बगलापञ्जरन्यासस्तोत्रम् Shribagalapanjaranyasastotram

अथ पञ्जरन्यासस्तोत्रम् ।बगला पूर्वतो रक्षेद् आग्नेय्यां च गदाधरी ।पीताम्बरा दक्षिणे च स्तम्भिनी चैव नैरृते ॥ १॥

atha pañjaranyāsastotram |bagalā pūrvato rakṣed āgneyyāṃ ca gadādharī |pītāmbarā dakṣiṇe ca stambhinī caiva nairṛte || 1||

जिह्वाकीलिन्यतो रक्षेत् पश्चिमे सर्वदा हि माम् ।वायव्ये च मदोन्मत्ता कौबेर्यां च त्रिशूलिनी ॥ २॥

jihvākīlinyato rakṣet paścime sarvadā hi mām |vāyavye ca madonmattā kauberyāṃ ca triśūlinī || 2||

ब्रह्मास्त्रदेवता पातु ऐशान्यां सततं मम ।संरक्षेन् मां तु सततं पाताले स्तव्यमातृका ॥ ३॥

brahmāstradevatā pātu aiśānyāṃ satataṃ mama |saṃrakṣen māṃ tu satataṃ pātāle stavyamātṛkā || 3||

ऊर्ध्वं रक्षेन्महादेवी जिह्वास्तम्भनकारिणी ।एवं दशदिशो रक्षेद् बगला सर्वसिद्धिदा ॥ ४॥

ūrdhvaṃ rakṣenmahādevī jihvāstambhanakāriṇī |evaṃ daśadiśo rakṣed bagalā sarvasiddhidā || 4||

एवं न्यासविधिं कृत्वा यत् किञ्चिज्जपमाचरेत् ।तस्याः संस्मरणादेव शत्रूणां स्तम्भनं भवेत् ॥ ५॥

evaṃ nyāsavidhiṃ kṛtvā yat kiñcijjapamācaret |tasyāḥ saṃsmaraṇādeva śatrūṇāṃ stambhanaṃ bhavet || 5||

॥ इति श्रीबगलापञ्जरन्यासस्तोत्रं सम्पूर्णम् ॥

|| iti śrībagalāpañjaranyāsastotraṃ sampūrṇam ||