मातङ्गीशतनामस्तोत्रम् १ Shri Matangi Shatanamastotram

श्रीभैरव्युवाचभगवञ्छ्रोतुमिच्छामि मातङ्ग्याः शतनामकम् ।यद्गुह्यं सर्वतन्त्रेषु केनापि न प्रकाशितम् ॥ १॥

śrībhairavyuvācabhagavañchrotumicchāmi mātaṅgyāḥ śatanāmakam |yadguhyaṃ sarvatantreṣu kenāpi na prakāśitam || 1||

भैरव उवाचशृणु देवि प्रवक्ष्यामि रहस्यातिरहस्यकम् ।नाख्येयं यत्र कुत्रापि पठनीयं परात्परम् ॥ २॥

bhairava uvācaśṛṇu devi pravakṣyāmi rahasyātirahasyakam |nākhyeyaṃ yatra kutrāpi paṭhanīyaṃ parātparam || 2||

यस्यैकवारपठनात्सर्वे विघ्ना उपद्रवाः ।नश्यन्ति तत्क्षणाद्देवि वह्निना तूलराशिवत् ॥ ३॥

yasyaikavārapaṭhanātsarve vighnā upadravāḥ |naśyanti tatkṣaṇāddevi vahninā tūlarāśivat || 3||

प्रसन्ना जायते देवी मातङ्गी चास्य पाठतः ।सहस्रनामपठने यत्फलं परिकीर्तितम् ।तत्कोटिगुणितं देवीनामाष्टशतकं शुभम् ॥ ४॥

prasannā jāyate devī mātaṅgī cāsya pāṭhataḥ |sahasranāmapaṭhane yatphalaṃ parikīrtitam |tatkoṭiguṇitaṃ devīnāmāṣṭaśatakaṃ śubham || 4||

अस्य श्रीमातङ्गीशतनामस्तोत्रस्य भगवान्मतङ्ग ऋषिःअनुष्टुप् छन्दः मातङ्गी देवता मातङ्गीप्रीतये जपे विनियोगः ।ॐ महामत्तमातङ्गिनी सिद्धिरूपा तथा योगिनी भद्रकाली रमा च ।भवानी भवप्रीतिदा भूतियुक्ता भवाराधिता भूतिसम्पत्करी च ॥ १॥

asya śrīmātaṅgīśatanāmastotrasya bhagavānmataṅga ṛṣiḥanuṣṭup chandaḥ mātaṅgī devatā mātaṅgīprītaye jape viniyogaḥ |oṃ mahāmattamātaṅginī siddhirūpā tathā yoginī bhadrakālī ramā ca |bhavānī bhavaprītidā bhūtiyuktā bhavārādhitā bhūtisampatkarī ca || 1||

धनाधीशमाता धनागारदृष्टिर्धनेशार्चिता धीरवापीवराङ्गी ।प्रकृष्टप्रभारूपिणी कामरूपप्रहृष्टा महाकीर्तिदा कर्णनाली ॥ २॥

dhanādhīśamātā dhanāgāradṛṣṭirdhaneśārcitā dhīravāpīvarāṅgī |prakṛṣṭaprabhārūpiṇī kāmarūpaprahṛṣṭā mahākīrtidā karṇanālī || 2||

कराली भगा घोररूपा भगाङ्गी भगाह्वा भगप्रीतिदा भीमरूपा ।भवानी महाकौशिकी कोशपूर्णा किशोरीकिशोरप्रियानन्द ईहा ॥ ३॥

karālī bhagā ghorarūpā bhagāṅgī bhagāhvā bhagaprītidā bhīmarūpā |bhavānī mahākauśikī kośapūrṇā kiśorīkiśorapriyānanda īhā || 3||

महाकारणाकारणा कर्मशीला कपालिप्रसिद्धा महासिद्खण्डा ।मकारप्रिया मानरूपा महेशी महोल्लासिनीलास्यलीलालयाङ्गी ॥ ४॥

mahākāraṇākāraṇā karmaśīlā kapāliprasiddhā mahāsidkhaṇḍā |makārapriyā mānarūpā maheśī mahollāsinīlāsyalīlālayāṅgī || 4||

क्षमाक्षेमशीला क्षपाकारिणी चाक्षयप्रीतिदा भूतियुक्ता भवानी ।भवाराधिता भूतिसत्यात्मिका च प्रभोद्भासिता भानुभास्वत्करा च ॥ ५॥

kṣamākṣemaśīlā kṣapākāriṇī cākṣayaprītidā bhūtiyuktā bhavānī |bhavārādhitā bhūtisatyātmikā ca prabhodbhāsitā bhānubhāsvatkarā ca || 5||

धराधीशमाता धरागारदृष्टिर्धरेशार्चिता धीवराधीवराङ्गी ।प्रकृष्टप्रभारूपिणी प्राणरूपप्रकृष्टस्वरूपा स्वरूपप्रिया च ॥ ६॥

dharādhīśamātā dharāgāradṛṣṭirdhareśārcitā dhīvarādhīvarāṅgī |prakṛṣṭaprabhārūpiṇī prāṇarūpaprakṛṣṭasvarūpā svarūpapriyā ca || 6||

चलत्कुण्डला कामिनी कान्तयुक्ता कपालाचला कालकोद्धारिणी च ।कदम्बप्रिया कोटरीकोटदेहा क्रमा कीर्तिदा कर्णरूपा च काक्ष्मीः ॥ ७॥

calatkuṇḍalā kāminī kāntayuktā kapālācalā kālakoddhāriṇī ca |kadambapriyā koṭarīkoṭadehā kramā kīrtidā karṇarūpā ca kākṣmīḥ || 7||

क्षमाङ्गी क्षयप्रेमरूपा क्षपा च क्षयाक्षा क्षयाह्वा क्षयप्रान्तरा च ।क्षवत्कामिनी क्षारिणी क्षीरपूर्णा शिवाङ्गी च शाकम्भरी शाकदेहा ॥ ८॥

kṣamāṅgī kṣayapremarūpā kṣapā ca kṣayākṣā kṣayāhvā kṣayaprāntarā ca |kṣavatkāminī kṣāriṇī kṣīrapūrṇā śivāṅgī ca śākambharī śākadehā || 8||

महाशाकयज्ञा फलप्राशका च शकाह्वा शकाह्वाशकाख्या शका च ।शकाक्षान्तरोषा सुरोषा सुरेखा महाशेषयज्ञोपवीतप्रिया च ॥ ९॥

mahāśākayajñā phalaprāśakā ca śakāhvā śakāhvāśakākhyā śakā ca |śakākṣāntaroṣā suroṣā surekhā mahāśeṣayajñopavītapriyā ca || 9||

जयन्ती जया जाग्रतीयोग्यरूपा जयाङ्गा जपध्यानसन्तुष्टसंज्ञा ।जयप्राणरूपा जयस्वर्णदेहा जयज्वालिनी यामिनी याम्यरूपा ॥ १०॥

jayantī jayā jāgratīyogyarūpā jayāṅgā japadhyānasantuṣṭasaṃjñā |jayaprāṇarūpā jayasvarṇadehā jayajvālinī yāminī yāmyarūpā || 10||

जगन्मातृरूपा जगद्रक्षणा च स्वधावौषडन्ता विलम्बाविलम्बा ।षडङ्गा महालम्बरूपासिहस्ता पदाहारिणीहारिणी हारिणी च ॥ ११॥

jaganmātṛrūpā jagadrakṣaṇā ca svadhāvauṣaḍantā vilambāvilambā |ṣaḍaṅgā mahālambarūpāsihastā padāhāriṇīhāriṇī hāriṇī ca || 11||

महामङ्गला मङ्गलप्रेमकीर्तिर्निशुम्भच्छिदा शुम्भदर्पत्वहा च ।तथाऽऽनन्दबीजादिमुक्तस्वरूपा तथा चण्डमुण्डापदामुख्यचण्डा ॥ १२॥

mahāmaṅgalā maṅgalapremakīrtirniśumbhacchidā śumbhadarpatvahā ca |tathā''nandabījādimuktasvarūpā tathā caṇḍamuṇḍāpadāmukhyacaṇḍā || 12||

प्रचण्डाप्रचण्डा महाचण्डवेगा चलच्चामरा चामराचन्द्रकीर्तिः ।सुचामीकराचित्रभूषोज्ज्वलाङ्गी सुसङ्गीतगीता च पायादपायात् ॥ १३॥

pracaṇḍāpracaṇḍā mahācaṇḍavegā calaccāmarā cāmarācandrakīrtiḥ |sucāmīkarācitrabhūṣojjvalāṅgī susaṅgītagītā ca pāyādapāyāt || 13||

इति ते कथितं देवि नाम्नामष्टोत्तरं शतम् ।गोप्यञ्च सर्वतन्त्रेषु गोपनीयञ्च सर्वदा ॥ १४॥

iti te kathitaṃ devi nāmnāmaṣṭottaraṃ śatam |gopyañca sarvatantreṣu gopanīyañca sarvadā || 14||

एतस्य सतताभ्यासात्साक्षाद्देवो महेश्वरः ।त्रिसन्ध्यञ्च महाभक्त्या पठनीयं सुखोदयम् ॥ १५॥

etasya satatābhyāsātsākṣāddevo maheśvaraḥ |trisandhyañca mahābhaktyā paṭhanīyaṃ sukhodayam || 15||

न तस्य दुष्करं किञ्चिज्जायते स्पर्शतः क्षणात् ।स्वकृतं यत्तदेवाप्तं तस्मादावर्तयेत्सदा ॥ १६॥

na tasya duṣkaraṃ kiñcijjāyate sparśataḥ kṣaṇāt |svakṛtaṃ yattadevāptaṃ tasmādāvartayetsadā || 16||

सदैव सन्निधौ तस्य देवी वसति सादरम् ।अयोगा ये तवैवाग्रे सुयोगाश्च भवन्ति वै ॥ १७॥

sadaiva sannidhau tasya devī vasati sādaram |ayogā ye tavaivāgre suyogāśca bhavanti vai || 17||

त एवमित्रभूताश्च भवन्ति तत्प्रसादतः ।विषाणि नोपसर्पन्ति व्याधयो न स्पृशन्ति तान् ॥ १८॥

ta evamitrabhūtāśca bhavanti tatprasādataḥ |viṣāṇi nopasarpanti vyādhayo na spṛśanti tān || 18||

लूताविस्फोटकास्सर्वे शमं यान्ति च तत्क्षणात् ।जरापलितनिर्मुक्तः कल्पजीवी भवेन्नरः ॥ १९॥

lūtāvisphoṭakāssarve śamaṃ yānti ca tatkṣaṇāt |jarāpalitanirmuktaḥ kalpajīvī bhavennaraḥ || 19||

अपि किं बहुनोक्तेन सान्निध्यं फलमाप्नुयात् ।यावन्मया पुरा प्रोक्तं फलं साहस्रनामकम् ।तत्सर्वं लभते मर्त्यो महामायाप्रसादतः ॥ २०॥

api kiṃ bahunoktena sānnidhyaṃ phalamāpnuyāt |yāvanmayā purā proktaṃ phalaṃ sāhasranāmakam |tatsarvaṃ labhate martyo mahāmāyāprasādataḥ || 20||

इति श्रीरुद्रयामले मातङ्गीशतनामस्तोत्रं सम्पूर्णम् ॥

iti śrīrudrayāmale mātaṅgīśatanāmastotraṃ sampūrṇam ||