बन्दीमोचनस्तोत्रम् Bandimochanastotram

ॐ अस्य श्रीबन्दीमोचनमन्त्रस्य कण्वऋषिः त्रिष्टुप्छन्दः\, ह्रींबीजम्\, ह्रं कीलकम्\, मम बन्दीमोचनार्थं जपे विनियोगः ।ॐ ह्रीं ह्रूं बन्दीदेव्यै नमः । इति मन्त्रं अष्टोत्तरशतं जपः ।बन्दीं देवीं नमस्कृत्य वरदाभयशोभिताम् ।तदग्र्यां शरणं गच्छे शीघ्रं मोक्षं ददातु मे ॥ १॥

oṃ asya śrībandīmocanamantrasya kaṇvaṛṣiḥ triṣṭupchandaḥ\, hrīṃbījam\, hraṃ kīlakam\, mama bandīmocanārthaṃ jape viniyogaḥ |oṃ hrīṃ hrūṃ bandīdevyai namaḥ | iti mantraṃ aṣṭottaraśataṃ japaḥ |bandīṃ devīṃ namaskṛtya varadābhayaśobhitām |tadagryāṃ śaraṇaṃ gacche śīghraṃ mokṣaṃ dadātu me || 1||

बन्दी कमलपत्राक्षी लोहशृङ्खलभञ्जिनी ।प्रसादं कुरु मे देवि शीघ्रं मोक्षं ददातु मे ॥ २॥

bandī kamalapatrākṣī lohaśṛṅkhalabhañjinī |prasādaṃ kuru me devi śīghraṃ mokṣaṃ dadātu me || 2||

त्वं बन्दी त्वं महामाया त्वं दुर्गा त्वं सरस्वती ।त्वं देवी रजनी चैव शीघ्रं मोक्षं ददातु मे ॥ ३॥

tvaṃ bandī tvaṃ mahāmāyā tvaṃ durgā tvaṃ sarasvatī |tvaṃ devī rajanī caiva śīghraṃ mokṣaṃ dadātu me || 3||

संसारतारिणी बन्दी सर्वकामप्रदायिनी ।सर्वलोकेश्वरी देवी शीघ्रं मोक्षं ददातु मे ॥ ४॥

saṃsāratāriṇī bandī sarvakāmapradāyinī |sarvalokeśvarī devī śīghraṃ mokṣaṃ dadātu me || 4||

त्वं ह्रीस्त्वमीश्वरी देवी ब्रह्माणी ब्रह्मवादिनी ।त्वं वै कल्पक्षयं कर्त्री शीघ्रं मोक्षं ददातु मे ॥ ५॥

tvaṃ hrīstvamīśvarī devī brahmāṇī brahmavādinī |tvaṃ vai kalpakṣayaṃ kartrī śīghraṃ mokṣaṃ dadātu me || 5||

देवी धात्री धरित्री च धर्मशास्त्रार्थभाषिणी ।दुःश्वाम्बररागिणी देवी शीघ्रं मोक्षं ददातु मे ॥ ६॥

devī dhātrī dharitrī ca dharmaśāstrārthabhāṣiṇī |duḥśvāmbararāgiṇī devī śīghraṃ mokṣaṃ dadātu me || 6||

नमोऽस्तु ते महालक्ष्मि रत्नकुण्डलभूषिते ।शिवस्यार्धाङ्गिनी चैव शीघ्रं मोक्षं ददातु मे ॥ ७॥

namo'stu te mahālakṣmi ratnakuṇḍalabhūṣite |śivasyārdhāṅginī caiva śīghraṃ mokṣaṃ dadātu me || 7||

नमस्कृत्य महादुर्गां भयादुत्तारिणीं शिवाम् ।महादुःखहरां चैव शीघ्रं मोक्षं ददातु मे ॥ ८॥

namaskṛtya mahādurgāṃ bhayāduttāriṇīṃ śivām |mahāduḥkhaharāṃ caiva śīghraṃ mokṣaṃ dadātu me || 8||

इदं स्तोत्रं महापुण्यं यः पठेन्नित्यमेव च ।सर्वबन्धविनिर्मुक्तो मोक्षं च लभते क्षणात् ॥ ९॥

idaṃ stotraṃ mahāpuṇyaṃ yaḥ paṭhennityameva ca |sarvabandhavinirmukto mokṣaṃ ca labhate kṣaṇāt || 9||

इति श्रीरुद्रयामले बन्दीमोचनस्तोत्रं समाप्तं

iti śrīrudrayāmale bandīmocanastotraṃ samāptaṃ