स्वयम्भूस्तवः Svayambhu Stava

नमस्ते विश्वरूपाय ज्योतीरूपाय ते नमः ।नमः स्वयम्भवे नित्यं जगदुद्धारहेतवे ॥ १॥

namaste viśvarūpāya jyotīrūpāya te namaḥ |namaḥ svayambhave nityaṃ jagaduddhārahetave || 1||

त्वं बुद्धस्त्वं च धर्मो दशबलतनयस्त्वं तथा बोधिसत्त्वस्त्वं भिक्षुः श्रावकस्त्वं कुलिशवरधरस्त्वं तथा धर्मधातुः ।त्वं ब्रह्मा त्वं च विष्णुः प्रमथगणपतिस्त्वं महेन्द्रो यमस्त्वंत्वं पाशी त्वं धनेशस्त्वमनलपवनौ नैरृतस्त्वं महेशः ॥ २॥

tvaṃ buddhastvaṃ ca dharmo daśabalatanayastvaṃ tathā bodhisattvastvaṃ bhikṣuḥ śrāvakastvaṃ kuliśavaradharastvaṃ tathā dharmadhātuḥ |tvaṃ brahmā tvaṃ ca viṣṇuḥ pramathagaṇapatistvaṃ mahendro yamastvaṃtvaṃ pāśī tvaṃ dhaneśastvamanalapavanau nairṛtastvaṃ maheśaḥ || 2||

भूताः प्रेताश्चतिर्यक् त्वममरमदितिमार्नवास्त्वं वयं चचातुर्योनिस्त्वमेव त्रिगुणवरतनुः पञ्चज्ञानैकमूर्तिः ।वर्णास्त्वं कालमासा दिनमपि रजनी पञ्चभूतास्त्वमेवअन्नं रत्नं च सर्वं मतिरति महती नः सदा त्वां नताः स्मः ॥ ३॥

bhūtāḥ pretāścatiryak tvamamaramaditimārnavāstvaṃ vayaṃ cacāturyonistvameva triguṇavaratanuḥ pañcajñānaikamūrtiḥ |varṇāstvaṃ kālamāsā dinamapi rajanī pañcabhūtāstvamevaannaṃ ratnaṃ ca sarvaṃ matirati mahatī naḥ sadā tvāṃ natāḥ smaḥ || 3||

पञ्चज्ञानेन बुद्धान् सृजसि स्वयमथो बोधिसत्त्वांश्च पञ्चभूतानेतान् गुणांस्त्रीनजहरिगिरिशान् स्थावराञ्जङ्गमांश्च ।सर्वेषां चेतसि स्थो नटयसि सकलं सर्वतो रक्षकोऽसित्वं बीजं चाङ्कुरस्त्वं फलमपि विटपी सर्वदा त्वां नताः स्मः ॥ ४॥

pañcajñānena buddhān sṛjasi svayamatho bodhisattvāṃśca pañcabhūtānetān guṇāṃstrīnajaharigiriśān sthāvarāñjaṅgamāṃśca |sarveṣāṃ cetasi stho naṭayasi sakalaṃ sarvato rakṣako'sitvaṃ bījaṃ cāṅkurastvaṃ phalamapi viṭapī sarvadā tvāṃ natāḥ smaḥ || 4||

श्रेष्ठं क्षत्रं त्वमस्मिन् प्रभवसि भगवान् सर्वतः सर्वदेवान्ग्रामांस्तीर्थानि देशान् नृपसहितनरान् नैगमांश्चापि सर्वान् ।द्वीपेष्वन्येष्वपि त्वं विभजसि सकलं ज्योतिषां संविभागंबीजीभूतैकदीपोऽस्यखिलमपि जगद्वयापकस्त्वां नताः स्मः ॥ ५॥

śreṣṭhaṃ kṣatraṃ tvamasmin prabhavasi bhagavān sarvataḥ sarvadevāngrāmāṃstīrthāni deśān nṛpasahitanarān naigamāṃścāpi sarvān |dvīpeṣvanyeṣvapi tvaṃ vibhajasi sakalaṃ jyotiṣāṃ saṃvibhāgaṃbījībhūtaikadīpo'syakhilamapi jagadvayāpakastvāṃ natāḥ smaḥ || 5||

ज्योतिस्त्वदीयं परितो विसारि सितारुणश्यामकपीतरक्तंदृष्टं ततः सर्वमिदं भवन्तं मन्यामहे त्वां प्रणताः स्म नित्यम् ॥ ६॥

jyotistvadīyaṃ parito visāri sitāruṇaśyāmakapītaraktaṃdṛṣṭaṃ tataḥ sarvamidaṃ bhavantaṃ manyāmahe tvāṃ praṇatāḥ sma nityam || 6||

नुतिं महाराजकृतां ये पठिष्यन्ति मानवाः ।चक्रवर्तिपदं प्राप्य ते हि मुक्तिमवाप्नुयुः ॥ ७॥

nutiṃ mahārājakṛtāṃ ye paṭhiṣyanti mānavāḥ |cakravartipadaṃ prāpya te hi muktimavāpnuyuḥ || 7||

इति श्रीचातुर्महाराजकृतं स्वयम्भूस्तवं सम्पूर्णम् ॥

iti śrīcāturmahārājakṛtaṃ svayambhūstavaṃ sampūrṇam ||