similar Shri Rajarajeshvari Mantramatrika Shtavah

श्रीराजराजेश्वरीतर्पणस्तोत्रम् (विद्यार्चनपद्धतौ)ॐ श्रीगणेशाय नमः ।कल्याणायुतपूर्णचन्द्रवदनां प्राणेश्वरानन्दिनींपूर्णां पूर्णतरां परेशमहिषीं पूर्णामृतास्वादिनीम् ।सम्पूर्णां परमोत्तमामृतकलां विद्यावतीं भारतींश्रीचक्रप्रियबिन्दुतर्पणपरां श्रीराजराजेश्वरीम् ॥ १॥

śrīrājarājeśvarītarpaṇastotram (vidyārcanapaddhatau)oṃ śrīgaṇeśāya namaḥ |kalyāṇāyutapūrṇacandravadanāṃ prāṇeśvarānandinīṃpūrṇāṃ pūrṇatarāṃ pareśamahiṣīṃ pūrṇāmṛtāsvādinīm |sampūrṇāṃ paramottamāmṛtakalāṃ vidyāvatīṃ bhāratīṃśrīcakrapriyabindutarpaṇaparāṃ śrīrājarājeśvarīm || 1||

एकारादिसमस्तवर्णविविधाकारैकचिद्रूपिणींचैतन्यात्मकचक्रराजनिलयां चन्द्रान्तसञ्चारिणीम् ।भावाभावविभाविनीं भवपरां सद्भक्तिचिन्तामणिंश्रीचक्रप्रियबिन्दुतर्पणपरां श्रीराजराजेश्वरीम् ॥ २॥

ekārādisamastavarṇavividhākāraikacidrūpiṇīṃcaitanyātmakacakrarājanilayāṃ candrāntasañcāriṇīm |bhāvābhāvavibhāvinīṃ bhavaparāṃ sadbhakticintāmaṇiṃśrīcakrapriyabindutarpaṇaparāṃ śrīrājarājeśvarīm || 2||

ईहाधिक्परयोगिवृन्दविदितां स्वानन्दभूतां परां (ईशाधीश्वरयोगि)पश्यन्तीं तनुमध्यमां विलसिनीं श्रीवैखरीरूपिणीम् ।आत्मानात्मविचारिणीं विवरगां विद्यां त्रिबीजात्मिकांश्रीचक्रप्रियबिन्दुतर्पणपरां श्रीराजराजेश्वरीम् ॥ ३॥

īhādhikparayogivṛndaviditāṃ svānandabhūtāṃ parāṃ (īśādhīśvarayogi)paśyantīṃ tanumadhyamāṃ vilasinīṃ śrīvaikharīrūpiṇīm |ātmānātmavicāriṇīṃ vivaragāṃ vidyāṃ tribījātmikāṃśrīcakrapriyabindutarpaṇaparāṃ śrīrājarājeśvarīm || 3||

लक्ष्यालक्ष्यनिरीक्षणां निरूपमां रुद्राक्षमालाधरांत्र्यक्षार्धाकृतिदक्षवंशकलिकां दीर्घाक्षिदीर्घस्वराम् ।भद्रां भद्रवरप्रदां भगवतीं भद्रेश्वरीं मुद्रिणींश्रीचक्रप्रियबिन्दुतर्पणपरां श्रीराजराजेश्वरीम् ॥ ४॥

lakṣyālakṣyanirīkṣaṇāṃ nirūpamāṃ rudrākṣamālādharāṃtryakṣārdhākṛtidakṣavaṃśakalikāṃ dīrghākṣidīrghasvarām |bhadrāṃ bhadravarapradāṃ bhagavatīṃ bhadreśvarīṃ mudriṇīṃśrīcakrapriyabindutarpaṇaparāṃ śrīrājarājeśvarīm || 4||

ह्रींबीजागतनादबिन्दुभरितामोङ्कारनादात्मिकांब्रह्मानन्दघनोदरीं गुणवतीं ज्ञानेश्वरीं ज्ञानदाम् ।ज्ञानेच्छाकृतिनीं महीं गतवतीं गन्धर्वसंसेवितांश्रीचक्रप्रियबिन्दुतर्पणपरां श्रीराजराजेश्वरीम् ॥ ५॥

hrīṃbījāgatanādabindubharitāmoṅkāranādātmikāṃbrahmānandaghanodarīṃ guṇavatīṃ jñāneśvarīṃ jñānadām |jñānecchākṛtinīṃ mahīṃ gatavatīṃ gandharvasaṃsevitāṃśrīcakrapriyabindutarpaṇaparāṃ śrīrājarājeśvarīm || 5||

हर्षोन्मत्तसुवर्णपात्रभरितां पीनोन्नताघूर्णितां (?)हुंकारप्रियशब्दजालनिरतां सारस्वतोल्लासिनीम् ।सारासारविचारचारुचतुरां वर्णाश्रमाकारिणींश्रीचक्रप्रियबिन्दुतर्पणपरां श्रीराजराजेश्वरीम् ॥ ६॥

harṣonmattasuvarṇapātrabharitāṃ pīnonnatāghūrṇitāṃ (?)huṃkārapriyaśabdajālaniratāṃ sārasvatollāsinīm |sārāsāravicāracārucaturāṃ varṇāśramākāriṇīṃśrīcakrapriyabindutarpaṇaparāṃ śrīrājarājeśvarīm || 6||

सर्वेशाङ्गविहारिणीं सकरुणां सन्नादिनीं नादिनींसंयोगप्रियरूपिणीं प्रियवतीं प्रीतां प्रतापोन्नताम् ।सर्वान्तर्गतिशालिनीं शिवतनूसन्दीपिनीं दीपिनीं (सर्वान्तरगत)श्रीचक्रप्रियबिन्दुतर्पणपरां श्रीराजराजेश्वरीम् ॥ ७॥

sarveśāṅgavihāriṇīṃ sakaruṇāṃ sannādinīṃ nādinīṃsaṃyogapriyarūpiṇīṃ priyavatīṃ prītāṃ pratāponnatām |sarvāntargatiśālinīṃ śivatanūsandīpinīṃ dīpinīṃ (sarvāntaragata)śrīcakrapriyabindutarpaṇaparāṃ śrīrājarājeśvarīm || 7||

कर्माकर्मविवर्जितां कुलवतीं कर्मप्रदां कौलिनींकारुण्याम्बुधिसर्वकामनिरतां सिन्धुप्रियोल्लासिनीम् ।पञ्चब्रह्मसनातनासनगतां गेयां सुयोगान्वितांश्रीचक्रप्रियबिन्दुतर्पणपरां श्रीराजराजेश्वरीम् ॥ ८॥

karmākarmavivarjitāṃ kulavatīṃ karmapradāṃ kaulinīṃkāruṇyāmbudhisarvakāmaniratāṃ sindhupriyollāsinīm |pañcabrahmasanātanāsanagatāṃ geyāṃ suyogānvitāṃśrīcakrapriyabindutarpaṇaparāṃ śrīrājarājeśvarīm || 8||

हस्त्युत्कुम्भनिभस्तनद्वितयतः पीनोन्नतादानतांहाराद्याभरणां सुरेन्द्रविनुतां शृङ्गारपीठालयाम् ।योन्याकारकयोनिमुद्रितकरां नित्यां नवार्णात्मिकांश्रीचक्रप्रियबिन्दुतर्पणपरां श्रीराजराजेश्वरीम् ॥ ९॥

hastyutkumbhanibhastanadvitayataḥ pīnonnatādānatāṃhārādyābharaṇāṃ surendravinutāṃ śṛṅgārapīṭhālayām |yonyākārakayonimudritakarāṃ nityāṃ navārṇātmikāṃśrīcakrapriyabindutarpaṇaparāṃ śrīrājarājeśvarīm || 9||

लक्ष्मीलक्षणपूर्णभक्तवरदां लीलाविनोदस्थितांलाक्षारञ्चितपादपद्मयुगलां ब्रह्मेन्द्रसंसेविताम् । (रञ्जित)लोकालोकितलोककामजननीं लोकाश्रयाङ्कस्थितांश्रीचक्रप्रियबिन्दुतर्पणपरां श्रीराजराजेश्वरीम् ॥ १०॥

lakṣmīlakṣaṇapūrṇabhaktavaradāṃ līlāvinodasthitāṃlākṣārañcitapādapadmayugalāṃ brahmendrasaṃsevitām | (rañjita)lokālokitalokakāmajananīṃ lokāśrayāṅkasthitāṃśrīcakrapriyabindutarpaṇaparāṃ śrīrājarājeśvarīm || 10||

ह्रींकाराश्रितशङ्करप्रियतनुं श्रीयोगपीठेश्वरींमाङ्गल्यायुतपङ्कजाभनयनां माङ्गल्यसिद्धिप्रदाम् ।तारुण्येन विशेषिताङ्गसुमहालावण्यसंशोभितांश्रीचक्रप्रियबिन्दुतर्पणपरां श्रीराजराजेश्वरीम् ॥ ११॥

hrīṃkārāśritaśaṅkarapriyatanuṃ śrīyogapīṭheśvarīṃmāṅgalyāyutapaṅkajābhanayanāṃ māṅgalyasiddhipradām |tāruṇyena viśeṣitāṅgasumahālāvaṇyasaṃśobhitāṃśrīcakrapriyabindutarpaṇaparāṃ śrīrājarājeśvarīm || 11||

सर्वज्ञानकलावतीं सकरुणां सर्वेश्वरीं सर्वगांसत्यां सर्वमयीं सहस्रदलजां सत्त्वार्णवोपस्थिताम् ।सङ्गासङ्गविवर्जितां सुखकरीं बालार्ककोटिप्रभांश्रीचक्रप्रियबिन्दुतर्पणपरां श्रीराजराजेश्वरीम् ॥ १२॥

sarvajñānakalāvatīṃ sakaruṇāṃ sarveśvarīṃ sarvagāṃsatyāṃ sarvamayīṃ sahasradalajāṃ sattvārṇavopasthitām |saṅgāsaṅgavivarjitāṃ sukhakarīṃ bālārkakoṭiprabhāṃśrīcakrapriyabindutarpaṇaparāṃ śrīrājarājeśvarīm || 12||

कादिक्षान्तसुवर्णबिन्दुसुतनुं सर्वाङ्गसंशोभितांनानावर्णविचित्रचित्रचरितां चातुर्यचिन्तामणिम् ।चित्तानन्दविधायिनीं सुचपलां कूटत्रयाकारिणींश्रीचक्रप्रियबिन्दुतर्पणपरां श्रीराजराजेश्वरीम् ॥ १३॥

kādikṣāntasuvarṇabindusutanuṃ sarvāṅgasaṃśobhitāṃnānāvarṇavicitracitracaritāṃ cāturyacintāmaṇim |cittānandavidhāyinīṃ sucapalāṃ kūṭatrayākāriṇīṃśrīcakrapriyabindutarpaṇaparāṃ śrīrājarājeśvarīm || 13||

लक्ष्मीशानविधीन्द्रचन्द्रमकुटाद्यष्टाङ्गपीठाश्रितांसूर्येन्द्वग्निमयैकपीठनिलयां त्रिस्थां त्रिकोणेश्वरीम् ।गोप्त्रीं गर्वनिगर्वितां गगनगां गङ्गागणेशप्रियांश्रीचक्रप्रियबिन्दुतर्पणपरां श्रीराजराजेश्वरीम् ॥ १४॥

lakṣmīśānavidhīndracandramakuṭādyaṣṭāṅgapīṭhāśritāṃsūryendvagnimayaikapīṭhanilayāṃ tristhāṃ trikoṇeśvarīm |goptrīṃ garvanigarvitāṃ gaganagāṃ gaṅgāgaṇeśapriyāṃśrīcakrapriyabindutarpaṇaparāṃ śrīrājarājeśvarīm || 14||

ह्रींकूटत्रयरूपिणीं समयिनीं संसारिणीं हंसिनींवामाचारपरायणीं सुकुलजां बीजावतीं मुद्रिणीम् । (वामाराध्यपदाम्बुजां)कामाक्षीं करुणार्द्रचित्तसहितां श्रीं श्रीत्रिमूर्त्यम्बिकांश्रीचक्रप्रियबिन्दुतर्पणपरां श्रीराजराजेश्वरीम् ॥ १५॥

hrīṃkūṭatrayarūpiṇīṃ samayinīṃ saṃsāriṇīṃ haṃsinīṃvāmācāraparāyaṇīṃ sukulajāṃ bījāvatīṃ mudriṇīm | (vāmārādhyapadāmbujāṃ)kāmākṣīṃ karuṇārdracittasahitāṃ śrīṃ śrītrimūrtyambikāṃśrīcakrapriyabindutarpaṇaparāṃ śrīrājarājeśvarīm || 15||

या विद्या शिवकेशवादिजननी या वै जगन्मोहिनीयाब्रह्मादिपिपीलिकान्तजगदानन्दैकसन्दायिनी ।या पञ्चप्रणवद्विरेफनलिनी या चित्कलामालिनीसा पायात्परदेवता भगवती श्रीराजराजेश्वरी ॥ १६॥

yā vidyā śivakeśavādijananī yā vai jaganmohinīyābrahmādipipīlikāntajagadānandaikasandāyinī |yā pañcapraṇavadvirephanalinī yā citkalāmālinīsā pāyātparadevatā bhagavatī śrīrājarājeśvarī || 16||

इति श्रीशाक्तमतसिद्धान्तसंस्थापनवामाचारपरमाचर्यवर्यवावदूकविद्वच्छङ्करानन्दविराजितःश्रीराजराजेश्वरीमातृकामन्त्रस्तवः सम्पूर्णः ॥

iti śrīśāktamatasiddhāntasaṃsthāpanavāmācāraparamācaryavaryavāvadūkavidvacchaṅkarānandavirājitaḥśrīrājarājeśvarīmātṛkāmantrastavaḥ sampūrṇaḥ ||