शिवकामसुन्दरीमन्त्रवर्णरत्नस्तुतिः Shri Shivakamasundarimantravarnaratna Stuti

(ॐ ऐं शिं सौं मं ।)ओमित्यक्षरमुद्यतं तदनु च व्याहृत्यभिख्या पुनःगायत्री स्मृतिभिस्त्रयी शिवगलात्सर्गादिमेऽधीत्य तत् ।यस्यास्सान्द्रकृपावलोकनवशाद्ब्रह्मा ससर्जाखिलंतां देवीं शिवकामसुन्दरसखीं ध्यायामि साऽस्मीत्यहम् ॥ १॥

(oṃ aiṃ śiṃ sauṃ maṃ |)omityakṣaramudyataṃ tadanu ca vyāhṛtyabhikhyā punaḥgāyatrī smṛtibhistrayī śivagalātsargādime'dhītya tat |yasyāssāndrakṛpāvalokanavaśādbrahmā sasarjākhilaṃtāṃ devīṃ śivakāmasundarasakhīṃ dhyāyāmi sā'smītyaham || 1||

ऐं वर्णं प्रतिभाप्रकाशनपरं द्वैतीयकं यन्मनोःअभ्यासादनिलानलोक्तविभवे यक्षे गते देवराट् ।गौरीं हैमवतीमुमां भगवतीं दृष्ट्वा विमुक्तोऽभवत्तां देवीं शिवकामसुन्दरसखीं ध्यायामि साऽस्मीत्यहम् ॥ २॥

aiṃ varṇaṃ pratibhāprakāśanaparaṃ dvaitīyakaṃ yanmanoḥabhyāsādanilānaloktavibhave yakṣe gate devarāṭ |gaurīṃ haimavatīmumāṃ bhagavatīṃ dṛṣṭvā vimukto'bhavattāṃ devīṃ śivakāmasundarasakhīṃ dhyāyāmi sā'smītyaham || 2||

शिं वर्णं शिवदं तृतीयमपरं मन्त्रस्य यस्याः पुराजापं जापमवापुरद्भुततमास्सिद्धीश्च सिद्धाः पराः ।नन्दीशप्रमुखाश्च यामभिनुताः पञ्चाश्रवह्न्यश्रगेतां देवीं शिवकामसुन्दरसखीं ध्यायामि साऽस्मीत्यहम् ॥ ३॥

śiṃ varṇaṃ śivadaṃ tṛtīyamaparaṃ mantrasya yasyāḥ purājāpaṃ jāpamavāpuradbhutatamāssiddhīśca siddhāḥ parāḥ |nandīśapramukhāśca yāmabhinutāḥ pañcāśravahnyaśragetāṃ devīṃ śivakāmasundarasakhīṃ dhyāyāmi sā'smītyaham || 3||

सौं वर्णं च तुरीयमन्तरनिशं यन्मन्त्रराजः स्वयंध्यायन् शक्रसमो भुवि प्रथितवान् भूत्वा विजेजीयते ।आत्मारामविहारवान् स सुकृती स्वान्तेऽपि यस्याः पदेतां देवीं शिवकामसुन्दरसखीं ध्यायामि साऽस्मीत्यहम् ॥ ४॥

sauṃ varṇaṃ ca turīyamantaraniśaṃ yanmantrarājaḥ svayaṃdhyāyan śakrasamo bhuvi prathitavān bhūtvā vijejīyate |ātmārāmavihāravān sa sukṛtī svānte'pi yasyāḥ padetāṃ devīṃ śivakāmasundarasakhīṃ dhyāyāmi sā'smītyaham || 4||

मं वर्णं मनुपञ्चमं विधिमुखात् ज्ञात्वा समन्याह्वयेस्थाने व्योम्नि सभान्तरे परशिवस्यानन्द लास्यानुगाम् ।स्वाभिन्नां सनकादयस्सुकृतिनः पश्यन्ति यां शाम्भवींतां देवीं शिवकामसुन्दरसखीं ध्यायामि साऽस्मीत्यहम् ॥ ५॥

maṃ varṇaṃ manupañcamaṃ vidhimukhāt jñātvā samanyāhvayesthāne vyomni sabhāntare paraśivasyānanda lāsyānugām |svābhinnāṃ sanakādayassukṛtinaḥ paśyanti yāṃ śāmbhavīṃtāṃ devīṃ śivakāmasundarasakhīṃ dhyāyāmi sā'smītyaham || 5||

शार्दूलाङ्घ्रितनूभवेन शिवकाम्यम्बामनोर्वर्णभाक्स्तोत्रं यत्कृतमन्वहं च पठतां तेषां शिवानुग्रहात् ।वाक्श्रीसौख्ययशस्सुमङ्गलधराकान्तात्मजातादिमाःदीर्घायुष्यमरोगतां च चरमे दैव्यं पदं स्याद्ध्रुवम् ॥ ६॥

śārdūlāṅghritanūbhavena śivakāmyambāmanorvarṇabhākstotraṃ yatkṛtamanvahaṃ ca paṭhatāṃ teṣāṃ śivānugrahāt |vākśrīsaukhyayaśassumaṅgaladharākāntātmajātādimāḥdīrghāyuṣyamarogatāṃ ca carame daivyaṃ padaṃ syāddhruvam || 6||

इति उपमन्युमहर्षिविरचिता श्रीशिवकामसुन्दरीमन्त्रवर्णरत्नस्तुतिः ।

iti upamanyumaharṣiviracitā śrīśivakāmasundarīmantravarṇaratnastutiḥ |