वैष्णवीदेवीस्तुतिः Vaishnavidevistutih

वन्देऽहं युवतीं नित्यां कृष्णवर्णां चतुर्भुजाम् ।रविमण्डलमध्यस्थां गायत्रीं सुखदां नृणाम् ॥ १॥

vande'haṃ yuvatīṃ nityāṃ kṛṣṇavarṇāṃ caturbhujām |ravimaṇḍalamadhyasthāṃ gāyatrīṃ sukhadāṃ nṛṇām || 1||

शङ्खचक्रगदापद्मधारिणीं दुःखदारिणीम् ।वैष्णवीं गरुडारूढां भक्तानां भयहारिणीम् ॥ २॥

śaṅkhacakragadāpadmadhāriṇīṃ duḥkhadāriṇīm |vaiṣṇavīṃ garuḍārūḍhāṃ bhaktānāṃ bhayahāriṇīm || 2||

अनन्यशरणां ज्ञात्वा प्रपद्ये शरणं तव ।त्वदेकशरणं मातः त्राहि मां शरणागताम् ॥ ३॥

ananyaśaraṇāṃ jñātvā prapadye śaraṇaṃ tava |tvadekaśaraṇaṃ mātaḥ trāhi māṃ śaraṇāgatām || 3||

श्लोकमेतत् त्रयं नित्यं मध्याह्ने तु विशेषतः ।सायंप्रातः पठेन्नित्यं सर्वकामप्रदा भवेत् ॥ ४॥

ślokametat trayaṃ nityaṃ madhyāhne tu viśeṣataḥ |sāyaṃprātaḥ paṭhennityaṃ sarvakāmapradā bhavet || 4||

इति श्रीगार्ग्यमुनिद्विजेन्द्रकविकृता वैष्णवीदेवीस्तुतिः समाप्ता ।

iti śrīgārgyamunidvijendrakavikṛtā vaiṣṇavīdevīstutiḥ samāptā |