बगलाष्टोत्तरशतनामस्तोत्रम् ३ Shribagalashtottarashatanamastotram

श्रीदेव्युवाच ।वगला शतनामानि कथ्यन्तां मे कृपानिधे ।यन्नोक्तं अन्यतन्त्रेषु, अधुना कथय प्रभो ॥ १॥

śrīdevyuvāca |vagalā śatanāmāni kathyantāṃ me kṛpānidhe |yannoktaṃ anyatantreṣu, adhunā kathaya prabho || 1||

श्रीईश्वर उवाच ।अस्याः श्रीवगला देव्याः शतनामस्तोत्रस्यश्रीसदाशिवऋषिर्गायत्रीछन्दः श्रीवगलामुखी देवताधर्मार्थकाममोक्षार्थसिद्धये विनियोगः ।ॐ वशिनी वशपूज्या च वलिका वसुदा वसुः ।वाग्वादिनी वयोरूपा बलाबलवती तथा ॥ २॥

śrīīśvara uvāca |asyāḥ śrīvagalā devyāḥ śatanāmastotrasyaśrīsadāśivaṛṣirgāyatrīchandaḥ śrīvagalāmukhī devatādharmārthakāmamokṣārthasiddhaye viniyogaḥ |oṃ vaśinī vaśapūjyā ca valikā vasudā vasuḥ |vāgvādinī vayorūpā balābalavatī tathā || 2||

विषमा विकटा वेधा विशाला विमना विधिः ।विद्या च वेदरूपा च बन्ध्या च वेषधारिणी ॥ ३॥

viṣamā vikaṭā vedhā viśālā vimanā vidhiḥ |vidyā ca vedarūpā ca bandhyā ca veṣadhāriṇī || 3||

वेणी च विकटा वेश्या नानावेषपरिच्छदा ।वयोरूपा च वृद्धा विकला वसुमतीति च ॥ ४॥

veṇī ca vikaṭā veśyā nānāveṣaparicchadā |vayorūpā ca vṛddhā vikalā vasumatīti ca || 4||

वगला वामनी देवी विष्णुपूज्या विनोदिनी ।वैष्णवी शिष्ण माता च वाराही ब्राह्मणी वरा ॥ ५॥

vagalā vāmanī devī viṣṇupūjyā vinodinī |vaiṣṇavī śiṣṇa mātā ca vārāhī brāhmaṇī varā || 5||

वलावलवती वाला विधेश्च परिपूजिता ।विशिष्टा ब्रह्मपूज्या च नानावेषविनोदिनी ॥ ६॥

valāvalavatī vālā vidheśca paripūjitā |viśiṣṭā brahmapūjyā ca nānāveṣavinodinī || 6||

वैकुण्ठरूपिणी ब्राह्मी विधिपूज्या विधुन्तुदा ।वल्लभा वलरूपा च अशेष वलधारिणी ॥ ७॥

vaikuṇṭharūpiṇī brāhmī vidhipūjyā vidhuntudā |vallabhā valarūpā ca aśeṣa valadhāriṇī || 7||

वेदज्ञा वेदमाता च विशाल नयनोज्ज्वला ।वेदमाता विमाता च वेदगर्भा विमोक्षणी ॥ ८॥

vedajñā vedamātā ca viśāla nayanojjvalā |vedamātā vimātā ca vedagarbhā vimokṣaṇī || 8||

विरूपाक्षी वला वाली कृष्णविमलरूपिणी ।वाराही च वलाका च वलिनी वर्णरूपिणी ॥ ९॥

virūpākṣī valā vālī kṛṣṇavimalarūpiṇī |vārāhī ca valākā ca valinī varṇarūpiṇī || 9||

गन्धिनी गन्धरूपा च गयागङ्गाप्रभा तथा ।गोवर्धनी च गोविन्दपूजिता च गदाधरी ॥ १०॥

gandhinī gandharūpā ca gayāgaṅgāprabhā tathā |govardhanī ca govindapūjitā ca gadādharī || 10||

गहना गुह्यरूपा च गोरूपा गोकुलेश्वरी ।गोलोकवासिनी चैव नित्या गोलोकरूपिणी ॥ ११॥

gahanā guhyarūpā ca gorūpā gokuleśvarī |golokavāsinī caiva nityā golokarūpiṇī || 11||

गरिमा च गरिष्ठा नित्या गोवर्धनरूपिणी ।गङ्गाधरी च गोविन्दा गोविन्दपूजिता गदा ॥ १२॥

garimā ca gariṣṭhā nityā govardhanarūpiṇī |gaṅgādharī ca govindā govindapūjitā gadā || 12||

गहना गुह्यरूपा च तथैव गन्धरूपिणी ।गणार्हा गानदागानरूपिणी गण मोहिनी ॥ १३॥

gahanā guhyarūpā ca tathaiva gandharūpiṇī |gaṇārhā gānadāgānarūpiṇī gaṇa mohinī || 13||

नीलमाला मनोन्मत्ता ललजिह्वा ललाटिनी ।आनन्दरूपिणी आद्या आचार्य स्वांशुरूपिणी ॥ १४॥

nīlamālā manonmattā lalajihvā lalāṭinī |ānandarūpiṇī ādyā ācārya svāṃśurūpiṇī || 14||

मूर्तिश्च मुख्यरूपा च महामोक्षप्रदायिनी ।खेलत् खञ्जगामी च खेला खलखला तथा ॥ १५॥

mūrtiśca mukhyarūpā ca mahāmokṣapradāyinī |khelat khañjagāmī ca khelā khalakhalā tathā || 15||

ईश्वरी ईश्वराराध्या अकार ॐ स्वरूपिणी ।वर्णा च वगलामुख्याः शतनाम इतीरितम् ॥ १६॥

īśvarī īśvarārādhyā akāra oṃ svarūpiṇī |varṇā ca vagalāmukhyāḥ śatanāma itīritam || 16||

अष्टोत्तरशतं नाम यः पठेन्नित्यमुत्तमम् ।सर्वसिद्धीश्वरो भूत्वा देवीपुत्रो भवेत्तु सः ॥ १७॥

aṣṭottaraśataṃ nāma yaḥ paṭhennityamuttamam |sarvasiddhīśvaro bhūtvā devīputro bhavettu saḥ || 17||

त्रिसन्ध्यं यः पठेन्नित्यं तस्य सिद्धिः प्रजायते ।नान्यथा फलभागीस्यात् कल्पकोटिशतैरपि ॥ १८॥

trisandhyaṃ yaḥ paṭhennityaṃ tasya siddhiḥ prajāyate |nānyathā phalabhāgīsyāt kalpakoṭiśatairapi || 18||

इति श्रीकालीविलासतन्त्रे षोडशपटले श्रीवगलामुख्याःशतनामस्तोत्रं समाप्तम् ।ॐ तत्सत् ।

iti śrīkālīvilāsatantre ṣoḍaśapaṭale śrīvagalāmukhyāḥśatanāmastotraṃ samāptam |oṃ tatsat |