वज्रदेवीस्तोत्रम् Vajradevi Stotram

ॐ नमः श्रीयोगिनीदेव्यै ।डाकी या सर्वबुद्धा सकलभयहरा व्यापिनी विश्वमाताएकास्या रक्तवर्णा त्रिनयनमुदिता खेचरी श्रेष्ठशोभा ।प्रज्वाली दिव्यदेहा गगणकृतपदा द्विभुजा मुक्तकेशाखट्वाङ्गं वामपाणौ दहिनकरतिकाधारिणी स्वर्गरूपा ॥ १॥

oṃ namaḥ śrīyoginīdevyai |ḍākī yā sarvabuddhā sakalabhayaharā vyāpinī viśvamātāekāsyā raktavarṇā trinayanamuditā khecarī śreṣṭhaśobhā |prajvālī divyadehā gagaṇakṛtapadā dvibhujā muktakeśākhaṭvāṅgaṃ vāmapāṇau dahinakaratikādhāriṇī svargarūpā || 1||

नग्नाङ्गा ग्रीवमाल्या नरशिरसहिता भूषणं पञ्चमुद्रासत्त्वानां मार्गमोक्षाऽनुत्तरवरदा ज्ञानसिद्धिप्रदाता (त्री) ।श्रीदेवी प्राणिरक्षाकृतजगतहिता योगिनी वज्रदीप्तिस्त्वत्पादौ पद्मरूपौ प्रणमितशिरसा नौमि विद्याधरीशे ॥ २॥

nagnāṅgā grīvamālyā naraśirasahitā bhūṣaṇaṃ pañcamudrāsattvānāṃ mārgamokṣā'nuttaravaradā jñānasiddhipradātā (trī) |śrīdevī prāṇirakṣākṛtajagatahitā yoginī vajradīptistvatpādau padmarūpau praṇamitaśirasā naumi vidyādharīśe || 2||

भगवती महादेवी भवत्याः शरणं वज्रे ।वन्दे पादाम्बुजे नित्यं भजामि त्वां प्रसीद मे ॥ ३॥

bhagavatī mahādevī bhavatyāḥ śaraṇaṃ vajre |vande pādāmbuje nityaṃ bhajāmi tvāṃ prasīda me || 3||

जननी सर्वबुद्धानां त्वमेव बोधिदायिनी ।सर्वेषां बोधिसत्त्वानां माता हितानुपालिनी ॥ ४॥

jananī sarvabuddhānāṃ tvameva bodhidāyinī |sarveṣāṃ bodhisattvānāṃ mātā hitānupālinī || 4||

सर्वहितार्थसम्भर्त्री सर्वपापविशोधिनी ।दुष्टमारगणान् क्षोभ्य महानन्दसुखप्रदा ॥ ५॥

sarvahitārthasambhartrī sarvapāpaviśodhinī |duṣṭamāragaṇān kṣobhya mahānandasukhapradā || 5||

सद्धर्मसाधनोत्साहे बलवीर्यगुणप्रदा ।निःक्लेशस्तिमितध्यानसमाधिसुखदायिनी ॥ ६॥

saddharmasādhanotsāhe balavīryaguṇapradā |niḥkleśastimitadhyānasamādhisukhadāyinī || 6||

प्रज्ञागुणमहारत्नश्रीसमृद्धिप्रदायिनी ।भगवत्याः पदाम्भोजे शरणस्थो भजाम्यहम् ॥ ७॥

prajñāguṇamahāratnaśrīsamṛddhipradāyinī |bhagavatyāḥ padāmbhoje śaraṇastho bhajāmyaham || 7||

नमामि वज्रवाराहीं सर्वपापप्रमोचनीम् ।मारविध्वंसिनीं देवीं बुद्धत्वफलदायिनीम् ॥ ८॥

namāmi vajravārāhīṃ sarvapāpapramocanīm |māravidhvaṃsinīṃ devīṃ buddhatvaphaladāyinīm || 8||

नौमि श्रीवज्रवाराहीं मन्त्रमूर्तिं जिनेश्वरीम् ।अत्यन्तवरदां देवीं ऋद्धिसिद्धिवरप्रदाम् ॥ ९॥

naumi śrīvajravārāhīṃ mantramūrtiṃ jineśvarīm |atyantavaradāṃ devīṃ ṛddhisiddhivarapradām || 9||

वैरोचनकुलोद्भूतां मुक्तकेशीं त्रिलोचनाम् ।सन्ध्यासिन्दूरवर्णाभां वन्दे त्वां कुलिशेश्वरीम् ॥ १०॥

vairocanakulodbhūtāṃ muktakeśīṃ trilocanām |sandhyāsindūravarṇābhāṃ vande tvāṃ kuliśeśvarīm || 10||

पञ्चमुद्रशिरःशोभां स्कन्धे खट्वाङ्गधारिणीम् ।करे वज्रकरोटस्थां वन्दे वज्रविलासिनीम् ॥ ११॥

pañcamudraśiraḥśobhāṃ skandhe khaṭvāṅgadhāriṇīm |kare vajrakaroṭasthāṃ vande vajravilāsinīm || 11||

मुद्रापञ्चधरां देहे मुण्डमालाविभूषिताम् ।लीलाहास्यमुखाम्भोजां वन्दे त्रैलोक्यसुन्दरीम् ॥ १२॥

mudrāpañcadharāṃ dehe muṇḍamālāvibhūṣitām |līlāhāsyamukhāmbhojāṃ vande trailokyasundarīm || 12||

भैरवाद्यां त्रिमुखीं च विक्रान्तिकण्ठचर्चिकाम् ।विद्वेषघनघोरां च वन्दे भीमभयङ्करीम् ॥ १३॥

bhairavādyāṃ trimukhīṃ ca vikrāntikaṇṭhacarcikām |vidveṣaghanaghorāṃ ca vande bhīmabhayaṅkarīm || 13||

रागविरागयोर्मध्ये भावाभावविखण्डिताम् ।समुद्भूतां सदा देवीं वन्दे तां ज्ञानडाकिनीम् ॥ १४॥

rāgavirāgayormadhye bhāvābhāvavikhaṇḍitām |samudbhūtāṃ sadā devīṃ vande tāṃ jñānaḍākinīm || 14||

पञ्चामृतसुरापानपञ्चशालिसुभोजिनीम् ।गीतवाद्यरतां नित्यं वन्दे त्वां सुरवन्दिताम् ॥ १५॥

pañcāmṛtasurāpānapañcaśālisubhojinīm |gītavādyaratāṃ nityaṃ vande tvāṃ suravanditām || 15||

सदैव सहजानन्दां नित्यभूतां सर्वालयाम् ।रणच्चरणनूपुर्यां वन्दे नृत्यपरायणाम् ॥ १६॥

sadaiva sahajānandāṃ nityabhūtāṃ sarvālayām |raṇaccaraṇanūpuryāṃ vande nṛtyaparāyaṇām || 16||

त्वां देवीं सिद्धिदात्रीं च योगाचारसदारताम् ।बुद्धनिर्वाणदात्रीं त्वां वन्दे बुद्धस्य मातरम् ॥ १७॥

tvāṃ devīṃ siddhidātrīṃ ca yogācārasadāratām |buddhanirvāṇadātrīṃ tvāṃ vande buddhasya mātaram || 17||

रक्ताङ्गीं वज्रवाराहीं दिव्यरूपस्वरूपिणीम् ।क्रान्तिमूर्तिदयादेवीं नमामि वज्रयोगिनीम् ॥ १८॥

raktāṅgīṃ vajravārāhīṃ divyarūpasvarūpiṇīm |krāntimūrtidayādevīṃ namāmi vajrayoginīm || 18||

बन्धूकपुष्पसङ्काशां शान्तरूपां जिनेश्वरीम् ।ऋद्धिसिद्धिप्रदां देवीं नमामि वज्रयोगिनीम् ॥ १९॥

bandhūkapuṣpasaṅkāśāṃ śāntarūpāṃ jineśvarīm |ṛddhisiddhipradāṃ devīṃ namāmi vajrayoginīm || 19||

द्वादशवर्षसम्पन्नां नवनृत्यस्वरूपिणीम् ।त्रैलोक्यव्यापिनीं देवीं नमामि वज्रयोगिनीम् ॥ २०॥

dvādaśavarṣasampannāṃ navanṛtyasvarūpiṇīm |trailokyavyāpinīṃ devīṃ namāmi vajrayoginīm || 20||

इति श्रीनागार्जुनपादाचार्यविरचितं वज्रदेवीस्तोत्रं सम्पूर्णम् ॥

iti śrīnāgārjunapādācāryaviracitaṃ vajradevīstotraṃ sampūrṇam ||