धूम्रवर्णस्तुतिः अहमसुरेण प्रोक्ता Dhumravarna Stuti by Ahamasura

धूम्रवर्णस्तु तुरेणगतं पाशं विलोक्यैवाहङ्कारो गुरुणा युतः ।धूम्रवर्ण जगामाऽसौ तं दृष्ट्वा प्रणनाम ह ॥ १२॥

dhūmravarṇastu tureṇagataṃ pāśaṃ vilokyaivāhaṅkāro guruṇā yutaḥ |dhūmravarṇa jagāmā'sau taṃ dṛṣṭvā praṇanāma ha || 12||

पुनरुत्थाय विघ्नेशं पूजयामास भक्तितः ।पुनः प्रणम्य सर्वेशं तुष्टाव स कृताञ्जलिः ॥ १३॥

punarutthāya vighneśaṃ pūjayāmāsa bhaktitaḥ |punaḥ praṇamya sarveśaṃ tuṣṭāva sa kṛtāñjaliḥ || 13||

अहमुवाचधूम्रवर्णाय वै तुभ्यं गणेशाय परात्मने ।अव्यकायादिबीजाय परेशाय नमो नमः ॥ १४॥

ahamuvācadhūmravarṇāya vai tubhyaṃ gaṇeśāya parātmane |avyakāyādibījāya pareśāya namo namaḥ || 14||

लम्बोदराय देवाय दैत्यनाथाय ते नमः ।हेरम्बाय महेशानां बालकाय नमो नमः ॥ १५॥

lambodarāya devāya daityanāthāya te namaḥ |herambāya maheśānāṃ bālakāya namo namaḥ || 15||

कर्मणे कर्मरूपाय नानाकर्मप्रचारिणे ।ज्ञानाय ज्ञानदात्रे ते ज्ञानज्ञानाय वै नमः ॥ १६॥

karmaṇe karmarūpāya nānākarmapracāriṇe |jñānāya jñānadātre te jñānajñānāya vai namaḥ || 16||

चराय चररूपाय जङ्गमस्थाय ते नमः ।स्थावराय सदा तद्रूपाय तद्रूपधारिणे ॥ १७॥

carāya cararūpāya jaṅgamasthāya te namaḥ |sthāvarāya sadā tadrūpāya tadrūpadhāriṇe || 17||

स्थावरजङ्गमाभ्यां च हीनाय ते नमो नमः ।योगाय योगनाथाय योगिने योगदायिने ॥ १८॥

sthāvarajaṅgamābhyāṃ ca hīnāya te namo namaḥ |yogāya yoganāthāya yogine yogadāyine || 18||

योगेभ्यो योगदात्रे ते नमश्चिन्तामणे नमः ।शान्ताय शान्तचित्तैस्तु प्राप्याय शान्त मूर्यते ॥ १९॥

yogebhyo yogadātre te namaścintāmaṇe namaḥ |śāntāya śāntacittaistu prāpyāya śānta mūryate || 19||

ब्रह्मणां पतये तुभ्यं ब्रह्मणे सिद्धिबुद्धिद! ।सिद्धिनाथाय बुद्धीश! तयोर्योगाय ते नमः ॥ २०॥

brahmaṇāṃ pataye tubhyaṃ brahmaṇe siddhibuddhida! |siddhināthāya buddhīśa! tayoryogāya te namaḥ || 20||

मूषकोपरि संस्थाय मूषकध्वजधारिणे ।चतुर्भुजाय स्वानन्दपतये ते नमो नमः ॥ २१॥

mūṣakopari saṃsthāya mūṣakadhvajadhāriṇe |caturbhujāya svānandapataye te namo namaḥ || 21||

किं स्तौमि त्वां गणाधीश! धूम्रवर्णस्वरूपिणम् ।अव्यक्तं वेदवादेषु कथितं सततं प्रभो! ॥ २२॥

kiṃ staumi tvāṃ gaṇādhīśa! dhūmravarṇasvarūpiṇam |avyaktaṃ vedavādeṣu kathitaṃ satataṃ prabho! || 22||

स्वरूपं ते कथयितुं वेदा धूम्रायिता बभुः ।योगशान्तिधरास्ते कथयितुं ध्रुवं अक्षमाः ॥ २३॥

svarūpaṃ te kathayituṃ vedā dhūmrāyitā babhuḥ |yogaśāntidharāste kathayituṃ dhruvaṃ akṣamāḥ || 23||

अतस्त्वां धूम्रवर्णाख्यं वदन्ते वेदवादिनः ।पश्यामि तं धूम्रवर्ण एवाऽहं योगिदुर्लभम् ॥ २४॥

atastvāṃ dhūmravarṇākhyaṃ vadante vedavādinaḥ |paśyāmi taṃ dhūmravarṇa evā'haṃ yogidurlabham || 24||

धन्योऽहं सकुलो नाथ! त्वदङ्गियुगदर्शनात् ।धूम्रवर्ण उवाचत्वया कृतं इदं स्तोत्रं सर्वसिद्धिप्रदायकम् ।मम भक्तिप्रदं चैव भविष्यति न संशयः ॥ २८॥

dhanyo'haṃ sakulo nātha! tvadaṅgiyugadarśanāt |dhūmravarṇa uvācatvayā kṛtaṃ idaṃ stotraṃ sarvasiddhipradāyakam |mama bhaktipradaṃ caiva bhaviṣyati na saṃśayaḥ || 28||

शृणुयाद्यः पठेदेतत्तस्याहङ्कारजं भयम् ।न भसिष्यति दैत्येश भुक्तिमुक्तिप्रदं भवेत् ॥ २९॥

śṛṇuyādyaḥ paṭhedetattasyāhaṅkārajaṃ bhayam |na bhasiṣyati daityeśa bhuktimuktipradaṃ bhavet || 29||

यद्यदिच्छति तत्तच्च दास्यामि स्तोत्रपाठतः ।मम प्रियो भवेत् सोऽपि सदा मोहविवर्जितः ॥ ३०॥

yadyadicchati tattacca dāsyāmi stotrapāṭhataḥ |mama priyo bhavet so'pi sadā mohavivarjitaḥ || 30||

इति अहमसुरेणप्रोक्ता धूम्रवर्णस्तुतिः समाप्ता ।८\।७

iti ahamasureṇaproktā dhūmravarṇastutiḥ samāptā | 8\|7