भूस्तुतिः २ Bhu Stutih

सर्वभूतधरे कान्ते सर्वलोकनमस्कृते ।विष्णुपत्नि जगद्धात्रि वसुधे सस्यमालिनि ॥ १॥

sarvabhūtadhare kānte sarvalokanamaskṛte |viṣṇupatni jagaddhātri vasudhe sasyamālini || 1||

पुण्यकाननकेशाढ्ये पर्वतस्तनमण्डिते ।समुद्रवसने देवि नदीविषयवासिनि ॥ २॥

puṇyakānanakeśāḍhye parvatastanamaṇḍite |samudravasane devi nadīviṣayavāsini || 2||

वल्मीकश्रवणे वेदभाषिणि श्रुतिसेविते ।फुल्लाम्बुजेक्षणे देवि प्रसीद हरिवल्लभे ॥ ३॥

valmīkaśravaṇe vedabhāṣiṇi śrutisevite |phullāmbujekṣaṇe devi prasīda harivallabhe || 3||

नमस्ते भुवनेशाने नमः सर्वसुरार्चिते ।नमो भार्गवि मे मातः प्रणतोऽस्मि वसुन्धरे ॥ ४॥

namaste bhuvaneśāne namaḥ sarvasurārcite |namo bhārgavi me mātaḥ praṇato'smi vasundhare || 4||

विष्णुशक्तिसमुद्भूते शङ्खवर्णे महेश्वरि ।अनेकरत्नसङ्कीर्णे भूमि तुभ्यं नमो नमः ॥ ५॥

viṣṇuśaktisamudbhūte śaṅkhavarṇe maheśvari |anekaratnasaṅkīrṇe bhūmi tubhyaṃ namo namaḥ || 5||

इति स्तुत्वा च नत्वा च ध्यात्वा विमलचेतसा ।इति श्रीभार्गवतन्त्रे षष्ठाध्याये श्रीरामेण प्रोक्ता भूस्तुतिः सम्पूर्णा ।प्रतिष्ठाविषयविवेचन नामाध्याये मृत्सङ्ग्रहक्रमे भूस्तुतिः

iti stutvā ca natvā ca dhyātvā vimalacetasā |iti śrībhārgavatantre ṣaṣṭhādhyāye śrīrāmeṇa proktā bhūstutiḥ sampūrṇā |pratiṣṭhāviṣayavivecana nāmādhyāye mṛtsaṅgrahakrame bhūstutiḥ