बगला मुखीस्तोत्रम् Shribagala (valga )mukhistotram

श्रीगणेशाय नमः ।चलत्कनककुण्डलोल्लसितचारुगण्डस्थलींलसत्कनकचम्पकद्युतिमदिन्दुबिम्बाननाम् ।गदाहतविपक्षकां कलितलोलजिह्वांचलांस्मरामि बगलामुखीं विमुखवाङ्मनस्स्तम्भिनीम् ॥ १॥

śrīgaṇeśāya namaḥ |calatkanakakuṇḍalollasitacārugaṇḍasthalīṃlasatkanakacampakadyutimadindubimbānanām |gadāhatavipakṣakāṃ kalitalolajihvāṃcalāṃsmarāmi bagalāmukhīṃ vimukhavāṅmanasstambhinīm || 1||

पीयूषोदधिमध्यचारुविलद्रक्तोत्पले मण्डपेसत्सिंहासनमौलिपातितरिपुं प्रेतासनाध्यासिनीम् ।स्वर्णाभां करपीडितारिरसनां भ्राम्यद्गदां विभ्रतीमित्थंध्यायति यान्ति तस्य सहसा सद्योऽथ सर्वापदः ॥ २॥

pīyūṣodadhimadhyacāruviladraktotpale maṇḍapesatsiṃhāsanamaulipātitaripuṃ pretāsanādhyāsinīm |svarṇābhāṃ karapīḍitārirasanāṃ bhrāmyadgadāṃ vibhratīmitthaṃdhyāyati yānti tasya sahasā sadyo'tha sarvāpadaḥ || 2||

देवि त्वच्चरणाम्बुजार्चनकृते यः पीतपुष्पाञ्जलीन्भक्त्यावामकरे निधाय च मनुं मन्त्री मनोज्ञाक्षरम् ।पीठध्यानपरोऽथ कुम्भकवशाद्बीजं स्मरेत्पार्थिवंतस्यामित्रमुखस्य वाचि हृदये जाड्यं भवेत्तत्क्षणात् ॥ ३॥

devi tvaccaraṇāmbujārcanakṛte yaḥ pītapuṣpāñjalīnbhaktyāvāmakare nidhāya ca manuṃ mantrī manojñākṣaram |pīṭhadhyānaparo'tha kumbhakavaśādbījaṃ smaretpārthivaṃtasyāmitramukhasya vāci hṛdaye jāḍyaṃ bhavettatkṣaṇāt || 3||

वादी मूकति रङ्कति क्षितिपतिर्वैश्वानरः शीतति क्रोधीशाम्यति दुर्जनः सुजनति क्षिप्रानुगः खञ्जति ।गर्वी खर्वति सर्वविच्च जडति त्वन्मन्त्रिणा यन्त्रितःश्रीर्नित्ये बगलामुखि प्रतिदिनं कल्याणि तुभ्यं नमः ॥ ४॥

vādī mūkati raṅkati kṣitipatirvaiśvānaraḥ śītati krodhīśāmyati durjanaḥ sujanati kṣiprānugaḥ khañjati |garvī kharvati sarvavicca jaḍati tvanmantriṇā yantritaḥśrīrnitye bagalāmukhi pratidinaṃ kalyāṇi tubhyaṃ namaḥ || 4||

मन्त्रस्तावदलं विपक्षदलने स्तोत्रं पवित्रं च तेयन्त्रं वादिनियन्त्रणं त्रिजगतां जैत्रं च चित्रं च ते ।मातः श्रीबगलेति नाम ललितं यस्यास्ति जन्तोर्मुखेत्वन्नामग्रहणेन संसदि मुखे स्तम्भो भवेद्वादिनाम् ॥ ५॥

mantrastāvadalaṃ vipakṣadalane stotraṃ pavitraṃ ca teyantraṃ vādiniyantraṇaṃ trijagatāṃ jaitraṃ ca citraṃ ca te |mātaḥ śrībagaleti nāma lalitaṃ yasyāsti jantormukhetvannāmagrahaṇena saṃsadi mukhe stambho bhavedvādinām || 5||

दुष्टस्तम्भनमुग्रविघ्नशमनं दारिद्र्यविद्रावणंभूभृत्सन्दमनं चलन्मृगदृशां चेतःसमाकर्षणम् ।सौभाग्यैकनिकेतनं समदृशः कारुण्यपूर्णेक्षणम्मृत्योर्मारणमाविरस्तु पुरतो मातस्त्वदीयं वपुः ॥ ६॥

duṣṭastambhanamugravighnaśamanaṃ dāridryavidrāvaṇaṃbhūbhṛtsandamanaṃ calanmṛgadṛśāṃ cetaḥsamākarṣaṇam |saubhāgyaikaniketanaṃ samadṛśaḥ kāruṇyapūrṇekṣaṇammṛtyormāraṇamāvirastu purato mātastvadīyaṃ vapuḥ || 6||

मातर्भञ्जय मद्विपक्षवदनं जिह्वां च सङ्कीलयब्राह्मीं मुद्रय दैत्यदेवधिषणामुग्रां गतिं स्तंभय ।शत्रूंश्चूर्णय देवि तीक्ष्णगदया गौराङ्गि पीताम्बरेविघ्नौघं बगले हर प्रणमतां कारुण्यपूर्णेक्षणे ॥ ७॥

mātarbhañjaya madvipakṣavadanaṃ jihvāṃ ca saṅkīlayabrāhmīṃ mudraya daityadevadhiṣaṇāmugrāṃ gatiṃ staṃbhaya |śatrūṃścūrṇaya devi tīkṣṇagadayā gaurāṅgi pītāmbarevighnaughaṃ bagale hara praṇamatāṃ kāruṇyapūrṇekṣaṇe || 7||

मातर्भैरवि भद्रकालि विजये वाराहि विश्वाश्रयेश्रीविद्ये समये महेशि बगले कामेशि वामे रमे ।मातङ्गि त्रिपुरे परात्परतरे स्वर्गापवर्गप्रदेदासोऽहं शरणागतः करुणया विश्वेश्वरि त्राहि माम् ॥ ८॥

mātarbhairavi bhadrakāli vijaye vārāhi viśvāśrayeśrīvidye samaye maheśi bagale kāmeśi vāme rame |mātaṅgi tripure parātparatare svargāpavargapradedāso'haṃ śaraṇāgataḥ karuṇayā viśveśvari trāhi mām || 8||

संरम्भे चौरसङ्घे प्रहरणसमये बन्धने व्याधिमध्येविद्यावादे विवादे प्रकुपितनृपतौ दिव्यकाले निशायाम् ।वश्ये वा स्तम्भने वा रिपुवधसमये निर्जने वा वने वागच्छंस्तिष्ठंस्त्रिकालं यदि पठति शिवं प्राप्नुयादाशु धीरः ॥ ९॥

saṃrambhe caurasaṅghe praharaṇasamaye bandhane vyādhimadhyevidyāvāde vivāde prakupitanṛpatau divyakāle niśāyām |vaśye vā stambhane vā ripuvadhasamaye nirjane vā vane vāgacchaṃstiṣṭhaṃstrikālaṃ yadi paṭhati śivaṃ prāpnuyādāśu dhīraḥ || 9||

त्वं विद्या परमा त्रिलोकजननी विघ्नौघसंछेदिनीयोषित्कर्षणकारिणी जनमनःसम्मोहसन्दायिनी ।स्तम्भोत्सारणकारिणी पशुमनःसम्मोहसन्दायिनीजिह्वाकीलनभैरवी विजयते ब्रह्मादिमन्त्रो यथा ॥ १०॥

tvaṃ vidyā paramā trilokajananī vighnaughasaṃchedinīyoṣitkarṣaṇakāriṇī janamanaḥsammohasandāyinī |stambhotsāraṇakāriṇī paśumanaḥsammohasandāyinījihvākīlanabhairavī vijayate brahmādimantro yathā || 10||

विद्या लक्ष्मीर्नित्यसौभाग्यमायुः पुत्रैः पौत्रैः सर्वसाम्राज्यसिद्धिः ।मानो भोगो वश्यमारोग्यसौख्यं प्राप्तं तत्तद्भूतलेऽस्मिन्नरेण ॥ ११॥

vidyā lakṣmīrnityasaubhāgyamāyuḥ putraiḥ pautraiḥ sarvasāmrājyasiddhiḥ |māno bhogo vaśyamārogyasaukhyaṃ prāptaṃ tattadbhūtale'sminnareṇa || 11||

त्वत्कृते जपसन्नाहं गदितं परमेश्वरि ।दुष्टानां निग्रहार्थाय तद्गृहाण नमोऽस्तु ते ॥ १२॥

tvatkṛte japasannāhaṃ gaditaṃ parameśvari |duṣṭānāṃ nigrahārthāya tadgṛhāṇa namo'stu te || 12||

पीताम्बरां च द्विभुजां त्रिनेत्रां गात्रकोमलाम् ।शिलामुद्गरहस्तां च स्मरे तां बगलामुखीम् ॥ १३॥

pītāmbarāṃ ca dvibhujāṃ trinetrāṃ gātrakomalām |śilāmudgarahastāṃ ca smare tāṃ bagalāmukhīm || 13||

ब्रह्मास्त्रमिति विख्यातं त्रिषु लोकेषु विश्रुतम् ।गुरुभक्ताय दातव्यं न देयं यस्य कस्यचित् ॥ १४॥

brahmāstramiti vikhyātaṃ triṣu lokeṣu viśrutam |gurubhaktāya dātavyaṃ na deyaṃ yasya kasyacit || 14||

नित्यं स्तोत्रमिदं पवित्रमिह यो देव्याः पठत्यादराद्धृत्वायन्त्रमिदं तथैव समरे बाहौ करे वा गले ।राजानोऽप्यरयो मदान्धकरिणः सर्पा मृगेन्द्रादिकास्तेवै यान्ति विमोहिता रिपुगणा लक्ष्मीः स्थिरा सिद्धयः ॥ १५॥

nityaṃ stotramidaṃ pavitramiha yo devyāḥ paṭhatyādarāddhṛtvāyantramidaṃ tathaiva samare bāhau kare vā gale |rājāno'pyarayo madāndhakariṇaḥ sarpā mṛgendrādikāstevai yānti vimohitā ripugaṇā lakṣmīḥ sthirā siddhayaḥ || 15||

॥ इति श्रीरुद्रयामले तन्त्रे श्रीबगलामुखीस्तोत्रं समाप्तम् ॥

|| iti śrīrudrayāmale tantre śrībagalāmukhīstotraṃ samāptam ||