गुह्यषोढान्यासोपनिषत् Guhyashodhanyasa Upanishad

अथ गुह्यां न्यसेत् । शिवो भवेत् । शक्तिरूपो भवेत् ।विद्याराज्ञीन्यासमेवं चरेत् । न जपो न पूजा न साधनं नकालनियमो न दिवा न रात्रिः । सर्वकालं न्यसेत् । शक्तियुक्तो भवेत् ।यथाधिकारवान् न्यसेत् । पूर्णदीक्षां लभेत् । षोढारूपो भवेत् ।चिन्तामणिर्भवेत् । क्रीं मातृस्थाने न्यसेत् । परात् परतरो भवेत् ।शिवो भवेदित्येकः । अथ ताराद्वयपुटितां मातृकां मातृकापुटितांतां मातृकास्थाने न्यसेत् । परातीतारूपो भवेदिति द्वितीयः । अथशक्तिकाद्वयपुटितां मातृकां मातृकापुटितां तां न्यसेत् । तुर्यारूपोभवेत् । तृतीयकलारूपो भवेत् । कालसङ्कलनात् काली । सहेलं सलीलंवा स्मरणाद्वरदानेषु चतुरा । तेनेयं दक्षिणा । सम्बोधनद्वयपुटितांमातृकां मातृकापुटितं नामद्वयं लिपिस्थाने न्यसेत् । तुर्यात् परारूपोभवेत् । चतुर्थीकलारूपो भवेत् । लोकपालसंवादिनी चतुर्थी ।अथ पञ्चमीं कलां न्यसेत् । पञ्चमीकलारूपो भवेत् । सुभगात्रयंकूर्चवह्निललनां वह्नेस्त्रिकोणदैवतस्य लालनाच्छ्रीकण्ठरूपस्तुर्यापरातीता । एतत्पुटितमातृकापुटितमेतन्मन्त्रं मातृकास्थाने न्यसेदितिपञ्चमी । शिवत्वं गच्छति । स सर्वरूपो भवेत् । अथ षष्ठींकलां न्यसेत् । पूर्णां विद्याराज्ञीं लिपिस्थाने न्यसेद्व्यापयेत् । स शिवोभवेत् । स सर्वज्ञत्वं गच्छति । स कविर्भवेत् । स संन्यासी भवेत् ।देवो ह वै भवेत् । विश्वरूपो भवेत् । अयुतं न्यसेत् । ऋषिच्छन्दादिपूर्ववद्भवेत् । ब्रह्माण्डगोलकेऽपि या जगतीतले तां सर्वां भुनक्ति ।यस्याः स्मरणात् सिद्धो निदेशवर्ती च भवेत् तां न्यसेत् । न्यसनंन्यासः । सम्यक् न्यासः सन्न्यासः । न तु मुण्डितमुण्डः । तस्य देवादयोनमस्यन्तीति प्रोतं वेद । ॐ शिवम् ॥(शाक्तौपनिषदः)

atha guhyāṃ nyaset | śivo bhavet | śaktirūpo bhavet |vidyārājñīnyāsamevaṃ caret | na japo na pūjā na sādhanaṃ nakālaniyamo na divā na rātriḥ | sarvakālaṃ nyaset | śaktiyukto bhavet |yathādhikāravān nyaset | pūrṇadīkṣāṃ labhet | ṣoḍhārūpo bhavet |cintāmaṇirbhavet | krīṃ mātṛsthāne nyaset | parāt parataro bhavet |śivo bhavedityekaḥ | atha tārādvayapuṭitāṃ mātṛkāṃ mātṛkāpuṭitāṃtāṃ mātṛkāsthāne nyaset | parātītārūpo bhavediti dvitīyaḥ | athaśaktikādvayapuṭitāṃ mātṛkāṃ mātṛkāpuṭitāṃ tāṃ nyaset | turyārūpobhavet | tṛtīyakalārūpo bhavet | kālasaṅkalanāt kālī | sahelaṃ salīlaṃvā smaraṇādvaradāneṣu caturā | teneyaṃ dakṣiṇā | sambodhanadvayapuṭitāṃmātṛkāṃ mātṛkāpuṭitaṃ nāmadvayaṃ lipisthāne nyaset | turyāt parārūpobhavet | caturthīkalārūpo bhavet | lokapālasaṃvādinī caturthī |atha pañcamīṃ kalāṃ nyaset | pañcamīkalārūpo bhavet | subhagātrayaṃkūrcavahnilalanāṃ vahnestrikoṇadaivatasya lālanācchrīkaṇṭharūpasturyāparātītā | etatpuṭitamātṛkāpuṭitametanmantraṃ mātṛkāsthāne nyaseditipañcamī | śivatvaṃ gacchati | sa sarvarūpo bhavet | atha ṣaṣṭhīṃkalāṃ nyaset | pūrṇāṃ vidyārājñīṃ lipisthāne nyasedvyāpayet | sa śivobhavet | sa sarvajñatvaṃ gacchati | sa kavirbhavet | sa saṃnyāsī bhavet |devo ha vai bhavet | viśvarūpo bhavet | ayutaṃ nyaset | ṛṣicchandādipūrvavadbhavet | brahmāṇḍagolake'pi yā jagatītale tāṃ sarvāṃ bhunakti |yasyāḥ smaraṇāt siddho nideśavartī ca bhavet tāṃ nyaset | nyasanaṃnyāsaḥ | samyak nyāsaḥ sannyāsaḥ | na tu muṇḍitamuṇḍaḥ | tasya devādayonamasyantīti protaṃ veda | oṃ śivam ||(śāktaupaniṣadaḥ)

इत्याथर्वणे सौभाग्यकाण्डे गुह्यषोढान्यासोपनिषत् समाप्ता ।

ityātharvaṇe saubhāgyakāṇḍe guhyaṣoḍhānyāsopaniṣat samāptā |