हारतीस्तोत्रम् Harati Stotram

श्री हारतीदेव्यैः नमः ।कुन्दप्रसूनसदृशीं रुचिराङ्गरागांनानाविभूषणविभूषितवज्रदेहाम् ।सव्येन हस्तकमलेन भयार्तिहन्त्रींयक्षेश्वरीं बहुसुतां प्रणमामि भक्त्या ॥ १॥

śrī hāratīdevyaiḥ namaḥ |kundaprasūnasadṛśīṃ rucirāṅgarāgāṃnānāvibhūṣaṇavibhūṣitavajradehām |savyena hastakamalena bhayārtihantrīṃyakṣeśvarīṃ bahusutāṃ praṇamāmi bhaktyā || 1||

आलिङ्गितां निजमसव्यभुजेन पुत्रान्नेत्रैस्त्रिभिश्च परिशोभितचारुदेहाम् ।नानाविधैर्मणिगणै रचितं किरीटंयक्षेश्वरीं बहुसुतां प्रणमामि भक्त्या ॥ २॥

āliṅgitāṃ nijamasavyabhujena putrānnetraistribhiśca pariśobhitacārudehām |nānāvidhairmaṇigaṇai racitaṃ kirīṭaṃyakṣeśvarīṃ bahusutāṃ praṇamāmi bhaktyā || 2||

तां वह्निमण्डलगतां वसुपत्रपद्मेश्रीरत्नपीठ उपरिस्थितपादपद्माम् ।यक्षादिभिः परिवृतां ललितासनस्थांयक्षेश्वरीं बहुसुतां प्रणमामि भक्त्या ॥ ३॥

tāṃ vahnimaṇḍalagatāṃ vasupatrapadmeśrīratnapīṭha uparisthitapādapadmām |yakṣādibhiḥ parivṛtāṃ lalitāsanasthāṃyakṣeśvarīṃ bahusutāṃ praṇamāmi bhaktyā || 3||

लोकत्रयार्तिशमनीं शिशुजीवदात्रींश्रीहारतीं करुणया निजभक्तदक्षाम् ।दुःखापहां जनमनोहरभोगभाजांयक्षेश्वरीं बहुसुतां प्रणमामि भक्त्या ॥ ४॥

lokatrayārtiśamanīṃ śiśujīvadātrīṃśrīhāratīṃ karuṇayā nijabhaktadakṣām |duḥkhāpahāṃ janamanoharabhogabhājāṃyakṣeśvarīṃ bahusutāṃ praṇamāmi bhaktyā || 4||

सन्त्रासिनीं पिशुनवृत्तिवतां जनानांविस्फोटकादिरुजराशिविनाशकर्त्रीम् ।भक्तेषु धातृसदृशीं च सुशीतलाङ्गींयक्षेश्वरीं बहुसुतां प्रणमामि भक्त्या ॥ ५॥

santrāsinīṃ piśunavṛttivatāṃ janānāṃvisphoṭakādirujarāśivināśakartrīm |bhakteṣu dhātṛsadṛśīṃ ca suśītalāṅgīṃyakṣeśvarīṃ bahusutāṃ praṇamāmi bhaktyā || 5||

बुद्धानुशासनरतामतिसूक्ष्मरूपांलोकत्रयार्चितपदां करुणार्चिभूताम् ।गन्धर्वकिन्नरगणैः परिसेव्यमानांयक्षेश्वरीं बहुसुतां प्रणमामि भक्त्या ॥ ६॥

buddhānuśāsanaratāmatisūkṣmarūpāṃlokatrayārcitapadāṃ karuṇārcibhūtām |gandharvakinnaragaṇaiḥ parisevyamānāṃyakṣeśvarīṃ bahusutāṃ praṇamāmi bhaktyā || 6||

केयूरकुण्डलसुकङ्कणनूपुराढ्यांनानाविचित्रवसनप्रदधानशीलाम् ।संरक्षणीं शिशुगणान् परिपालयन्तींयक्षेश्वरीं बहुसुतां प्रणमामि भक्त्या ॥ ७॥

keyūrakuṇḍalasukaṅkaṇanūpurāḍhyāṃnānāvicitravasanapradadhānaśīlām |saṃrakṣaṇīṃ śiśugaṇān paripālayantīṃyakṣeśvarīṃ bahusutāṃ praṇamāmi bhaktyā || 7||

स्वर्भूरसातलमवस्थितभुक्तिदानसंसक्तपूर्णहृदयां त्रिगुणात्मरूपाम् ।तां संस्मराम्यहरहः शरणं प्रपद्येयक्षेश्वरीं बहुसुतां प्रणमामि भक्त्या ॥ ८॥

svarbhūrasātalamavasthitabhuktidānasaṃsaktapūrṇahṛdayāṃ triguṇātmarūpām |tāṃ saṃsmarāmyaharahaḥ śaraṇaṃ prapadyeyakṣeśvarīṃ bahusutāṃ praṇamāmi bhaktyā || 8||

रक्षाकरीं स्तुतिमिमां प्रपठेन्मनुष्यःश्रीहारतीं निजगृहे शिशुरक्षणाय ।वाचं श्रियं सुविपुलं च सुखादि सर्वंदात्री त्रिकं पठति यः प्रयतः प्रभाते ॥ ९॥

rakṣākarīṃ stutimimāṃ prapaṭhenmanuṣyaḥśrīhāratīṃ nijagṛhe śiśurakṣaṇāya |vācaṃ śriyaṃ suvipulaṃ ca sukhādi sarvaṃdātrī trikaṃ paṭhati yaḥ prayataḥ prabhāte || 9||

इति श्रीभवरत्नविनिर्गतं बालरक्षाकरं हारतीस्तोत्रं सम्पूर्णम् ॥

iti śrībhavaratnavinirgataṃ bālarakṣākaraṃ hāratīstotraṃ sampūrṇam ||