ढुण्ढिराजभुजङ्गप्रयातस्तोत्रम् Dhundhirajabhujangaprayatastotram

उमाङ्गोद्भवं दन्तिवक्त्रं गणेशं भजे कङ्कणैः शोभितं धूम्रकेतुम् ।गले हारमुक्तावलीशोभितं तं नमो ज्ञानरूपं गणेशं नमस्ते ॥ १॥

umāṅgodbhavaṃ dantivaktraṃ gaṇeśaṃ bhaje kaṅkaṇaiḥ śobhitaṃ dhūmraketum |gale hāramuktāvalīśobhitaṃ taṃ namo jñānarūpaṃ gaṇeśaṃ namaste || 1||

गणेशैकदन्तं शुभं सर्वकार्ये स्मरन् मन्मुखं ज्ञानदं सर्वसिद्धिम् ।मनश्चिन्तितं कार्यसिद्धिर्भवेत्तं नमो बुद्धिकल्पं गणेशं नमस्ते ॥ २॥

gaṇeśaikadantaṃ śubhaṃ sarvakārye smaran manmukhaṃ jñānadaṃ sarvasiddhim |manaścintitaṃ kāryasiddhirbhavettaṃ namo buddhikalpaṃ gaṇeśaṃ namaste || 2||

कुठारं धरन्तं कृतं विघ्नराजं चतुर्भिर्मखैरेकदन्तैकवर्णम् ।इदं देवरूपं गणं सिद्धिनाथं नमो भालचन्द्रं गणेशं नमस्ते ॥ ३॥

kuṭhāraṃ dharantaṃ kṛtaṃ vighnarājaṃ caturbhirmakhairekadantaikavarṇam |idaṃ devarūpaṃ gaṇaṃ siddhināthaṃ namo bhālacandraṃ gaṇeśaṃ namaste || 3||

शिरःसिन्दुरं कुङ्कुमं देहवर्णं शुभैभादिकं प्रीयते विघ्नराजम् ।महासङ्कटच्छेदने धूम्रकेतुं नमो गौरिपुत्रं गणेशं नमस्ते ॥ ४॥

śiraḥsinduraṃ kuṅkumaṃ dehavarṇaṃ śubhaibhādikaṃ prīyate vighnarājam |mahāsaṅkaṭacchedane dhūmraketuṃ namo gauriputraṃ gaṇeśaṃ namaste || 4||

तथा पातकं छेदितुं विष्णुनामं तथा ध्यायतां शंकरं पापनाशम् ।यथा पूजितं षण्मुखं शोकनाशं नमो विघ्ननाशं गणेशं नमस्ते ॥ ५॥

tathā pātakaṃ chedituṃ viṣṇunāmaṃ tathā dhyāyatāṃ śaṃkaraṃ pāpanāśam |yathā pūjitaṃ ṣaṇmukhaṃ śokanāśaṃ namo vighnanāśaṃ gaṇeśaṃ namaste || 5||

सदा सर्वदा ध्यायतामेकदन्तं सदा पूजितं सिन्दुरारक्तपुष्पैः ।सदा चर्चितं चन्दनैः कुङ्कुमाक्तं नमो ज्ञानरूपं गणेशं नमस्ते ॥ ६॥

sadā sarvadā dhyāyatāmekadantaṃ sadā pūjitaṃ sindurāraktapuṣpaiḥ |sadā carcitaṃ candanaiḥ kuṅkumāktaṃ namo jñānarūpaṃ gaṇeśaṃ namaste || 6||

नमो गौरिदेहमलोत्पन्न तुभ्यं नमो ज्ञानरूपं नमः सिद्धिपं तम् ।नमो ध्यायतामर्चतां बुद्धिदं तं नमो गौर्यपत्यं गणेशं नमस्ते ॥ ७॥

namo gauridehamalotpanna tubhyaṃ namo jñānarūpaṃ namaḥ siddhipaṃ tam |namo dhyāyatāmarcatāṃ buddhidaṃ taṃ namo gauryapatyaṃ gaṇeśaṃ namaste || 7||

भुजङ्गप्रयातं पठेद् यस्तु भक्त्या प्रभाते नरस्तन्मयैकाग्रचित्तः ।क्षयं यान्ति विघ्ना दिशः शोभयन्तं नमो ज्ञानरूपं गणेशं नमस्ते ॥ ८॥

bhujaṅgaprayātaṃ paṭhed yastu bhaktyā prabhāte narastanmayaikāgracittaḥ |kṣayaṃ yānti vighnā diśaḥ śobhayantaṃ namo jñānarūpaṃ gaṇeśaṃ namaste || 8||

॥ इति श्रीढुण्ढिराजभुजङ्गप्रयातस्तोत्रं सम्पूर्णम् ॥ढुण्ढिराजभुजङ्गम्

|| iti śrīḍhuṇḍhirājabhujaṅgaprayātastotraṃ sampūrṇam ||ḍhuṇḍhirājabhujaṅgam