वज्रयोगिन्याःपिण्डार्थस्तुतिः Vajrayoginyah Pindartha Stuti

ॐ नमो वज्रयोगिन्यै ।ॐ नमो बुद्धधर्मसङ्घेभ्यः ।ॐ नमो गुरुबुद्धबोधिसत्त्वेभ्यः ।ॐ नमो लोचनादिदशवज्रविलासिनीभ्यः ।नमो यमान्तकादिदशक्रोढ(ध) वीरेभ्यः ।वाराही शौण्डिनी चैव चण्डाली डोम्बिनी तथा ।नटनी रजकी ब्राह्मी कपालिनी च सास(शाश्व) ता ॥ १॥

oṃ namo vajrayoginyai |oṃ namo buddhadharmasaṅghebhyaḥ |oṃ namo gurubuddhabodhisattvebhyaḥ |oṃ namo locanādidaśavajravilāsinībhyaḥ |namo yamāntakādidaśakroḍha(dha) vīrebhyaḥ |vārāhī śauṇḍinī caiva caṇḍālī ḍombinī tathā |naṭanī rajakī brāhmī kapālinī ca sāsa(śāśva) tā || 1||

अमृताऽमृतकुण्डली च ज्ञानज्योतिःप्रकाशिका ।सर्वाशावीरदेवीनामियमेका महासुखा ॥ २॥

amṛtā'mṛtakuṇḍalī ca jñānajyotiḥprakāśikā |sarvāśāvīradevīnāmiyamekā mahāsukhā || 2||

शून्यता गीयते चासौ पराशक्तिः परात्परा ।अमृतोर्ध्वमना दिव्या उपाया नित्यवाहिनी ॥ ३॥

śūnyatā gīyate cāsau parāśaktiḥ parātparā |amṛtordhvamanā divyā upāyā nityavāhinī || 3||

खेचरी भूचरी चैव पातालवासिनी तथा ।प्रवि(ति)ष्ठापूरणी नित्यं त्रैलोक्यक्षोभती(भिणी) तथा ॥ ४॥

khecarī bhūcarī caiva pātālavāsinī tathā |pravi(ti)ṣṭhāpūraṇī nityaṃ trailokyakṣobhatī(bhiṇī) tathā || 4||

बिन्दुनादकला देवी चन्द्रसूर्यात्मिका हि सा(नित्या) नैर्माणिकी चैव सम्भागी च महासुखा ॥ ५॥

bindunādakalā devī candrasūryātmikā hi sā(nityā) nairmāṇikī caiva sambhāgī ca mahāsukhā || 5||

बिन्दुनादकलातीता प्रज्ञापारमिता मता ।सर्वभावस्वभावा हि सर्वभावविवर्जिता ॥ ६॥

bindunādakalātītā prajñāpāramitā matā |sarvabhāvasvabhāvā hi sarvabhāvavivarjitā || 6||

प्रलयोत्पत्तिहीना च प्रलयोत्पत्तिकारिणी ।शाश्वतत्वात् स्थिता प्रोक्ता शाश्वतेन च वर्जिता ॥ ७॥

pralayotpattihīnā ca pralayotpattikāriṇī |śāśvatatvāt sthitā proktā śāśvatena ca varjitā || 7||

गम्भीरालिङ्गितोदारा महार्था स्वधिमुक्तिका ।शून्यतात्रयहीना च प्रभास्वरस्वरूपिणी ॥ ८॥

gambhīrāliṅgitodārā mahārthā svadhimuktikā |śūnyatātrayahīnā ca prabhāsvarasvarūpiṇī || 8||

एकाराक्षररूपा च वङ्काराक्षरसङ्गता ।विचित्रादिक्षणैर्युक्ता चतुरानन्दरूपिणी ॥ ९॥

ekārākṣararūpā ca vaṅkārākṣarasaṅgatā |vicitrādikṣaṇairyuktā caturānandarūpiṇī || 9||

बाह्यमण्डलचक्रेऽपि स्फुरन्ती च त्रिकायतः ।कायवाकचित्तभावेषु कायवाकचित्तभूषणी ॥ १०॥

bāhyamaṇḍalacakre'pi sphurantī ca trikāyataḥ |kāyavākacittabhāveṣu kāyavākacittabhūṣaṇī || 10||

अतीत्य कायवाकचित्तैः समत्वेन च मध्यगा ।नैरात्म्यरूपिणी देवी तथतायां प्रतिष्ठिता ॥ ११॥

atītya kāyavākacittaiḥ samatvena ca madhyagā |nairātmyarūpiṇī devī tathatāyāṃ pratiṣṭhitā || 11||

कमलकुलिशाक्रान्तशून्यतात्रयरूपिणी ।ललनारसनायोगादवधूती महासुखा ॥ १२॥

kamalakuliśākrāntaśūnyatātrayarūpiṇī |lalanārasanāyogādavadhūtī mahāsukhā || 12||

संसारतारणी चैषां तथा तासां प्रतीत्यजा ।यां लब्ध्वा योगिनीं मुक्ता भवसंसारबन्धनात् ॥ १३॥

saṃsāratāraṇī caiṣāṃ tathā tāsāṃ pratītyajā |yāṃ labdhvā yoginīṃ muktā bhavasaṃsārabandhanāt || 13||

इत्येषा ऋद्धिदा प्रोक्ता सिद्धिदा चैव योगिनी ।मोक्षद्वारपरा चैव सतताभ्यासकारिणाम् ॥ १४॥

ityeṣā ṛddhidā proktā siddhidā caiva yoginī |mokṣadvāraparā caiva satatābhyāsakāriṇām || 14||

वज्रवत् कुरुते देहं रससिद्धिं ददाति च ।गुरुपादप्रसादेन लब्धेयं वज्रयोगिनी ॥ १५॥

vajravat kurute dehaṃ rasasiddhiṃ dadāti ca |gurupādaprasādena labdheyaṃ vajrayoginī || 15||

य(ए) तस्याः पाठमात्रेण पुण्यसम्भारमादरात् ।प्राप्नोति सततं योगी ज्ञानसम्भारसम्भृतः ॥ १६॥

ya(e) tasyāḥ pāṭhamātreṇa puṇyasambhāramādarāt |prāpnoti satataṃ yogī jñānasambhārasambhṛtaḥ || 16||

इति श्रीगुह्यसमयतन्त्रे पिण्डार्थाः सिद्धाचार्यश्रीविरूपादलृताषोडशश्लोकास्त्रिकायवज्रयोगिन्याः पिण्डार्थस्तुतिः समाप्ताः ।

iti śrīguhyasamayatantre piṇḍārthāḥ siddhācāryaśrīvirūpādalṛtāṣoḍaśaślokāstrikāyavajrayoginyāḥ piṇḍārthastutiḥ samāptāḥ |