परशुरामसहस्रनामस्तोत्रम् Shri Parashurama Sahasranamastotra

श्रीगणेशाय नमः ।पुरा दाशरथी रामः कृतोद्वाहः सबान्धवः ।गच्छन्नयोध्यां राजेन्द्रः पितृमातृसुहृद् वृतः ॥ १॥

śrīgaṇeśāya namaḥ |purā dāśarathī rāmaḥ kṛtodvāhaḥ sabāndhavaḥ |gacchannayodhyāṃ rājendraḥ pitṛmātṛsuhṛd vṛtaḥ || 1||

ददर्श यान्तं मार्गेण क्षत्रियान्तकरं विभुम् ।रामं तं भार्गवं दृष्ट्वाभितस्तुष्टाव राघवः ।रामः श्रीमान्महाविष्णुरिति नाम सहस्रतः ॥ २॥

dadarśa yāntaṃ mārgeṇa kṣatriyāntakaraṃ vibhum |rāmaṃ taṃ bhārgavaṃ dṛṣṭvābhitastuṣṭāva rāghavaḥ |rāmaḥ śrīmānmahāviṣṇuriti nāma sahasrataḥ || 2||

अहं त्वत्तः परं राम विचरामि स्वलीलया ।इत्युक्तवन्तमभ्यर्च्य प्रणिपत्य कृताञ्जलिः ॥ ३॥

ahaṃ tvattaḥ paraṃ rāma vicarāmi svalīlayā |ityuktavantamabhyarcya praṇipatya kṛtāñjaliḥ || 3||

श्रीराघव उवाचयन्नामग्रहणाज्जन्तुः प्राप्नुयात्र भवापदम् ।यस्य पादार्चनात्सिद्धिः स्वेप्सितां नौमि भार्गवम् ॥ ४॥

śrīrāghava uvācayannāmagrahaṇājjantuḥ prāpnuyātra bhavāpadam |yasya pādārcanātsiddhiḥ svepsitāṃ naumi bhārgavam || 4||

निःस्पृहो यः सदा देवो भूम्यां वसति माधवः ।आत्मबोधोदधिं स्वच्छं योगिनं नौमि भार्गवम् ॥ ५॥

niḥspṛho yaḥ sadā devo bhūmyāṃ vasati mādhavaḥ |ātmabodhodadhiṃ svacchaṃ yoginaṃ naumi bhārgavam || 5||

यस्मादेतज्जगत्सर्वं जायते यत्र लीलया ।स्थितिं प्राप्नोति देवेशं जामदग्न्यं नमाम्यहम् ॥ ६॥

yasmādetajjagatsarvaṃ jāyate yatra līlayā |sthitiṃ prāpnoti deveśaṃ jāmadagnyaṃ namāmyaham || 6||

यस्य भ्रू भङ्गमात्रेण ब्रह्माद्याः सकलाः सुराः ।शतवारं भवन्यत्र भवन्ति न भवन्ति च ॥ ७॥

yasya bhrū bhaṅgamātreṇa brahmādyāḥ sakalāḥ surāḥ |śatavāraṃ bhavanyatra bhavanti na bhavanti ca || 7||

तप उग्रं चचारादौ यमुद्दिश्य च रेणुका ।आद्या शक्तिर्महादेवी रामं तं प्रणमाम्यहम् ॥ ८॥

tapa ugraṃ cacārādau yamuddiśya ca reṇukā |ādyā śaktirmahādevī rāmaṃ taṃ praṇamāmyaham || 8||

॥ अथ विनियोगः ॥ॐ अस्य श्रीजामदग्न्यसहस्रनामस्तोत्रमहामन्त्रस्य श्रीराम ऋषिः ।जामदग्न्यः परमात्मा देवता ।अनुष्टुप् छन्दः । श्रीमदविनाशरामप्रीत्यर्थंचतुर्विधपुरुषार्थसिद्ध्यर्थं जपे विनियोगः ॥॥ अथ करन्यासः ॥ॐ ह्रां गोविन्दात्मने अङ्गुष्ठाभ्यां नमः ।ॐ ह्रीं महीधरात्मने तर्जनीभ्यां नमः ।ॐ ह्रूं हृषीकेशात्मने मध्यमाभ्यां नमः ।ॐ ह्रैं त्रिविक्रमात्मने अनामिकाभ्यां नमः ।ॐ ह्रौं विष्णवात्मने कनिष्ठिकाभ्यां नमः ।ॐ ह्रः माधवात्मने करतलकरपृष्ठाभ्यां नमः ॥॥ अथ हृदयन्यासः ॥ॐ ह्रां गोविन्दात्मने हृदयाय नमः ।ॐ ह्रीं महीधरात्मने शिरसे स्वाहा ।ॐ ह्रूं हृषीकेशात्मने शिखायै वषट् ।ॐ ह्रैं त्रिविक्रमात्मने कवचाय हुम् ।ॐ ह्रौं विष्णवात्मने नेत्रत्रयाय वौषट् ।ॐ ह्रः माधवात्मने अस्त्राय फट् ।॥ अथ ध्यानम् ॥शुद्धजाम्बूनदनिभं ब्रह्मविष्णुशिवात्मकम् ।सर्वाभरणसंयुक्तं कृष्णाजिनधरं विभुम् ॥ ९॥

|| atha viniyogaḥ ||oṃ asya śrījāmadagnyasahasranāmastotramahāmantrasya śrīrāma ṛṣiḥ |jāmadagnyaḥ paramātmā devatā |anuṣṭup chandaḥ | śrīmadavināśarāmaprītyarthaṃcaturvidhapuruṣārthasiddhyarthaṃ jape viniyogaḥ |||| atha karanyāsaḥ ||oṃ hrāṃ govindātmane aṅguṣṭhābhyāṃ namaḥ |oṃ hrīṃ mahīdharātmane tarjanībhyāṃ namaḥ |oṃ hrūṃ hṛṣīkeśātmane madhyamābhyāṃ namaḥ |oṃ hraiṃ trivikramātmane anāmikābhyāṃ namaḥ |oṃ hrauṃ viṣṇavātmane kaniṣṭhikābhyāṃ namaḥ |oṃ hraḥ mādhavātmane karatalakarapṛṣṭhābhyāṃ namaḥ |||| atha hṛdayanyāsaḥ ||oṃ hrāṃ govindātmane hṛdayāya namaḥ |oṃ hrīṃ mahīdharātmane śirase svāhā |oṃ hrūṃ hṛṣīkeśātmane śikhāyai vaṣaṭ |oṃ hraiṃ trivikramātmane kavacāya hum |oṃ hrauṃ viṣṇavātmane netratrayāya vauṣaṭ |oṃ hraḥ mādhavātmane astrāya phaṭ ||| atha dhyānam ||śuddhajāmbūnadanibhaṃ brahmaviṣṇuśivātmakam |sarvābharaṇasaṃyuktaṃ kṛṣṇājinadharaṃ vibhum || 9||

बाणचापौ च परशुमभयं च चतुर्भुजैः ।प्रकोष्ठशोभि रुद्राक्षैर्दधानं भृगुनन्दनम् ॥ १०॥

bāṇacāpau ca paraśumabhayaṃ ca caturbhujaiḥ |prakoṣṭhaśobhi rudrākṣairdadhānaṃ bhṛgunandanam || 10||

हेमयज्ञोपवीतं च स्निग्धस्मितमुखाम्बुजम् ।दर्भाञ्चितकरं देवं क्षत्रियक्षयदीक्षितम् ॥ ११॥

hemayajñopavītaṃ ca snigdhasmitamukhāmbujam |darbhāñcitakaraṃ devaṃ kṣatriyakṣayadīkṣitam || 11||

श्रीवत्सवक्षसं रामं ध्यायेद्वै ब्रह्मचारिणम् ।हृत्पुण्डरीकमध्यस्थं सनकाद्यैरभिष्टुतम् ॥ १२॥

śrīvatsavakṣasaṃ rāmaṃ dhyāyedvai brahmacāriṇam |hṛtpuṇḍarīkamadhyasthaṃ sanakādyairabhiṣṭutam || 12||

सहस्रमिव सूर्याणामेकी भूय पुरः स्थितम् ।तपसामिव सन्मूर्तिं भृगुवंशतपस्विनम् ॥ १३॥

sahasramiva sūryāṇāmekī bhūya puraḥ sthitam |tapasāmiva sanmūrtiṃ bhṛguvaṃśatapasvinam || 13||

चूडाचुम्बितकङ्कपत्रमभितस्तूणीद्वयं पृष्ठतोभस्मस्निग्धपवित्रलाञ्छनवपुर्धत्ते त्वचं रौरवीम् ।मौञ्ज्या मेखलया नियन्त्रितमधोवासश्च माञ्जिष्ठकम्पाणौ कार्मुकमक्षसूत्रवलयं दण्डं परं पैप्पलम् ॥ १४॥

cūḍācumbitakaṅkapatramabhitastūṇīdvayaṃ pṛṣṭhatobhasmasnigdhapavitralāñchanavapurdhatte tvacaṃ rauravīm |mauñjyā mekhalayā niyantritamadhovāsaśca māñjiṣṭhakampāṇau kārmukamakṣasūtravalayaṃ daṇḍaṃ paraṃ paippalam || 14||

रेणुकाहृदयानन्दं भृगुवंशतपस्विनम् ।क्षत्रियाणामन्तकं पूर्णं जामदग्न्यं नमाम्यहम् ॥ १५॥

reṇukāhṛdayānandaṃ bhṛguvaṃśatapasvinam |kṣatriyāṇāmantakaṃ pūrṇaṃ jāmadagnyaṃ namāmyaham || 15||

अव्यक्तव्यक्तरूपाय निर्गुणाय गुणात्मने ।समस्तजगदाधारमूर्तये ब्रह्मणे नमः ॥ १६॥

avyaktavyaktarūpāya nirguṇāya guṇātmane |samastajagadādhāramūrtaye brahmaṇe namaḥ || 16||

॥ श्रीपरशुराम द्वादश नामानि ॥हरिः परशुधारी च रामश्च भृगुनन्दनः ।एकवीरात्मजोविष्णुर्जामदग्न्यः प्रतापवान् ॥ १७॥

|| śrīparaśurāma dvādaśa nāmāni ||hariḥ paraśudhārī ca rāmaśca bhṛgunandanaḥ |ekavīrātmajoviṣṇurjāmadagnyaḥ pratāpavān || 17||

सह्याद्रिवासी वीरश्च क्षत्रजित्पृथिवीपतिः ।इति द्वादशनामानि भार्गवस्य महात्मनः ।यस्त्रिकाले पठेन्नित्यं सर्वत्र विजयी भवेत् ॥ १८॥

sahyādrivāsī vīraśca kṣatrajitpṛthivīpatiḥ |iti dvādaśanāmāni bhārgavasya mahātmanaḥ |yastrikāle paṭhennityaṃ sarvatra vijayī bhavet || 18||

॥ अथ श्रीपरशुरामसहस्रनामस्तोत्रम् ॥ॐ रामः श्रीमान्महाविष्णुर्भार्गवो जमदग्निजः ।तत्त्वरूपी परं ब्रह्म शाश्वतः सर्वशक्तिधृक् ॥ १॥

|| atha śrīparaśurāmasahasranāmastotram ||oṃ rāmaḥ śrīmānmahāviṣṇurbhārgavo jamadagnijaḥ |tattvarūpī paraṃ brahma śāśvataḥ sarvaśaktidhṛk || 1||

वरेण्यो वरदः सर्वसिद्धिदः कञ्जलोचनः ।राजेन्द्रश्च सदाचारो जामदग्न्यः परात्परः ॥ २॥

vareṇyo varadaḥ sarvasiddhidaḥ kañjalocanaḥ |rājendraśca sadācāro jāmadagnyaḥ parātparaḥ || 2||

परमार्थैकनिरतो जितामित्रो जनार्दनः ।ऋषि प्रवरवन्धश्च दान्तः शत्रुविनाशनः ॥ ३॥

paramārthaikanirato jitāmitro janārdanaḥ |ṛṣi pravaravandhaśca dāntaḥ śatruvināśanaḥ || 3||

सर्वकर्मा पवित्रश्च अदीनो दीनसाधकः ।अभिवाद्यो महावीरस्तपस्वी नियमः प्रियः ॥ ४॥

sarvakarmā pavitraśca adīno dīnasādhakaḥ |abhivādyo mahāvīrastapasvī niyamaḥ priyaḥ || 4||

स्वयम्भूः सर्वरूपश्च सर्वात्मा सर्वदृक्प्रभुः ।ईशानः सर्वदेवादिर्वरीयन्सर्वगोऽच्युतः ॥ ५॥

svayambhūḥ sarvarūpaśca sarvātmā sarvadṛkprabhuḥ |īśānaḥ sarvadevādirvarīyansarvago'cyutaḥ || 5||

सर्वज्ञः सर्ववेदादिः शरण्यः परमेश्वरः ।ज्ञानभाव्योऽपरिच्छेद्यः शुचिर्वाग्मी प्रतापवान् ॥ ६॥

sarvajñaḥ sarvavedādiḥ śaraṇyaḥ parameśvaraḥ |jñānabhāvyo'paricchedyaḥ śucirvāgmī pratāpavān || 6||

जितक्रोधो गुडाकेशो द्युतिमानरिमर्दनः ।रेणुकातनयः साक्षादजितोऽव्यय एव च ॥ ७॥

jitakrodho guḍākeśo dyutimānarimardanaḥ |reṇukātanayaḥ sākṣādajito'vyaya eva ca || 7||

विपुलांसो महोरस्कोऽतीन्द्रो वन्द्यो दयानिधिः ।अनादिर्भगवानिन्द्रः सर्वलोकारिमर्दनः ॥ ८॥

vipulāṃso mahorasko'tīndro vandyo dayānidhiḥ |anādirbhagavānindraḥ sarvalokārimardanaḥ || 8||

सत्यः सत्यव्रतः सत्यसन्धः परमधार्मिकः ।लोकात्मा लोककृल्लोकवन्द्यः सर्वमयो निधिः ॥ ९॥

satyaḥ satyavrataḥ satyasandhaḥ paramadhārmikaḥ |lokātmā lokakṛllokavandyaḥ sarvamayo nidhiḥ || 9||

वश्यो दया सुधीर्गोप्ता दक्षः सर्वैकपावनः ।ब्रह्मण्यो ब्रह्मचारी च ब्रह्म ब्रह्मप्रकाशकः ॥ १०॥

vaśyo dayā sudhīrgoptā dakṣaḥ sarvaikapāvanaḥ |brahmaṇyo brahmacārī ca brahma brahmaprakāśakaḥ || 10||

सुन्दरोऽजिनवासाश्च ब्रह्मसूत्रधरः समः ।सौम्यो महर्षिः शान्तश्च मौञ्जीभृद्दण्डधारकः ॥ ११॥

sundaro'jinavāsāśca brahmasūtradharaḥ samaḥ |saumyo maharṣiḥ śāntaśca mauñjībhṛddaṇḍadhārakaḥ || 11||

कोदण्डी सर्वजित्छत्रदर्पहा पुण्यवर्धनः । वर् सर्वजिच्छत्रुदर्पहाकविर्ब्रह्मर्षि वरदः कमण्डलुधरः कृती ॥ १२॥

kodaṇḍī sarvajitchatradarpahā puṇyavardhanaḥ | var sarvajicchatrudarpahākavirbrahmarṣi varadaḥ kamaṇḍaludharaḥ kṛtī || 12||

महोदारोऽतुलो भाव्यो जितषड्वर्गमण्डलः ।कान्तः पुण्यः सुकीर्तिश्च द्विभुजश्चादि पूरुषः ॥ १३॥

mahodāro'tulo bhāvyo jitaṣaḍvargamaṇḍalaḥ |kāntaḥ puṇyaḥ sukīrtiśca dvibhujaścādi pūruṣaḥ || 13||

अकल्मषो दुराराध्यः सर्वावासः कृतागमः ।वीर्यवान्स्मितभाषी च निवृत्तात्मा पुनर्वसुः ॥ १४॥

akalmaṣo durārādhyaḥ sarvāvāsaḥ kṛtāgamaḥ |vīryavānsmitabhāṣī ca nivṛttātmā punarvasuḥ || 14||

अध्यात्मयोगकुशलः सर्वायुधविशारदः ।यज्ञस्वरूपी यज्ञेशो यज्ञपालः सनातनः ॥ १५॥

adhyātmayogakuśalaḥ sarvāyudhaviśāradaḥ |yajñasvarūpī yajñeśo yajñapālaḥ sanātanaḥ || 15||

घनश्यामः स्मृतिः शूरो जरामरणवर्जितः ।धीरो दान्तः सुरूपश्च सर्वतीर्थमयो विधिः ॥ १६॥ धीरोदात्तः स्वरूपश्च

ghanaśyāmaḥ smṛtiḥ śūro jarāmaraṇavarjitaḥ |dhīro dāntaḥ surūpaśca sarvatīrthamayo vidhiḥ || 16|| dhīrodāttaḥ svarūpaśca

वर्णी वर्णाश्रमगुरुः सर्वजित्पुरुषोऽव्ययः ।शिवशिक्षापरो युक्तः परमात्मा परायणः ॥ १७॥

varṇī varṇāśramaguruḥ sarvajitpuruṣo'vyayaḥ |śivaśikṣāparo yuktaḥ paramātmā parāyaṇaḥ || 17||

प्रमाण रूपो दुर्ज्ञेयः पूर्णः क्रूरः क्रतुर्विभुः ।आनन्दोऽथ गुणश्रेष्ठोऽनन्तदृष्टिर्गुणाकरः ॥ १८॥

pramāṇa rūpo durjñeyaḥ pūrṇaḥ krūraḥ kraturvibhuḥ |ānando'tha guṇaśreṣṭho'nantadṛṣṭirguṇākaraḥ || 18||

धनुर्धरो धनुर्वेदः सच्चिदानन्दविग्रहः ।जनेश्वरो विनीतात्मा महाकायस्तपस्विराट् ॥ १९॥

dhanurdharo dhanurvedaḥ saccidānandavigrahaḥ |janeśvaro vinītātmā mahākāyastapasvirāṭ || 19||

अखिलाद्यो विश्वकर्मा विनीतात्मा विशारदः ।अक्षरः केशवः साक्षी मरीचिः सर्वकामदः ॥ २०॥

akhilādyo viśvakarmā vinītātmā viśāradaḥ |akṣaraḥ keśavaḥ sākṣī marīciḥ sarvakāmadaḥ || 20||

कल्याणः प्रकृति कल्पः सर्वेशः पुरुषोत्तमः ।लोकाध्यक्षो गभीरोऽथ सर्वभक्तवरप्रदः ॥ २१॥

kalyāṇaḥ prakṛti kalpaḥ sarveśaḥ puruṣottamaḥ |lokādhyakṣo gabhīro'tha sarvabhaktavarapradaḥ || 21||

ज्योतिरानन्दरूपश्च वह्नीरक्षय आश्रमी ।भूर्भुवःस्वस्तपोमूर्ती रविः परशुधृक् स्वराट् ॥ २२॥

jyotirānandarūpaśca vahnīrakṣaya āśramī |bhūrbhuvaḥsvastapomūrtī raviḥ paraśudhṛk svarāṭ || 22||

बहुश्रुतः सत्यवादी भ्राजिष्णुः सहनो बलः ।सुखदः कारणं भोक्ता भवबन्ध विमोक्षकृत् ॥ २३॥

bahuśrutaḥ satyavādī bhrājiṣṇuḥ sahano balaḥ |sukhadaḥ kāraṇaṃ bhoktā bhavabandha vimokṣakṛt || 23||

संसारतारको नेता सर्वदुःखविमोक्षकृत् ।देवचूडामणिः कुन्दः सुतपा ब्रह्मवर्धनः ॥ २४॥

saṃsāratārako netā sarvaduḥkhavimokṣakṛt |devacūḍāmaṇiḥ kundaḥ sutapā brahmavardhanaḥ || 24||

नित्यो नियतकल्याणः शुद्धात्माथ पुरातनः ।दुःस्वप्ननाशनो नीतिः किरीटी स्कन्ददर्पहृत् ॥ २५॥

nityo niyatakalyāṇaḥ śuddhātmātha purātanaḥ |duḥsvapnanāśano nītiḥ kirīṭī skandadarpahṛt || 25||

अर्जुनः प्राणहा वीरः सहस्रभुजजिद्धरीः ।क्षत्रियान्तकरः शूरः क्षितिभारकरान्तकृत् ॥ २६॥

arjunaḥ prāṇahā vīraḥ sahasrabhujajiddharīḥ |kṣatriyāntakaraḥ śūraḥ kṣitibhārakarāntakṛt || 26||

परश्वधधरो धन्वी रेणुकावाक्यतत्परः ।वीरहा विषमो वीरः पितृवाक्यपरायणः ॥ २७॥

paraśvadhadharo dhanvī reṇukāvākyatatparaḥ |vīrahā viṣamo vīraḥ pitṛvākyaparāyaṇaḥ || 27||

मातृप्राणद ईशश्च धर्मतत्त्वविशारदः ।पितृक्रोधहरः क्रोधः सप्तजिह्वसमप्रभः ॥ २८॥

mātṛprāṇada īśaśca dharmatattvaviśāradaḥ |pitṛkrodhaharaḥ krodhaḥ saptajihvasamaprabhaḥ || 28||

स्वभावभद्रः शत्रुघ्नः स्थाणुः शम्भुश्च केशवः ।स्थविष्ठः स्थविरो बालः सूक्ष्मो लक्ष्यद्युतिर्महान् ॥ २९॥

svabhāvabhadraḥ śatrughnaḥ sthāṇuḥ śambhuśca keśavaḥ |sthaviṣṭhaḥ sthaviro bālaḥ sūkṣmo lakṣyadyutirmahān || 29||

ब्रह्मचारी विनीतात्मा रुद्राक्षवलयः सुधीः ।अक्षकर्णः सहस्रांशुर्दीप्तः कैवल्यतत्परः ॥ ३०॥

brahmacārī vinītātmā rudrākṣavalayaḥ sudhīḥ |akṣakarṇaḥ sahasrāṃśurdīptaḥ kaivalyatatparaḥ || 30||

आदित्यः कालरुद्रश्च कालचक्रप्रवर्तकः ।कवची कुण्डली खड्गी चक्री भीमपराक्रमः ॥ ३१॥

ādityaḥ kālarudraśca kālacakrapravartakaḥ |kavacī kuṇḍalī khaḍgī cakrī bhīmaparākramaḥ || 31||

मृत्युञ्जयो वीर सिंहो जगदात्मा जगद्गुरुः ।अमृत्युर्जन्मरहितः कालज्ञानी महापटुः ॥ ३२॥

mṛtyuñjayo vīra siṃho jagadātmā jagadguruḥ |amṛtyurjanmarahitaḥ kālajñānī mahāpaṭuḥ || 32||