नृसिंहाष्टोत्तरशतनामस्तोत्रम् २ Shri Nrisinha Ashtottarashatanama Stotram 2

॥ श्रीः ॥। रुद्राद्या ऊचुः ।ॐ नमो नारसिंहाय तीक्ष्णदंष्ट्राय ते नमः ।नमो वज्रनखायैव विष्णवे जिष्णवे नमः ॥ १॥

|| śrīḥ ||| rudrādyā ūcuḥ |oṃ namo nārasiṃhāya tīkṣṇadaṃṣṭrāya te namaḥ |namo vajranakhāyaiva viṣṇave jiṣṇave namaḥ || 1||

सर्वबीजाय सत्याय सर्वचैतन्यरूपिणे ।सर्वाधाराय सर्वस्मै सर्वगाय नमो नमः ॥ २॥

sarvabījāya satyāya sarvacaitanyarūpiṇe |sarvādhārāya sarvasmai sarvagāya namo namaḥ || 2||

विश्वस्मै विश्ववन्द्याय विरिञ्चिजनकाय च ।वागीश्वराय वेद्याय वेधसे वेदमौलये ॥ ३॥

viśvasmai viśvavandyāya viriñcijanakāya ca |vāgīśvarāya vedyāya vedhase vedamaulaye || 3||

नमो रुद्राय भद्राय मङ्गलाय महात्मने ।करुणाय तुरीयाय शिवाय परमात्मने ॥ ४॥

namo rudrāya bhadrāya maṅgalāya mahātmane |karuṇāya turīyāya śivāya paramātmane || 4||

हिरण्यकशिपुप्राणहरणाय नमो नमः ।प्र्ह्लादध्यायमानाय प्रह्लादार्तिहराय च ॥ ५॥

hiraṇyakaśipuprāṇaharaṇāya namo namaḥ |prhlādadhyāyamānāya prahlādārtiharāya ca || 5||

प्रह्लादस्थिरसाम्राज्यदायकाय नमो नमः ।दैत्यवक्षोविदलनव्यग्रवज्रनखाय च ॥ ६॥

prahlādasthirasāmrājyadāyakāya namo namaḥ |daityavakṣovidalanavyagravajranakhāya ca || 6||

आन्त्रमालाविभूषाय महारौद्राय ते नमः ।नम उग्राय वीराय ज्वलते भीषणाय च ॥ ७॥

āntramālāvibhūṣāya mahāraudrāya te namaḥ |nama ugrāya vīrāya jvalate bhīṣaṇāya ca || 7||

सर्वतोमुखदुर्वारतेजोविक्रमशालिने ।नरसिंहाय रौद्राय नमस्ते मृत्युमृत्यवे ॥ ८॥

sarvatomukhadurvāratejovikramaśāline |narasiṃhāya raudrāya namaste mṛtyumṛtyave || 8||

मत्स्याद्यनन्तकल्याणलीलावैभवकारिणे ।नमो व्यूहचतुष्काय दिव्यार्चारूपधारिणे ॥ ९॥

matsyādyanantakalyāṇalīlāvaibhavakāriṇe |namo vyūhacatuṣkāya divyārcārūpadhāriṇe || 9||

परस्मै पाञ्चजन्यादिपञ्चदिव्यायुधाय च ।त्रिसाम्ने च त्रिधाम्ने च त्रिगुणातीतमूर्तये ॥ १०॥

parasmai pāñcajanyādipañcadivyāyudhāya ca |trisāmne ca tridhāmne ca triguṇātītamūrtaye || 10||

योगारूढाय लक्ष्याय मायातीताय मायिने ।मन्त्रराजाय दुर्दोषशमनायेष्टदाय च ॥ ११॥

yogārūḍhāya lakṣyāya māyātītāya māyine |mantrarājāya durdoṣaśamanāyeṣṭadāya ca || 11||

नमः किरीटहारादिदिव्याभरणधारिणे ।सर्वालङ्कारयुक्ताय लक्ष्मीलोलाय ते नमः ॥ १२॥

namaḥ kirīṭahārādidivyābharaṇadhāriṇe |sarvālaṅkārayuktāya lakṣmīlolāya te namaḥ || 12||

आकण्ठहरिरूपाय चाकण्ठनररूपिणे ।चित्राय चित्ररूपाय जगच्चित्रतराय च ॥ १३॥

ākaṇṭhaharirūpāya cākaṇṭhanararūpiṇe |citrāya citrarūpāya jagaccitratarāya ca || 13||

सर्ववेदान्तसिद्धान्तसारसत्तमयाय च ।सर्वमन्त्राधिदेवाय स्तम्भडिम्भाय शम्भवे ॥ १४॥

sarvavedāntasiddhāntasārasattamayāya ca |sarvamantrādhidevāya stambhaḍimbhāya śambhave || 14||

नमोऽस्त्वनन्तकल्याणगुणरत्नाकराय च ।भगवच्छब्दवाच्याय वागतीताय ते नमः ॥ १५॥

namo'stvanantakalyāṇaguṇaratnākarāya ca |bhagavacchabdavācyāya vāgatītāya te namaḥ || 15||

कालरूपाय कल्याय सर्वज्ञायाघहारिणे ।गुरवे सर्वसत्कर्मफलदाय नमो नमः ॥ १६॥

kālarūpāya kalyāya sarvajñāyāghahāriṇe |gurave sarvasatkarmaphaladāya namo namaḥ || 16||

अशेषदोषदूराय सुवर्णायात्मदर्शिने ।वैकुण्ठपदनाथाय नमो नारायणाय च ॥ १७॥

aśeṣadoṣadūrāya suvarṇāyātmadarśine |vaikuṇṭhapadanāthāya namo nārāyaṇāya ca || 17||

केशवादिचतुर्विंशत्यवतारस्वरूपिणे ।जीवेशाय स्वतन्त्राय मृगेन्द्राय नमो नमः ॥ १८॥

keśavādicaturviṃśatyavatārasvarūpiṇe |jīveśāya svatantrāya mṛgendrāya namo namaḥ || 18||

बर्ह्मराक्षसभूतादिनानाभयविनाशिने ।अखण्डानन्दरूपाय नमस्ते मन्त्रमूर्तये ॥ १९॥

barhmarākṣasabhūtādinānābhayavināśine |akhaṇḍānandarūpāya namaste mantramūrtaye || 19||

सिद्धये सिद्धिबीजाय सर्वदेवात्मकाय च ।सर्वप्रपञ्चजन्मादिनिमित्ताय नमो नमः ॥ २०॥

siddhaye siddhibījāya sarvadevātmakāya ca |sarvaprapañcajanmādinimittāya namo namaḥ || 20||

शङ्कराय शरण्याय नमस्ते शास्त्रयोनये ।ज्योतिषे जीवरूपाय निर्भेदाय नमो नमः ॥ २१॥

śaṅkarāya śaraṇyāya namaste śāstrayonaye |jyotiṣe jīvarūpāya nirbhedāya namo namaḥ || 21||

नित्यभागवताराध्य सत्यलीलाविभूतये ।नरकेसरिताव्यक्तसदसन्मयमूर्तये ॥ २२॥

nityabhāgavatārādhya satyalīlāvibhūtaye |narakesaritāvyaktasadasanmayamūrtaye || 22||

सत्तामात्रस्वरूपाय स्वाधिष्ठानात्मकाय च ।संशयग्रन्थिभेदाय सम्यग्ज्ञानस्वरूपिणे ॥ २३॥

sattāmātrasvarūpāya svādhiṣṭhānātmakāya ca |saṃśayagranthibhedāya samyagjñānasvarūpiṇe || 23||

सर्वोत्तमोत्तमेशाय पुराणपुरुषाय च ।पुरुषोत्तमरूपाय साष्टाङ्गं प्रणतोऽस्म्यहम् ॥ २४॥

sarvottamottameśāya purāṇapuruṣāya ca |puruṣottamarūpāya sāṣṭāṅgaṃ praṇato'smyaham || 24||

नाम्नामष्टोत्तरशतं श्रीनृसिंहस्य यः पटेत् ।सर्वपापविनिर्मुक्तः सर्वेष्टार्थानवाप्नुयात् ॥ २५॥

nāmnāmaṣṭottaraśataṃ śrīnṛsiṃhasya yaḥ paṭet |sarvapāpavinirmuktaḥ sarveṣṭārthānavāpnuyāt || 25||

॥ इति श्रीब्रह्माण्डपुराणे नृसिंहाष्टोत्तरशतनामस्तोत्रं सम्पूर्णम् ॥

|| iti śrībrahmāṇḍapurāṇe nṛsiṃhāṣṭottaraśatanāmastotraṃ sampūrṇam ||