परशुरामस्तोत्रम् ३ Shri Parashurama Stotram

श्रीपरशुराममन्त्रो यथा मन्त्रमहार्णवे प्रतिपादितःॐ राँ राँ ॐ राँ राँ ॐ परशुहस्ताय नमः इति मूलमन्त्रः ।अथ परशुरामगायत्रीमन्त्रस्तत्रैव यथाॐ जामदग्न्याय विद्महे महावीराय धीमहि ।तन्नः परशुराम प्रचोदयात् इति ।अथ अङ्गन्यासः ।ॐ जामदग्न्याय हृदयाय नमः ।ॐ विद्महे शिरसे स्वाहा ।ॐ महावीराय शिखायै वषट् ।ॐ धीमहि कवचाय हुं ।ॐ तन्नः परशुरामो नेत्रत्रयाय वौषट् ।ॐ प्रचोदयादस्त्राय फट् ।इति षडङ्गन्यासः ॥अथ करन्यासः ।ॐ जामदग्न्याय अङ्गुष्ठाभ्यां नमः ।ॐ विद्महे तर्जनीभ्यां नमः ।ॐ महावीराय मध्यमाभ्यां नमः ।ॐ धीमहि अनामिकाभ्यां नमः ।ॐ तन्नः परशुरामो कनिष्ठिकाभ्यां नमः ।ॐ प्रचोदयात् करतलकरपृष्ठाभ्यां नमः ॥ध्यानम्सम्पूर्णा विलसन्ति सोपनिषदो वेदोपवेदो पुरःपृष्ठे मार्गणपूर्णतूणविलसत्कोदण्डदण्डो महान् ।बर्हिष्टोमकमण्डलू च परशु पाण्योर्वहन् शास्त्रवित्शापे शास्त्रवरे च पेषलकरः श्रीभार्गवो भ्राजते ॥ १॥

śrīparaśurāmamantro yathā mantramahārṇave pratipāditaḥoṃ rām̐ rām̐ oṃ rām̐ rām̐ oṃ paraśuhastāya namaḥ iti mūlamantraḥ |atha paraśurāmagāyatrīmantrastatraiva yathāoṃ jāmadagnyāya vidmahe mahāvīrāya dhīmahi |tannaḥ paraśurāma pracodayāt iti |atha aṅganyāsaḥ |oṃ jāmadagnyāya hṛdayāya namaḥ |oṃ vidmahe śirase svāhā |oṃ mahāvīrāya śikhāyai vaṣaṭ |oṃ dhīmahi kavacāya huṃ |oṃ tannaḥ paraśurāmo netratrayāya vauṣaṭ |oṃ pracodayādastrāya phaṭ |iti ṣaḍaṅganyāsaḥ ||atha karanyāsaḥ |oṃ jāmadagnyāya aṅguṣṭhābhyāṃ namaḥ |oṃ vidmahe tarjanībhyāṃ namaḥ |oṃ mahāvīrāya madhyamābhyāṃ namaḥ |oṃ dhīmahi anāmikābhyāṃ namaḥ |oṃ tannaḥ paraśurāmo kaniṣṭhikābhyāṃ namaḥ |oṃ pracodayāt karatalakarapṛṣṭhābhyāṃ namaḥ ||dhyānamsampūrṇā vilasanti sopaniṣado vedopavedo puraḥpṛṣṭhe mārgaṇapūrṇatūṇavilasatkodaṇḍadaṇḍo mahān |barhiṣṭomakamaṇḍalū ca paraśu pāṇyorvahan śāstravitśāpe śāstravare ca peṣalakaraḥ śrībhārgavo bhrājate || 1||

मत्तक्षत्रियकृत्तकण्ठविगलद्रक्तौघसम्प्लावितंभक्ताऽनुग्रहणं कठोरपरशुं धृत्वाऽवतीर्याऽधुना ।दृप्तोद्दण्डदुरीहदुष्टदमनो दीनाऽऽवलीपालकोधर्मोद्धारधुरन्धरो भृगुवरो रामः समुज्जृम्भताम् ॥ २॥

mattakṣatriyakṛttakaṇṭhavigaladraktaughasamplāvitaṃbhaktā'nugrahaṇaṃ kaṭhoraparaśuṃ dhṛtvā'vatīryā'dhunā |dṛptoddaṇḍadurīhaduṣṭadamano dīnā''valīpālakodharmoddhāradhurandharo bhṛguvaro rāmaḥ samujjṛmbhatām || 2||

श्रीमद्रेणुकया धृतं स्वजठरे भूभारनाशाय यत्श्रीमद्भार्गवजामदग्न्यमतुलं रामाभिधानं महः ।दृप्यत्पार्थिववृन्दकाननललज्ज्वालाढ्यवैश्वानरश्चण्डीप्राणपतिप्रियस्य परशोरादायि तत्संस्तुमः ॥ ३॥

śrīmadreṇukayā dhṛtaṃ svajaṭhare bhūbhāranāśāya yatśrīmadbhārgavajāmadagnyamatulaṃ rāmābhidhānaṃ mahaḥ |dṛpyatpārthivavṛndakānanalalajjvālāḍhyavaiśvānaraścaṇḍīprāṇapatipriyasya paraśorādāyi tatsaṃstumaḥ || 3||

लक्ष्मीपतेरुरसि रोषकषायिताक्षःपादप्रहारमकरोन्मुनिपुङ्गवो यः ।ब्रह्मर्षिवृन्दपरिचुम्बितपादपद्मःस श्रीभृगुर्जयति विप्रकुलप्रकाशः ॥ ४॥

lakṣmīpaterurasi roṣakaṣāyitākṣaḥpādaprahāramakaronmunipuṅgavo yaḥ |brahmarṣivṛndaparicumbitapādapadmaḥsa śrībhṛgurjayati viprakulaprakāśaḥ || 4||

श्रीमानुदारचरितो जयतादजस्रंब्रह्मर्षिसोमजमदग्निरिति प्रसिद्धः ।दृप्यन्नृपान्तकरणं तनयं प्रसूययेनाऽखिलं जगदिदं परितो व्यरक्षि ॥ ५॥

śrīmānudāracarito jayatādajasraṃbrahmarṣisomajamadagniriti prasiddhaḥ |dṛpyannṛpāntakaraṇaṃ tanayaṃ prasūyayenā'khilaṃ jagadidaṃ parito vyarakṣi || 5||

सम्पूर्णभूमिगतवीरमहीगतानामन्यायमाश्रितवतां प्रमदोद्धतानाम् ।सा कालरात्रिरिव नाशकरी समन्तात्श्रीरेणुका भगवती विजयाय भूयात् ॥ ६॥

sampūrṇabhūmigatavīramahīgatānāmanyāyamāśritavatāṃ pramadoddhatānām |sā kālarātririva nāśakarī samantātśrīreṇukā bhagavatī vijayāya bhūyāt || 6||

देवेन येन ततमस्ति समस्तमेतद्विश्वं स्वशक्तिखचितं स्वविलासरूपम् ।तं त्वां महर्षिगणपूजितपादपद्मंसर्वात्मना भृगुवरं शरणं भजामः ॥ ७॥

devena yena tatamasti samastametadviśvaṃ svaśaktikhacitaṃ svavilāsarūpam |taṃ tvāṃ maharṣigaṇapūjitapādapadmaṃsarvātmanā bhṛguvaraṃ śaraṇaṃ bhajāmaḥ || 7||

धर्मद्विषां नियमनाय गृहीतदीक्षम्श्रीरेणुकाभगवतीजठरात्प्रसूतम् ।श्रीभार्गवस्य जमदग्निमुनेः सुपुत्रंरामं लसत्परशुपाणितलं नमामः ॥ ८॥

dharmadviṣāṃ niyamanāya gṛhītadīkṣamśrīreṇukābhagavatījaṭharātprasūtam |śrībhārgavasya jamadagnimuneḥ suputraṃrāmaṃ lasatparaśupāṇitalaṃ namāmaḥ || 8||

स्फूर्जन्मदोद्धतनृपावलिकाननाऽऽलीर्दग्ध्वा महीसुरगणान्परिरक्ष्य बन्धून् ।त्रातं भुवस्तलमिदं भवता समस्तंसम्प्राप्य खण्डपरशोः परशुं प्रसन्नात् ॥ ९॥

sphūrjanmadoddhatanṛpāvalikānanā''līrdagdhvā mahīsuragaṇānparirakṣya bandhūn |trātaṃ bhuvastalamidaṃ bhavatā samastaṃsamprāpya khaṇḍaparaśoḥ paraśuṃ prasannāt || 9||

लोकत्रयाऽतुलपराक्रमजन्मभूमेःशीर्षं निकृत्य कृतवीर्यसुताऽर्जुनस्य ।त्रिःसप्तवारमकरोर्वसुधां समस्तांनिःक्षत्रियां स्वपितृतर्पणकामनायाः ॥ १०॥

lokatrayā'tulaparākramajanmabhūmeḥśīrṣaṃ nikṛtya kṛtavīryasutā'rjunasya |triḥsaptavāramakarorvasudhāṃ samastāṃniḥkṣatriyāṃ svapitṛtarpaṇakāmanāyāḥ || 10||

दुर्नीतपार्थिवकदम्बनिकृत्तशीर्षग्रावद्रवद्रुधिरसिद्धधुनीजलौघैः ।आकण्ठतो निजपितॄन्परितर्प्य पश्चात्प्रादाद् धरां वसुमतीं किल कश्यपाय ॥ ११॥

durnītapārthivakadambanikṛttaśīrṣagrāvadravadrudhirasiddhadhunījalaughaiḥ |ākaṇṭhato nijapitṝnparitarpya paścātprādād dharāṃ vasumatīṃ kila kaśyapāya || 11||

पाणौ विलोक्य परशुं भगवंस्त्वदीयेस्त्रीवेषभाग्दशरथोऽपि पलायितोऽभूत् ।यः स्वासनार्धमुपवेश्य पुरन्दरेणसम्मानितोऽभवदमोघबलेन शश्वत् ॥ १२॥

pāṇau vilokya paraśuṃ bhagavaṃstvadīyestrīveṣabhāgdaśaratho'pi palāyito'bhūt |yaḥ svāsanārdhamupaveśya purandareṇasammānito'bhavadamoghabalena śaśvat || 12||

श्रीराम ! भार्गव ! भवच्चरणारविन्दमूलं शरण्यमधुना वयमागताः स्मः ।कारुण्यपूर्णसुदृशा किल नोऽनुगृह्यशक्तिं निजामनयनाशकरीं प्रदेहि ॥ १३॥

śrīrāma ! bhārgava ! bhavaccaraṇāravindamūlaṃ śaraṇyamadhunā vayamāgatāḥ smaḥ |kāruṇyapūrṇasudṛśā kila no'nugṛhyaśaktiṃ nijāmanayanāśakarīṃ pradehi || 13||

वाक्चातुरी चलति नो चतुराननस्ययच्छिक्तवर्णनविधौ खलु तत्र केयम् ।अस्माकमल्पविदुषां नृगिरा वराकीशक्ता भवेत्तदपि नाथ! वरं प्रदेहि ॥ १४॥

vākcāturī calati no caturānanasyayacchiktavarṇanavidhau khalu tatra keyam |asmākamalpaviduṣāṃ nṛgirā varākīśaktā bhavettadapi nātha! varaṃ pradehi || 14||

वीरश्रीजामदग्न्यस्य पुण्यं स्तोत्रमिदं नराः ।पठन्त्यनन्यमनसो येऽर्थबोधपुरस्सरम् ॥ १५॥

vīraśrījāmadagnyasya puṇyaṃ stotramidaṃ narāḥ |paṭhantyananyamanaso ye'rthabodhapurassaram || 15||

दुःशासनान्तकरणी भीमा धर्मप्रबोधिनी ।तेषां करगता शक्तिश्चकास्त्येव न संशयः ॥ १६॥

duḥśāsanāntakaraṇī bhīmā dharmaprabodhinī |teṣāṃ karagatā śaktiścakāstyeva na saṃśayaḥ || 16||

अङ्काष्टनन्दपृथिवीमितवैक्रमाब्देवैशाख शुक्ल गिरिजादिवसे ग्रहेशे ।मार्तण्डतीर्थभवने जमदग्निपुत्रस्तोत्रं व्यधायि विदुषाऽमृत्वाग्भवेन ॥ १७॥

aṅkāṣṭanandapṛthivīmitavaikramābdevaiśākha śukla girijādivase graheśe |mārtaṇḍatīrthabhavane jamadagniputrastotraṃ vyadhāyi viduṣā'mṛtvāgbhavena || 17||

इति श्रीसर्वतन्त्रस्वतन्त्र महामहिम आचार्यश्रीमदमृतवाग्भवप्रणीतं श्री परशुरामस्तोत्रं सम्पूर्णम् ।विधिन्यासपूर्वकजपाद् ब्रह्मतेजप्राप्तिर्भवतीति मे मतिः ।तन्त्रोक्त चमत्कारिक मन्त्र ध्यानम्सात्विकं श्वेतवर्णं च भस्मोद्धूलितविग्रहंअग्रिहोत्रस्थलासीनं नानामुनिगणावृतम् ।कम्बासनमारूढं स्वर्णतारकुशाङ्गुलिंश्वेतवस्त्रद्वयोपेतं जुह्वन्तं राममाश्रये ॥ॐ अस्य मन्त्रस्य भारद्वाज ऋषिः, गायत्री छन्दः,श्रीपरशुरामो देवता मनोकामना प्राप्तये जपे विनियोगः ।मन्त्रःॐ ब्रह्मक्षेत्राय विद्महे क्षत्रियान्ताय धिमहि तन्नो रामः प्रचोदयात् ।(इति)

iti śrīsarvatantrasvatantra mahāmahima ācāryaśrīmadamṛtavāgbhavapraṇītaṃ śrī paraśurāmastotraṃ sampūrṇam |vidhinyāsapūrvakajapād brahmatejaprāptirbhavatīti me matiḥ |tantrokta camatkārika mantra dhyānamsātvikaṃ śvetavarṇaṃ ca bhasmoddhūlitavigrahaṃagrihotrasthalāsīnaṃ nānāmunigaṇāvṛtam |kambāsanamārūḍhaṃ svarṇatārakuśāṅguliṃśvetavastradvayopetaṃ juhvantaṃ rāmamāśraye ||oṃ asya mantrasya bhāradvāja ṛṣiḥ, gāyatrī chandaḥ,śrīparaśurāmo devatā manokāmanā prāptaye jape viniyogaḥ |mantraḥoṃ brahmakṣetrāya vidmahe kṣatriyāntāya dhimahi tanno rāmaḥ pracodayāt |(iti)