गोस्तोत्रम् १ Gostotram

क्षीरोदतोयसम्भूता याः पुरामृतमन्थने ।पञ्चगादः शुभाः पार्थ पञ्चलोकस्यमातरः ॥ १॥

kṣīrodatoyasambhūtā yāḥ purāmṛtamanthane |pañcagādaḥ śubhāḥ pārtha pañcalokasyamātaraḥ || 1||

नन्दा सुभद्रा सुरभिः सुशीला बहुला इति ।एता लोकोपकाराय देवानां तर्पणाय च ॥ २॥

nandā subhadrā surabhiḥ suśīlā bahulā iti |etā lokopakārāya devānāṃ tarpaṇāya ca || 2||

जमदग्निभरद्वाजवसिष्ठासितगौतमः ।जगृहुः कामदाः पञ्च गावो दत्ताः सुरैस्ततः ॥ ३॥

jamadagnibharadvājavasiṣṭhāsitagautamaḥ |jagṛhuḥ kāmadāḥ pañca gāvo dattāḥ suraistataḥ || 3||

गोमयं रोचना मूत्रं क्षीरं दधि घृतं गवाम् ।षडङ्गानि पवित्राणि संशुद्धिकरणानि च ॥ ४॥

gomayaṃ rocanā mūtraṃ kṣīraṃ dadhi ghṛtaṃ gavām |ṣaḍaṅgāni pavitrāṇi saṃśuddhikaraṇāni ca || 4||

गोमयादुत्थितः श्रीमान् बिल्ववृक्षः शिवप्रियः ।तत्रास्ते पद्महस्ता श्रीः श्रीवृक्षस्तेन स स्मृतः ॥ ५॥

gomayādutthitaḥ śrīmān bilvavṛkṣaḥ śivapriyaḥ |tatrāste padmahastā śrīḥ śrīvṛkṣastena sa smṛtaḥ || 5||

बीजान्युत्पलपद्मानां पुनर्जातानि गोमयात् ।गोरोचना च माङ्गल्या पवित्रा सर्वसाधिका ॥ ६॥

bījānyutpalapadmānāṃ punarjātāni gomayāt |gorocanā ca māṅgalyā pavitrā sarvasādhikā || 6||

गोमूत्राद् गुग्गुलुर्जातः सुगन्धिः प्रियदर्शनः ।आहारः सर्वदेवानां शिवस्य च विशेषतः ॥ ७॥

gomūtrād guggulurjātaḥ sugandhiḥ priyadarśanaḥ |āhāraḥ sarvadevānāṃ śivasya ca viśeṣataḥ || 7||

यद्बीजं जगतः किञ्चित् तज्ज्ञेयं क्षीरसम्भवम् ।दधिजातानि सर्वाणि मङ्गलान्यर्थसिद्धये ॥ ८॥

yadbījaṃ jagataḥ kiñcit tajjñeyaṃ kṣīrasambhavam |dadhijātāni sarvāṇi maṅgalānyarthasiddhaye || 8||

घृतादमृतमुत्पन्नं देवानां तृप्तिकारणम् ।ब्राह्मणश्चैव गावश्च कुलमेकं द्विधा कृतम् ॥ ९॥

ghṛtādamṛtamutpannaṃ devānāṃ tṛptikāraṇam |brāhmaṇaścaiva gāvaśca kulamekaṃ dvidhā kṛtam || 9||

एकत्र मन्त्रास्तिष्ठन्ति हविरन्यत्र तिष्ठति ।गोषु यज्ञाः प्रवर्तन्ते गोषु देवाः प्रतिष्ठिताः ।गोषु वेदाः समुत्कीर्णाः सषडङ्गपदक्रमाः ॥ १०॥

ekatra mantrāstiṣṭhanti haviranyatra tiṣṭhati |goṣu yajñāḥ pravartante goṣu devāḥ pratiṣṭhitāḥ |goṣu vedāḥ samutkīrṇāḥ saṣaḍaṅgapadakramāḥ || 10||

इति श्री भविष्यपुराणान्तर्गतं गोस्तोत्रं समाप्तम् ॥भविष्यपुराण । उत्तरपर्व । अध्याय ६९/१६२४॥भविष्यपुराण । उत्तरपर्व । अध्याय ६९/१६-२४॥

iti śrī bhaviṣyapurāṇāntargataṃ gostotraṃ samāptam ||bhaviṣyapurāṇa | uttaraparva | adhyāya 69/1624||bhaviṣyapurāṇa | uttaraparva | adhyāya 69/16-24||