मातङ्गीस्तोत्रपुष्पाञ्जलिः Shri Matangi Stotra Pushpanjali

अस्ति नानाविधंशस्तं वस्तुनावैणिकेन वः ।अमृताम्बुनिधेर्मध्ये माणिक्य द्वीपमाश्रये ॥ १॥

asti nānāvidhaṃśastaṃ vastunāvaiṇikena vaḥ |amṛtāmbunidhermadhye māṇikya dvīpamāśraye || 1||

सुधातरङ्ग सञ्चारिमारुतस्पर्श शीतलम् ।कल्पद्रुमकदम्बालि पारिजातपटीरकैः ॥ २॥

sudhātaraṅga sañcārimārutasparśa śītalam |kalpadrumakadambāli pārijātapaṭīrakaiḥ || 2||

निवडीकृतमुद्यानं निषेवेनिर्भरोत्सवम् ।तदलसलतोन्मीलत्कुसुमामोद मेदुरम् ॥ ३॥

nivaḍīkṛtamudyānaṃ niṣevenirbharotsavam |tadalasalatonmīlatkusumāmoda meduram || 3||

जागर्ति मानसे मत्केतरुणं नीपकाननम् ।तस्यान्तरालतरलामुक्तमुक्तालताततेः ॥ ४॥

jāgarti mānase matketaruṇaṃ nīpakānanam |tasyāntarālataralāmuktamuktālatātateḥ || 4||

ज्योतिर्मयमहन्नौमिमहितं रत्नमण्डपम् ।सरस्वत्या च लक्ष्म्या च पूर्वादिद्वारभूमिषु ॥ ५॥

jyotirmayamahannaumimahitaṃ ratnamaṇḍapam |sarasvatyā ca lakṣmyā ca pūrvādidvārabhūmiṣu || 5||

शङ्खपद्मनिधिभ्यां च सतताध्युषि संस्तुवे ।इन्द्रादीन्लोकपालान् च सायुधान् सपरिच्छदान् ॥ ६॥

śaṅkhapadmanidhibhyāṃ ca satatādhyuṣi saṃstuve |indrādīnlokapālān ca sāyudhān saparicchadān || 6||

मण्डपस्यबहिर्भागेऽप्यष्टदिक्षु क्रमस्थितान् ।अथध्यायामि रत्नार्चिरयत्नाकॢप्तदीपिकाम् ॥ ७॥

maṇḍapasyabahirbhāge'pyaṣṭadikṣu kramasthitān |athadhyāyāmi ratnārcirayatnākḷptadīpikām || 7||

हरिचन्दन संलिप्तां हारिणीं मणिदीपिकाम् ।तत्रत्रिकोण पञ्चाराष्टारषोडशपत्रकैः ॥ ८॥

haricandana saṃliptāṃ hāriṇīṃ maṇidīpikām |tatratrikoṇa pañcārāṣṭāraṣoḍaśapatrakaiḥ || 8||

अष्टाष्टधारवेदास्त्रैश्चिन्मयं वक्त्र मीमहे ।तस्यमध्ये कृतानासाम साधारण वैभवाम् ॥ ९॥

aṣṭāṣṭadhāravedāstraiścinmayaṃ vaktra mīmahe |tasyamadhye kṛtānāsāma sādhāraṇa vaibhavām || 9||

इन्दुरेखावतीमेणी लोचनां वेणिशालिनीम् ।हासांशूल्लासनासीर नासाभरण मौक्तिकाम् ॥ १०॥

indurekhāvatīmeṇī locanāṃ veṇiśālinīm |hāsāṃśūllāsanāsīra nāsābharaṇa mauktikām || 10||

मदरक्तकपोलश्री मग्नमाणिक्य दर्पणाम् ।आनन्दहारिणीं तालिदलताटङ्कधारिणीम् ॥ ११॥

madaraktakapolaśrī magnamāṇikya darpaṇām |ānandahāriṇīṃ tālidalatāṭaṅkadhāriṇīm || 11||

उच्चपीनकुचामच्छहारां तुच्छवलग्नकाम् ।सुकुमारभुजावल्ली वेल्लत्कङ्कणरिङ्खणाम् ॥ १२॥

uccapīnakucāmacchahārāṃ tucchavalagnakām |sukumārabhujāvallī vellatkaṅkaṇariṅkhaṇām || 12||

वामस्तनमुखन्यस्त वीणावादविनोदिनीम् ।वलिनाभिनभोभूत काञ्ची हारिप्रभां शुभाम् ॥ १३॥

vāmastanamukhanyasta vīṇāvādavinodinīm |valinābhinabhobhūta kāñcī hāriprabhāṃ śubhām || 13||

न्यस्तैकचरणां पद्मे सलीलासालसाननाम् ।अनर्ध्यलावण्यवतीं मादिनीं वर्ण मातृकाम् ॥ १४॥

nyastaikacaraṇāṃ padme salīlāsālasānanām |anardhyalāvaṇyavatīṃ mādinīṃ varṇa mātṛkām || 14||

अनङ्ग शक्तिजीवातु तद्विक्षेप हराङ्गनाम् ।त्र्यस्रेरतिं प्रीतिमपि प्रणमामि मनोभवाम् ॥ १५॥

anaṅga śaktijīvātu tadvikṣepa harāṅganām |tryasreratiṃ prītimapi praṇamāmi manobhavām || 15||

द्रावणंरोषणञ्चैव बन्धनं मोहनं तथा ।अस्त्रमुन्मादनाख्यं च पञ्चमं पातु मे हृदि ॥ १६॥

drāvaṇaṃroṣaṇañcaiva bandhanaṃ mohanaṃ tathā |astramunmādanākhyaṃ ca pañcamaṃ pātu me hṛdi || 16||

कामराजं च कन्दर्पं मन्मथं मकरध्वजम् ।मनोभवं च पञ्चार कोणाग्रावस्थितं स्तुमः ॥ १७॥

kāmarājaṃ ca kandarpaṃ manmathaṃ makaradhvajam |manobhavaṃ ca pañcāra koṇāgrāvasthitaṃ stumaḥ || 17||

ब्राह्मीं माहेश्वरीं चैवकौमारीं वैष्णवीमपि ।वाराहीमपि माहेन्द्रीं च चामुण्डां चण्डिकां नुमः ॥ १८॥

brāhmīṃ māheśvarīṃ caivakaumārīṃ vaiṣṇavīmapi |vārāhīmapi māhendrīṃ ca cāmuṇḍāṃ caṇḍikāṃ numaḥ || 18||

लक्ष्मीः सरस्वतीचैव रतिः प्रीतिस्तथैव च ।कीर्तिश्शान्तिच पुष्टिश्चतुष्टिरित्यष्टकं भजे ॥ १९॥

lakṣmīḥ sarasvatīcaiva ratiḥ prītistathaiva ca |kīrtiśśāntica puṣṭiścatuṣṭirityaṣṭakaṃ bhaje || 19||

वामाज्येष्ठा च रौद्री च शान्तिः श्रद्धासरस्वती ।क्रियाशक्तिश्च लक्ष्मीश्च सृष्टिश्चैवतु मोहिनी ॥ २०॥

vāmājyeṣṭhā ca raudrī ca śāntiḥ śraddhāsarasvatī |kriyāśaktiśca lakṣmīśca sṛṣṭiścaivatu mohinī || 20||

तथापुर्णादिने चाश्वासिनीवाली तथैव च ।विद्युन्मालिन्यथसुरा नन्दाद्या नागवद्धिका ॥ २१॥

tathāpurṇādine cāśvāsinīvālī tathaiva ca |vidyunmālinyathasurā nandādyā nāgavaddhikā || 21||

इतिषोडश शक्तीनां मण्डलं मानयामहे ।असिताङ्गो रुरुश्चण्ड क्रोधनोन्मत्तभैरवाः ॥ २२॥

itiṣoḍaśa śaktīnāṃ maṇḍalaṃ mānayāmahe |asitāṅgo ruruścaṇḍa krodhanonmattabhairavāḥ || 22||

कपालीभीषणश्चैव संहारश्चेति पान्त्वमी ।मातङ्गीं सिद्धलक्ष्मीं च महामातङ्गिकामपि ॥ २३॥

kapālībhīṣaṇaścaiva saṃhāraśceti pāntvamī |mātaṅgīṃ siddhalakṣmīṃ ca mahāmātaṅgikāmapi || 23||

महतीं सिद्धलक्ष्मीं च तुर्यां च तदुपास्महे ।गणनाथश्च दुर्गा च वटुकः क्षेत्रपोऽवतु ॥ २४॥

mahatīṃ siddhalakṣmīṃ ca turyāṃ ca tadupāsmahe |gaṇanāthaśca durgā ca vaṭukaḥ kṣetrapo'vatu || 24||

शक्तिरूपाणि चाङ्गानि मनसाङ्गी करोम्यहम् ।हंसमूर्तिः स च परः प्रकाशानन्द देशिकः ॥ २५॥

śaktirūpāṇi cāṅgāni manasāṅgī karomyaham |haṃsamūrtiḥ sa ca paraḥ prakāśānanda deśikaḥ || 25||

पूर्णोनित्यश्चवरुणः पातु मां पञ्चदेशिकी ।शिवेत्वांशेषकादेवि मातङ्गेश्वरि मानये ॥ २६॥

pūrṇonityaścavaruṇaḥ pātu māṃ pañcadeśikī |śivetvāṃśeṣakādevi mātaṅgeśvari mānaye || 26||

ईक्षे च मानसेमत्के क्षेत्रपालं कृपालयम् ।शुकिनी शोकनिर्हन्त्री सवीणावेणि भासुरा ॥ २७॥

īkṣe ca mānasematke kṣetrapālaṃ kṛpālayam |śukinī śokanirhantrī savīṇāveṇi bhāsurā || 27||

सुरार्चिता प्रसन्ना च संविद्भवति शाम्भवी ॥ २८॥

surārcitā prasannā ca saṃvidbhavati śāmbhavī || 28||

मदेनशोणा पदपाङ्गकोणा विभक्तवीणा निगमप्रवीणा ।एणाङ्क चूडाकरुणाधुरीणा प्रीणातु वः पोषित पुष्पवाणा ॥ २९॥

madenaśoṇā padapāṅgakoṇā vibhaktavīṇā nigamapravīṇā |eṇāṅka cūḍākaruṇādhurīṇā prīṇātu vaḥ poṣita puṣpavāṇā || 29||

संविन्मयंरुद्र वसन्नतोषिनः साधकीन्द्र भृङ्गकुलः ।कमपुष्पाञ्जलि रेषमतां मातङ्गकन्यका याः ॥ ३०॥

saṃvinmayaṃrudra vasannatoṣinaḥ sādhakīndra bhṛṅgakulaḥ |kamapuṣpāñjali reṣamatāṃ mātaṅgakanyakā yāḥ || 30||

इति श्रीमातङ्गीस्तोत्रपुष्पाञ्जलिः समाप्ता ॥

iti śrīmātaṅgīstotrapuṣpāñjaliḥ samāptā ||