्लोकाः १७४१

iti skandapurāṇe kāśīkhaṇḍe saptapañcāśatamo'dhyāntargatāḍhuṇḍhivināyakastutiḥ samāptā |adhyāya 57 ślokāḥ 1741