बगलापञ्जरस्तोत्रम् अथवा पीताम्बरापञ्जरस्तोत्रम् Shribagalapanjarastotram

सूत उवाचसहस्रादित्यसङ्काशं शिवं साम्बं सनातनम् ।प्रणम्य नारदः प्राह विनम्रो नतकन्धरः ॥ १॥

sūta uvācasahasrādityasaṅkāśaṃ śivaṃ sāmbaṃ sanātanam |praṇamya nāradaḥ prāha vinamro natakandharaḥ || 1||

श्रीनारद उवाचभगवन् साम्ब तत्त्वज्ञ सर्वदुःखापहारक ।श्रीमत्पीताम्बरादेव्याः पञ्जरं पुण्यदं सताम् ॥ २॥

śrīnārada uvācabhagavan sāmba tattvajña sarvaduḥkhāpahāraka |śrīmatpītāmbarādevyāḥ pañjaraṃ puṇyadaṃ satām || 2||

प्रकाशय विभो नाथ कृपां कृत्वा ममोपरि ।यद्यहं तव पादाब्जधूलिधूसरितोऽभवत् ॥ ३॥

prakāśaya vibho nātha kṛpāṃ kṛtvā mamopari |yadyahaṃ tava pādābjadhūlidhūsarito'bhavat || 3||

विनियोगःअस्य श्रीमद्बगलामुखी पीताम्बरा पञ्जररूपस्तोत्रमन्त्रस्यभगवान् नारदऋषिः\, अनुष्टुप्छन्दः\,जगद्वश्यकरी श्रीपीताम्बरा बगलामुखी देवता\,ह्लीं बीजं\, स्वाहा शक्तिः\, क्लीं कीलकं\,मम विपक्षपरसैन्यमन्त्रतन्त्रयन्त्रादिकृत्यक्षयार्थंश्रीमत्पीताम्बरा बगलामुखी देवताप्रीत्यर्थे च जपे विनियोगः ॥ऋष्यादि न्यासःभगवान् नारदऋषये नमः शिरसि ।अनुष्टुप्छन्दसे नमः मुखे ।जगद्वश्यकरी श्रीपीताम्बरा बगलामुखी देवतायै नमः हृदये ।ह्लीं बीजाय नमः दक्षिणस्तने स्वाहा । शक्त्यै नमः वामस्तने ।क्लीं कीलकाय नमः नाभौ ।मम विपक्षपरसैन्यमन्त्रतन्त्रयन्त्रादिकृत्यक्षयार्थंश्रीमत्पीताम्बरा बगलादेव्याः प्रीतये जपे विनियोगः ।करसम्पुटेन करमूलेन करशुद्धिः ।ह्लामिति षट्दीर्घेण षडङ्गः । मूलेन व्यापकन्यासं कुर्यात् ॥करन्यासःह्लां अङ्गुष्ठाभ्यां नमः ।ह्लीं तर्जनीभ्यां स्वाहा ।ह्लूं मध्यमाभ्यां वषट् ।ह्लैं अनामिकाभ्यां हुम् ।ह्लौं कनिष्ठिकाभ्यां वौषट् ।ह्लः करतलकरपृष्ठाभ्यां फट् ॥अङ्गन्यासःह्लां हृदयाय नमः ।ह्लीं शिरसे स्वाहा ।ह्लूं शिखायै वषट् ।ह्लैं कवचाय हुम् ।ह्लौ नेत्रत्रयाय वौषट् ।ह्लः अस्त्राय फट् ॥व्यापकन्यासःॐ ह्लीं अङ्गुष्ठाभ्यां नमः ।ॐ बगलामुखी तर्जनीभ्यां स्वाहा ।ॐ सर्वदुष्टानां मध्यमाभ्यां वषट् ।ॐ वाचं मुखं पदं स्तम्भय अनामिकाभ्यां हुम् ।ॐ जिह्वां कीलय कनिष्ठिकाभ्यां वौषट् ।ॐ बुद्धिं विनाशय ह्लीं ॐ स्वाहा करतलकरपृष्ठाभ्यां फट् ॥अङ्गन्यासःॐ ह्लीं हृदयाय नमः ।ॐ बगलामुखि शिरसे स्वाहा ।ॐ सर्वदुष्टानां शिखायै वषट् ।ॐ वाचं मुखं पदं स्तम्भय कवचाय हुम् ।ॐ जिह्वां कीलय नेत्रत्रयाय वौषट् ।ॐ बुद्धिं विनाशय ह्लीं ॐ स्वाहा\, अस्त्राय फट् ॥ध्यानम्मध्ये सुधाब्धिमणिमण्डपरत्नवेद्यां वर् मणिमण्डितरत्नवेद्यांसिंहासनोपरिगतां परिपीतवर्णाम् ।पीताम्बराभरणमाल्यविभूषिताङ्गींदेवीं स्मरामि धृतमुद्गरवैरिजिह्वाम् ॥ वर् नमामिइति ध्यात्वा मनसा सम्पूज्य\, योनिमुद्रां एवं मुद्गरमुद्रां प्रदर्शय\,ऋष्यादिन्यासं कृत्वा\, पञ्जरं न्यस्येत्त् ।श्रीपीताम्बरायै नमः लं पृथिव्यात्मकं गन्धं परिकल्पयामि ।श्रीपीताम्बरायै नमः हं आकाशात्मकं पुष्पं परिकल्पयामि ।श्रीपीताम्बरायै नमः यं वायव्यात्मकं धूपं परिकल्पयामि ।श्रीपीताम्बरायै नमः वं अमृतात्मकं नैवेद्यं परिकल्पयामि ॥अथ पञ्जरस्तोत्रम् ।श्रीशिव उवाचपञ्जरं तत्प्रवक्ष्यामि देव्याः पापप्रणाशनम् ।यं प्रविश्य च बाधन्ते बाणैरपि नराः क्वचित् ॥ १॥

viniyogaḥasya śrīmadbagalāmukhī pītāmbarā pañjararūpastotramantrasyabhagavān nāradaṛṣiḥ\, anuṣṭupchandaḥ\,jagadvaśyakarī śrīpītāmbarā bagalāmukhī devatā\,hlīṃ bījaṃ\, svāhā śaktiḥ\, klīṃ kīlakaṃ\,mama vipakṣaparasainyamantratantrayantrādikṛtyakṣayārthaṃśrīmatpītāmbarā bagalāmukhī devatāprītyarthe ca jape viniyogaḥ ||ṛṣyādi nyāsaḥbhagavān nāradaṛṣaye namaḥ śirasi |anuṣṭupchandase namaḥ mukhe |jagadvaśyakarī śrīpītāmbarā bagalāmukhī devatāyai namaḥ hṛdaye |hlīṃ bījāya namaḥ dakṣiṇastane svāhā | śaktyai namaḥ vāmastane |klīṃ kīlakāya namaḥ nābhau |mama vipakṣaparasainyamantratantrayantrādikṛtyakṣayārthaṃśrīmatpītāmbarā bagalādevyāḥ prītaye jape viniyogaḥ |karasampuṭena karamūlena karaśuddhiḥ |hlāmiti ṣaṭdīrgheṇa ṣaḍaṅgaḥ | mūlena vyāpakanyāsaṃ kuryāt ||karanyāsaḥhlāṃ aṅguṣṭhābhyāṃ namaḥ |hlīṃ tarjanībhyāṃ svāhā |hlūṃ madhyamābhyāṃ vaṣaṭ |hlaiṃ anāmikābhyāṃ hum |hlauṃ kaniṣṭhikābhyāṃ vauṣaṭ |hlaḥ karatalakarapṛṣṭhābhyāṃ phaṭ ||aṅganyāsaḥhlāṃ hṛdayāya namaḥ |hlīṃ śirase svāhā |hlūṃ śikhāyai vaṣaṭ |hlaiṃ kavacāya hum |hlau netratrayāya vauṣaṭ |hlaḥ astrāya phaṭ ||vyāpakanyāsaḥoṃ hlīṃ aṅguṣṭhābhyāṃ namaḥ |oṃ bagalāmukhī tarjanībhyāṃ svāhā |oṃ sarvaduṣṭānāṃ madhyamābhyāṃ vaṣaṭ |oṃ vācaṃ mukhaṃ padaṃ stambhaya anāmikābhyāṃ hum |oṃ jihvāṃ kīlaya kaniṣṭhikābhyāṃ vauṣaṭ |oṃ buddhiṃ vināśaya hlīṃ oṃ svāhā karatalakarapṛṣṭhābhyāṃ phaṭ ||aṅganyāsaḥoṃ hlīṃ hṛdayāya namaḥ |oṃ bagalāmukhi śirase svāhā |oṃ sarvaduṣṭānāṃ śikhāyai vaṣaṭ |oṃ vācaṃ mukhaṃ padaṃ stambhaya kavacāya hum |oṃ jihvāṃ kīlaya netratrayāya vauṣaṭ |oṃ buddhiṃ vināśaya hlīṃ oṃ svāhā\, astrāya phaṭ ||dhyānammadhye sudhābdhimaṇimaṇḍaparatnavedyāṃ var maṇimaṇḍitaratnavedyāṃsiṃhāsanoparigatāṃ paripītavarṇām |pītāmbarābharaṇamālyavibhūṣitāṅgīṃdevīṃ smarāmi dhṛtamudgaravairijihvām || var namāmiiti dhyātvā manasā sampūjya\, yonimudrāṃ evaṃ mudgaramudrāṃ pradarśaya\,ṛṣyādinyāsaṃ kṛtvā\, pañjaraṃ nyasyett |śrīpītāmbarāyai namaḥ laṃ pṛthivyātmakaṃ gandhaṃ parikalpayāmi |śrīpītāmbarāyai namaḥ haṃ ākāśātmakaṃ puṣpaṃ parikalpayāmi |śrīpītāmbarāyai namaḥ yaṃ vāyavyātmakaṃ dhūpaṃ parikalpayāmi |śrīpītāmbarāyai namaḥ vaṃ amṛtātmakaṃ naivedyaṃ parikalpayāmi ||atha pañjarastotram |śrīśiva uvācapañjaraṃ tatpravakṣyāmi devyāḥ pāpapraṇāśanam |yaṃ praviśya ca bādhante bāṇairapi narāḥ kvacit || 1||

ॐ ऐं ह्लीं श्रीं श्रीमत्पीताम्बरादेवी बगला बुद्धिवर्द्धिनी ।पातु मामनिशं साक्षात् सहस्रार्कसमद्युतिः ॥ २॥

oṃ aiṃ hlīṃ śrīṃ śrīmatpītāmbarādevī bagalā buddhivarddhinī |pātu māmaniśaṃ sākṣāt sahasrārkasamadyutiḥ || 2||

ॐ ऐं ह्लीं श्रीं शिखादिपादपर्यन्तं वज्रपञ्जरधारिणी ।ब्रह्मास्त्रसंज्ञा या देवी पीताम्बराविभूषिता ॥ ३॥

oṃ aiṃ hlīṃ śrīṃ śikhādipādaparyantaṃ vajrapañjaradhāriṇī |brahmāstrasaṃjñā yā devī pītāmbarāvibhūṣitā || 3||

ॐ ऐं ह्लीं श्रीं श्रीबगला ह्यवत्वत्र चोर्ध्वभागं महेश्वरी ।कामाङ्कुशा कला पातु बगला शास्त्रबोधिनी ॥ ४॥

oṃ aiṃ hlīṃ śrīṃ śrībagalā hyavatvatra cordhvabhāgaṃ maheśvarī |kāmāṅkuśā kalā pātu bagalā śāstrabodhinī || 4||

ॐ ऐं ह्लीं श्रीं पीताम्बरा सहस्राक्षा ललाटं कामितार्थदा ।पातु मां बगला नित्यं पीताम्बरसुधारिणी ॥ ५॥

oṃ aiṃ hlīṃ śrīṃ pītāmbarā sahasrākṣā lalāṭaṃ kāmitārthadā |pātu māṃ bagalā nityaṃ pītāmbarasudhāriṇī || 5||

ॐ ऐं ह्लीं श्रीं कर्णयोश्चैव युगपदातिरत्नप्रपूजिता ।पातु मां बगलादेवी नासिकां मे गुणाकरा ॥ ६॥

oṃ aiṃ hlīṃ śrīṃ karṇayoścaiva yugapadātiratnaprapūjitā |pātu māṃ bagalādevī nāsikāṃ me guṇākarā || 6||

ॐ ऐं ह्लीं श्रीं पीतपुष्पैः पीतवस्त्रैः पूजिता वेददायिनी ।पातु मां बगला नित्यं ब्रह्मविष्ण्वादिसेविता ॥ ७॥

oṃ aiṃ hlīṃ śrīṃ pītapuṣpaiḥ pītavastraiḥ pūjitā vedadāyinī |pātu māṃ bagalā nityaṃ brahmaviṣṇvādisevitā || 7||

ॐ ऐं ह्लीं श्रीं पीताम्बरा प्रसन्नास्या नेत्रयोर्युगपद्भ्रुवौ ।पातु मां बगला नित्यं बलदा पीतवस्त्रधृक् ॥ ८॥ वर् बलिदा

oṃ aiṃ hlīṃ śrīṃ pītāmbarā prasannāsyā netrayoryugapadbhruvau |pātu māṃ bagalā nityaṃ baladā pītavastradhṛk || 8|| var balidā

ॐ ऐं ह्लीं श्रीं अधरोष्ठौ तथा दन्तान् जिह्वां च मुखगां मम ।पातु मां बगलादेवी पीताम्बरसुधारिणी ॥ ९॥

oṃ aiṃ hlīṃ śrīṃ adharoṣṭhau tathā dantān jihvāṃ ca mukhagāṃ mama |pātu māṃ bagalādevī pītāmbarasudhāriṇī || 9||

ॐ ऐं ह्लीं श्रीं गले हस्ते तथा बाह्वोः युगपद्बुद्धिदासताम् ।पातु मां बगलादेवी दिव्यस्रगनुलेपना ॥ १०॥

oṃ aiṃ hlīṃ śrīṃ gale haste tathā bāhvoḥ yugapadbuddhidāsatām |pātu māṃ bagalādevī divyasraganulepanā || 10||

ॐ ऐं ह्लीं श्रीं हृदये च स्तने नाभौ करावपि कृशोदरी ।पातु मां बगला नित्यं पीतवस्त्रघनावृता ॥ ११॥

oṃ aiṃ hlīṃ śrīṃ hṛdaye ca stane nābhau karāvapi kṛśodarī |pātu māṃ bagalā nityaṃ pītavastraghanāvṛtā || 11||

जङ्घायां च तथा चोर्वोर्गुल्फयोश्चातिवेगिनी ।अनुक्तमपि यत्स्थानं त्वक्केशनखलोमकम् ॥ १२॥

jaṅghāyāṃ ca tathā corvorgulphayoścātiveginī |anuktamapi yatsthānaṃ tvakkeśanakhalomakam || 12||

असृङ्मांसं तथास्थीनी सन्धयश्चापि मे परा ।ताः सर्वा बगलादेवी रक्षेन्मे च मनोहरा ॥ १३॥

asṛṅmāṃsaṃ tathāsthīnī sandhayaścāpi me parā |tāḥ sarvā bagalādevī rakṣenme ca manoharā || 13||

फलश्रुतिः ।इत्येतद्वरदं गोप्यं कलावपि विशेषतः ।पञ्जरं बगलादेव्याः घोरदारिद्र्यनाशनम् ।पञ्जरं यः पठेद्भक्त्या स विघ्नैर्नाभिभूतये ॥ १४॥

phalaśrutiḥ |ityetadvaradaṃ gopyaṃ kalāvapi viśeṣataḥ |pañjaraṃ bagalādevyāḥ ghoradāridryanāśanam |pañjaraṃ yaḥ paṭhedbhaktyā sa vighnairnābhibhūtaye || 14||

अव्याहतगतिश्चास्य ब्रह्मविष्ण्वादिसत्पुरे ।स्वर्गे मर्त्ये च पाताले नारयस्तं कदाचन ॥ १५॥

avyāhatagatiścāsya brahmaviṣṇvādisatpure |svarge martye ca pātāle nārayastaṃ kadācana || 15||

न बाधन्ते नरव्याघ्रं पञ्जरस्थं कदाचन ।अतो भक्तैः कौलिकैश्च स्वरक्षार्थं सदैव हि ॥ १६॥

na bādhante naravyāghraṃ pañjarasthaṃ kadācana |ato bhaktaiḥ kaulikaiśca svarakṣārthaṃ sadaiva hi || 16||

पठनीयं प्रयत्नेन सर्वानर्थविनाशनम् ।महादारिद्र्यशमनं सर्वमाङ्गल्यवर्धनम् ॥ १७॥

paṭhanīyaṃ prayatnena sarvānarthavināśanam |mahādāridryaśamanaṃ sarvamāṅgalyavardhanam || 17||

विद्याविनयसत्सौख्यं महासिद्धिकरं परम् ।इदं ब्रह्मास्त्रविद्यायाः पञ्जरं साधु गोपितम् ॥ १८॥

vidyāvinayasatsaukhyaṃ mahāsiddhikaraṃ param |idaṃ brahmāstravidyāyāḥ pañjaraṃ sādhu gopitam || 18||

पठेत्स्मरेद्ध्यानसंस्थः स जयेन्मरणं नरः ।यः पञ्जरं प्रविश्यैव मन्त्रं जपति वै भुवि ॥ १९॥

paṭhetsmareddhyānasaṃsthaḥ sa jayenmaraṇaṃ naraḥ |yaḥ pañjaraṃ praviśyaiva mantraṃ japati vai bhuvi || 19||

कौलिकोऽकौलिको वापि व्यासवद्विचरेद्भुवि ।चन्द्रसूर्यसमो भूत्वा वसेत्कल्पायुतं दिवि ॥ २०॥

kauliko'kauliko vāpi vyāsavadvicaredbhuvi |candrasūryasamo bhūtvā vasetkalpāyutaṃ divi || 20||

श्रीसूत उवाचइति कथितमशेषं श्रेयसामादिबीजम् ।भवशतदुरितघ्नं ध्वस्तमोहान्धकारम् ।स्मरणमतिशयेन प्राप्तिरेवात्र मर्त्यः ।यदि विशति सदा वै पञ्जरं पण्डितः स्यात् ॥ २१॥

śrīsūta uvācaiti kathitamaśeṣaṃ śreyasāmādibījam |bhavaśataduritaghnaṃ dhvastamohāndhakāram |smaraṇamatiśayena prāptirevātra martyaḥ |yadi viśati sadā vai pañjaraṃ paṇḍitaḥ syāt || 21||

॥ इति परमरहस्यातिरहस्ये श्रीपीताम्बरापञ्जरस्तोत्रं सम्पूर्णम् ॥वज्रपञ्जरकवचस्तोत्रम्

|| iti paramarahasyātirahasye śrīpītāmbarāpañjarastotraṃ sampūrṇam ||vajrapañjarakavacastotram