दत्तप्रार्थनास्तोत्रम् Datta Prarthana Stotram

प्रभो देवदेव प्रभो दत्तदेव । तारकोऽस्माकमकहृत्त्वमेव ॥प्रभो देव देव प्रभो दत्तदेव ॥ ध्रु ॥एहि करुणाकरा पाहि परमेश्वरा ।त्राहि भवसागरादखिलदेव ॥एहि लघु सन्मते एहि लघु सत्पते ।देहि लघु सद्गते शुद्धभावम् ॥ १॥

prabho devadeva prabho dattadeva | tārako'smākamakahṛttvameva ||prabho deva deva prabho dattadeva || dhru ||ehi karuṇākarā pāhi parameśvarā |trāhi bhavasāgarādakhiladeva ||ehi laghu sanmate ehi laghu satpate |dehi laghu sadgate śuddhabhāvam || 1||

त्वमसि दुरितापहा त्वमसि भवतापहा ।त्वमसि कुमतापहा सर्वदेव ॥त्वमसि हितकारकस्त्वमसि भयवारक।स्त्वमसि भवतारकः साधुदेव ॥ २॥

tvamasi duritāpahā tvamasi bhavatāpahā |tvamasi kumatāpahā sarvadeva ||tvamasi hitakārakastvamasi bhayavāraka|stvamasi bhavatārakaḥ sādhudeva || 2||

त्वमसि मम दैवतं त्वमसि मम जीवितम् ।त्वमसि मम सकलहितजातमेतत् ॥त्वमसि मम चालकस्त्वमसि मम पालकस्त्वमसि मम तारको दत्तदेव ॥ ३॥

tvamasi mama daivataṃ tvamasi mama jīvitam |tvamasi mama sakalahitajātametat ||tvamasi mama cālakastvamasi mama pālakastvamasi mama tārako dattadeva || 3||

आर्द्रमतिकोमलं सान्द्रकरुणालयम् ।सान्द्रचितिसोज्वलं सुकृतशीलम् ॥हृदयमिह विश्रुतं सदयमज ते मतम् ।सुनय सहसा द्रुतं भवतु देव ॥ ४॥

ārdramatikomalaṃ sāndrakaruṇālayam |sāndracitisojvalaṃ sukṛtaśīlam ||hṛdayamiha viśrutaṃ sadayamaja te matam |sunaya sahasā drutaṃ bhavatu deva || 4||

देव भवदावतस्तीव्रतरतापतः ।दत्त सन्तापितं माऽभिषिञ्च ॥सत्कटाक्षामृतैः पूजिताङ्घ्रेऽमृतैःसंस्तुतास्तानृतैः पाहि देव ॥ ५॥

deva bhavadāvatastīvrataratāpataḥ |datta santāpitaṃ mā'bhiṣiñca ||satkaṭākṣāmṛtaiḥ pūjitāṅghre'mṛtaiḥsaṃstutāstānṛtaiḥ pāhi deva || 5||

घोरघोरान्धकारावृते सद्गतेऽगाधसंसारकूपे दुरन्ते ।पतितमतिमन्युना घोरकालाहिनासंवृतं मोचयाश्वोव माऽव ॥ ६॥

ghoraghorāndhakārāvṛte sadgate'gādhasaṃsārakūpe durante |patitamatimanyunā ghorakālāhināsaṃvṛtaṃ mocayāśvova mā'va || 6||

घोरभवसागरे सर्वथा दुष्करेऽस्मिन्ननादावनन्तेऽनपारे ।पतितमिह दुःस्थितं कर्मवाताहतंप्रोद्धरार्तं प्रभो मां सुभाव ॥ ७॥

ghorabhavasāgare sarvathā duṣkare'sminnanādāvanante'napāre |patitamiha duḥsthitaṃ karmavātāhataṃproddharārtaṃ prabho māṃ subhāva || 7||

मत्समः पापकृत्त्वत्समः पापहृत् ।नास्त्यपर ईश्वर प्रार्थये तत् ॥यत्त्वमिच्छसि विभो तत्कुरुष्व प्रभो ।वासुदेवार्थित श्रीश देव ॥ ८॥

matsamaḥ pāpakṛttvatsamaḥ pāpahṛt |nāstyapara īśvara prārthaye tat ||yattvamicchasi vibho tatkuruṣva prabho |vāsudevārthita śrīśa deva || 8||

इति श्रीवासुदेवानन्दसरस्वतीविरचितं श्रीदत्तात्रेयप्रार्थनास्तोत्रं सम्पूर्णम् ।

iti śrīvāsudevānandasarasvatīviracitaṃ śrīdattātreyaprārthanāstotraṃ sampūrṇam |