सीतास्तुतिः अग्निदेवकृता Sitastuti by Agni

अग्निरुवाच ।तव नखरुचिद्योत्तैः पारेपरार्द्धरविप्रभाभवति सततं मन्दीभूता प्रमोदवनेश्वरि ।अथ यदि भवत्कारुण्याब्धेरुतञ्चतिवीचिकाशिथिलप्रायप्राणोऽप्यशोभत सूर्यवत् ॥ १॥

agniruvāca |tava nakharucidyottaiḥ pāreparārddharaviprabhābhavati satataṃ mandībhūtā pramodavaneśvari |atha yadi bhavatkāruṇyābdherutañcativīcikāśithilaprāyaprāṇo'pyaśobhata sūryavat || 1||

जननि मयका प्राप्तं तेजस्त्वदीयनखत्विषस्त्रिभुवनमहाराज्यमप्यणुमासते ।यदिदमखिललोके पूर्णं महः प्रविलोक्यतेतदपि तव चेद् दृष्टं रूपं भवत्यणुमात्रकम् ॥ २॥

janani mayakā prāptaṃ tejastvadīyanakhatviṣastribhuvanamahārājyamapyaṇumāsate |yadidamakhilaloke pūrṇaṃ mahaḥ pravilokyatetadapi tava ced dṛṣṭaṃ rūpaṃ bhavatyaṇumātrakam || 2||

दिनमणिः स्वो मुक्तामाणिक्यहीरमाणिप्रभाहिमकरकलाकान्तिस्तोमः सुवर्णमरीचयः ।यदिहभुवने दिव्यं भौमं तथा करजं महःसकलमपि तन्मन्ये तावन्मदङ्गकलोद्भवम् ॥ ३॥

dinamaṇiḥ svo muktāmāṇikyahīramāṇiprabhāhimakarakalākāntistomaḥ suvarṇamarīcayaḥ |yadihabhuvane divyaṃ bhaumaṃ tathā karajaṃ mahaḥsakalamapi tanmanye tāvanmadaṅgakalodbhavam || 3||

मयि पुनरदस्तेजोमात्रं त्वदीयतनुप्रभावितरणभव मातः का ते रुचामियतीस्तुतिः ।परमपुरुषप्राणप्रेयस्तमे भवतीपरंकलयसि कलाकलापं यत्सत्त्वं तदूर्जितमात्मना ॥ ४॥

mayi punaradastejomātraṃ tvadīyatanuprabhāvitaraṇabhava mātaḥ kā te rucāmiyatīstutiḥ |paramapuruṣaprāṇapreyastame bhavatīparaṃkalayasi kalākalāpaṃ yatsattvaṃ tadūrjitamātmanā || 4||

इयतिविभवे तासा भासामहो सुमहापदे जयतिभवती सीतेमूर्द्धाभिषिक्त पदागमैः ।तदपि च न ते दृष्टःक्वापिध्रुवम्मनसिस्मयोन भवति यतःकाचित्कोटिर्भवत्प्रतियोगिनी ॥ ५॥

iyativibhave tāsā bhāsāmaho sumahāpade jayatibhavatī sītemūrddhābhiṣikta padāgamaiḥ |tadapi ca na te dṛṣṭaḥkvāpidhruvammanasismayona bhavati yataḥkācitkoṭirbhavatpratiyoginī || 5||

प्रमुदविपिनक्रोडक्रीडापरा परपूरुषप्रणयपदवीसीमा सामानुग्रहभाजनम् ।कलयकलयप्रेम्णा श्रीमत्यदाम्बुजयोः परंविधिहरिहरश्रीशेषेन्द्राद्युपासितमात्रयोः ॥ ६॥

pramudavipinakroḍakrīḍāparā parapūruṣapraṇayapadavīsīmā sāmānugrahabhājanam |kalayakalayapremṇā śrīmatyadāmbujayoḥ paraṃvidhihariharaśrīśeṣendrādyupāsitamātrayoḥ || 6||

परमपुरुषार्थस्ते लीलारसात्मकविग्रहेप्रमुदविपिनान्तश्रीः संयोगविप्रयुजात्मिका ।विधिहरिहराद्यन्तर्निष्ठैः सुरैः समुपासिताप्रकृतिमधुराकारा धारामृतद्रवरूपिणी ॥ ७॥

paramapuruṣārthaste līlārasātmakavigrahepramudavipināntaśrīḥ saṃyogaviprayujātmikā |vidhihariharādyantarniṣṭhaiḥ suraiḥ samupāsitāprakṛtimadhurākārā dhārāmṛtadravarūpiṇī || 7||

रसिकणिना युक्ता रामेन्दुनाप्रमुदाटवीप्रकटविलसद्रूपा गोपालिकापटुवोशिनी ।उदयसिकलाकोटिज्योत्स्नमयीमधुराकृतिर्निजरसमहामग्नानन्दोदधेः स्वसखीगणैः ॥ ८॥

rasikaṇinā yuktā rāmendunāpramudāṭavīprakaṭavilasadrūpā gopālikāpaṭuvośinī |udayasikalākoṭijyotsnamayīmadhurākṛtirnijarasamahāmagnānandodadheḥ svasakhīgaṇaiḥ || 8||

तव हि रमणः प्रोक्तः श्रीरामचन्द्र इति श्रुतौतदुदयपदंश्रीर्मायाख्या श्रुताभवतीपुनः ।त्वपि सतिभवेत्सद्बुद्धिश्चेज्जनो न विमुच्यतेनियतमथ तज्जायेतज्ञानंयदीश्वरगोचरा ॥ ९॥

tava hi ramaṇaḥ proktaḥ śrīrāmacandra iti śrutautadudayapadaṃśrīrmāyākhyā śrutābhavatīpunaḥ |tvapi satibhavetsadbuddhiścejjano na vimucyateniyatamatha tajjāyetajñānaṃyadīśvaragocarā || 9||

नमो महाचिदानन्दिनीशक्तिसमेताय विश्वोदयस्थितिसंहरणामितलीलाशालिने महाभागैकरसिकायप्रमोदवनविलासिने प्रमोदवननिकेतनचमत्कारकस्वानन्दभयनित्यनिरवधिविलासप्रेमास्पदस्वरूपाय रामाय ॥ १०॥

namo mahācidānandinīśaktisametāya viśvodayasthitisaṃharaṇāmitalīlāśāline mahābhāgaikarasikāyapramodavanavilāsine pramodavananiketanacamatkārakasvānandabhayanityaniravadhivilāsapremāspadasvarūpāya rāmāya || 10||

तुभ्यं च नमस्तदेकविहारिण्यै ब्रह्मानन्दैकप्रतिष्ठायैसंयोगसुधातरङ्गिण्यै वियोगहुताशकवलीकृताशेषव्यतिरिक्तभावायैज्वालामालिन्यै प्रज्वलन्महाभावानलज्वालानुरागरसिकायै गोपेश्वर्यैजनकनरेन्द्रतनयायै तत्र श्रीनन्दनदुहित्रेश्रीराजिनीगर्भैकमहांशु मालिमाणीक्यमालायैश्रीसुखितगवेन्द्रनन्दनप्रेमैकभाजनायैश्रीमाङ्गल्यकालालनललितविग्रहायैनिरवग्रहानुग्रहपात्रीकृतनिजजनपरिवेष्टितायैपरमपुरुषोरूपप्रकटिताशेषपुमर्थधोरिण्यैसुधारसद्रवशीतायै सीतायै ॥ ११॥

tubhyaṃ ca namastadekavihāriṇyai brahmānandaikapratiṣṭhāyaisaṃyogasudhātaraṅgiṇyai viyogahutāśakavalīkṛtāśeṣavyatiriktabhāvāyaijvālāmālinyai prajvalanmahābhāvānalajvālānurāgarasikāyai gopeśvaryaijanakanarendratanayāyai tatra śrīnandanaduhitreśrīrājinīgarbhaikamahāṃśu mālimāṇīkyamālāyaiśrīsukhitagavendranandanapremaikabhājanāyaiśrīmāṅgalyakālālanalalitavigrahāyainiravagrahānugrahapātrīkṛtanijajanapariveṣṭitāyaiparamapuruṣorūpaprakaṭitāśeṣapumarthadhoriṇyaisudhārasadravaśītāyai sītāyai || 11||

इत्थमुक्त्वा स्तुतिं तस्यास्त्रिवेदीरूढसत्पदाम् ।दण्डवन्न्यपतश्चाग्निराधिदैविकरूपधृक् ॥ १२॥

itthamuktvā stutiṃ tasyāstrivedīrūḍhasatpadām |daṇḍavannyapataścāgnirādhidaivikarūpadhṛk || 12||

इति श्रीमदादिरामायणे ब्रह्मभुशुण्डसंवादे पश्चिमखण्डेसीताजन्मोत्सवे देवस्तुतावेकविंशोऽध्यायः ॥ २१॥

iti śrīmadādirāmāyaṇe brahmabhuśuṇḍasaṃvāde paścimakhaṇḍesītājanmotsave devastutāvekaviṃśo'dhyāyaḥ || 21||

भुशुण्डिरामायणम् । पश्चिमखण्ड । अध्याय २१/११२॥भुशुण्डिरामायणम् । पश्चिमखण्ड । अध्याय २१/१-१२॥

bhuśuṇḍirāmāyaṇam | paścimakhaṇḍa | adhyāya 21/112||bhuśuṇḍirāmāyaṇam | paścimakhaṇḍa | adhyāya 21/1-12||